KPT+
ការពិតអភិសេកព្រះនាងម្ចាស់ ប្រ៊ុយណេ មានរយៈពេលដល់ទៅ ១០ថ្ងៃ ព្រោះមូលហេតុនេះ
ប្រិយមិត្ត កម្ពុជាថ្មី ធ្លាប់បានដឹងមកហើយថា ពិធីអភិសេកព្រះនាងម្ចាស់ Fadzillah បុត្រីរបស់ស្ដេច Sultan Hassanal Bokiah ជាព្រះមហាក្សត្រប្រទេសប្រ៊ុយណេ ជាមួយនឹងលោក Abdullah Nabil Mahmud al-Hazimi មានរយៈពេលរហូតដល់ ១០ថ្ងៃ ១០យប់ ចាប់ពីថ្ងៃទី១៦ ដល់ថ្ងៃទី២៥ ខែមករា ឆ្នាំ២០២២។
![เปิดที่มาพิธีเสกสมรส "เจ้าหญิงฟัดซิลลาห์แห่งบรูไน" ทำไมจัดยาวนานกว่า 10 วัน](https://s.isanook.com/wo/0/rp/r/w728/ya0xa0m1w0/aHR0cHM6Ly9zLmlzYW5vb2suY29tL3dvLzAvdWQvMzcvMTg3MDU3L3cuanBn.jpg)
ចុះតើប្រិយមិត្តធ្លាប់ដឹង ឬមានឆ្ងល់ទេថា ហេតុអ្វីអភិសេកនេះ មានរយៈពេលយូរម្ល៉ឹងៗ?
ជាការពិត អាពាហ៍ពិពាហ៍គ្រប់ជាតិសសាន៍សុទ្ធតែឆ្លុះបញ្ចាំងពីរបៀបរស់នៅរបស់ប្រជាជន ជាពិសេសផ្ដោតខ្លាំងលើវប្បធម៌ និងប្រពៃណី។ មិនខុសគ្នាទេ អាពាហ៍ពិពាហ៍ប្រជាជនប្រ៊ុយណេ ក៏ផ្ដោតលើរឿងទាំងនេះដូចគ្នា។
ទំនៀមទម្លាប់ និងវប្បធម៌ របស់ប្រទេសប្រ៊ុយណេ សុទ្ធតែមានមូលដ្ឋានលើសាសនាឥស្លាម ដែលជាសាសនាជាតិ។ ដោយឡែកក្បួនរៀបចំមង្គលការប្រ៊ុយណេមានចែងនៅក្នុងសៀវភៅ ដែលរៀបចំដោយស្ថាប័នសាសនាឥស្លាម ហៅកាត់ថា Assoc ។
![เจ้าหญิงฟัดซิลลาห์ ทรงเข้าพิธีเสกสมรสกับ อับดุลลาห์ นาบิล มาห์มุด อัล-ฮาซิมี](https://s.isanook.com/wo/0/rp/r/w728/ya0xa0m1w0/aHR0cHM6Ly9zLmlzYW5vb2suY29tL3dvLzAvdWQvMzcvMTg3MDU3L3cxLmpwZw==.jpg)
ក្នុងនោះប្រពៃណីអាពាហ៍ពិពាហ៍ប្រ៊ុយណេមានជាច្រើនដំណាក់កាលដូចជា៖
ពិធី bursuroh: ពិធីនេះរួមមាន ការចែចូវ ការភ្ជាប់ពាក្យ ការរៀបចំមុនអាពាហ៍ពិពាហ៍ ពិធីងូតទឹកដើម្បីសម្អាតរាងកាយ និងសម្អាតចិត្ត ដែលវាចំណុចសំខាន់បំផុតរបស់មនុស្សនៅលីវ ដើម្បីប្រែទៅជាជីវិតថ្មី គឺជីវិតអាពាហ៍ពិពាហ៍។ នៅ៣យប់ដំបូង នៃការប្រារព្ធពិធីអាពាហ៍ពិពាហ៍ គេមានរៀបចំកម្មវិធីកម្សាន្តផ្សេងៗដូចជា ការអានកំណាព្យ ការសម្តែងតន្ត្រី រាត្រីម្សៅ។ល។
ពិធី du’a : ពិធីទាំងនេះជាព្រឹត្តិការណ៍ធំបំផុត ក្នុងថ្ងៃរៀបការ។ នៅអំឡុងពេលនេះ គេក៏ធ្វើពិធីអធិស្ឋានដើម្បីបួងសួងសុំជំនួយពីព្រះឱ្យប្រទានពរសុខុមាលភាពដល់ប្តីប្រពន្ធថ្មោងថ្មី។
ពិធី nikah : ជាពិធីសាសនាដែលប្រកាសគូស្នេហ៍ថ្មីថា បានរៀបការស្របតាមច្បាប់ឥស្លាម។ ពិធីនេះ ប្រារព្ធដើម្បីសុំលាភសំណាង ប្រាក់ចំណូលហូរចូល និងនាំមកនូវភាពចម្រុងចម្រើនដល់គូស្វាមីភរិយាផងដែរ។
ពិធី Mulih Tiga Hari : កូនកំលោះនឹងស្នាក់នៅផ្ទះកូនក្រមុំរយៈពេល ៣ថ្ងៃ ៣យប់ ហើយវិលទៅផ្ទះវិញ ជាបណ្តោះអាសន្ន ទើបត្រឡប់ចូលរោងការជាថ្មី។
![สมเด็จพระราชาธิบดีแห่งบรูไนทรงรับการขอพระบรมราชานุญาตเสกสมรสจากอับดุลลาห์ นาบิล มาห์มุด อัล-ฮาซิมี](https://s.isanook.com/wo/0/rp/r/w728/ya0xa0m1w0/aHR0cHM6Ly9zLmlzYW5vb2suY29tL3dvLzAvdWQvMzcvMTg3MDU3L3cyLmpwZw==.jpg)
ចំពោះពិធីអភិសេកព្រះនាងម្ចាស់ Fadzillah វិញ ក៏បានរៀបចំឡើងសឹងដូចគ្នាទាំងអស់ពីក្នុងសៀវភៅណែនាំខាងលើដែរ។ ជាក់ស្ដែង នៅថ្ងៃទី១៦ ខែមករា ជាពិធីដែលស្តេចស៊ុលតង់ ទទួលពិធីមង្គលការពីកូនកំលោះ លោក Abdullah Nabil Mahmud al-Hazimi ។ លុះថ្ងៃទី ១៩ ព្រះមហាក្សត្រ និងម្ចាស់ក្សត្រី Sleha បានយាងចូលរួមក្នុងពិធីសូត្រមន្តប្រទានពរព្រះនាង Funzilla។ បន្ទាប់មក នៅថ្ងៃទី ២៣-២៤ ជាកម្មវីធីទទួលទានអាហារថ្ងៃត្រង់ ចំណែកពិធីមង្គលការពេញលេញគឺនៅថ្ងៃទី ២៥ ខែមករា ឆ្នាំ២០២២៕
![](https://s.isanook.com/wo/0/rp/r/w728/ya0xa0m1w0/aHR0cHM6Ly9zLmlzYW5vb2suY29tL3dvLzAvdWQvMzcvMTg3MDU3L3czLmpwZw==.jpg)
![](https://s.isanook.com/wo/0/rp/r/w728/ya0xa0m1w0/aHR0cHM6Ly9zLmlzYW5vb2suY29tL3dvLzAvdWQvMzcvMTg3MDU3L3c0LmpwZw==.jpg)
ប្រែសម្រួល៖ សន្យា
ចុចអាន៖ មានតែមួយគ្មានពីរ! រ៉ូបប្រណីតបំផុតរបស់បុត្រីស្ដេច ប្រ៊ុយណេ គ្រងក្នុងពិធីអភិសេកថ្ងៃមុន
ចុចអាន៖ មកដឹងសាវតាខ្លះៗរបស់បុត្រីស្ដេច ប្រ៊ុយណេ ដែលកំពុងរៀបអភិសេក ១០ថ្ងៃ ១០យប់
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ