Connect with us

KPT+

ទង្វើសាមញ្ញៗ ៤ យ៉ាងនេះអាចប្រយុទ្ធប្រឆាំងនឹងភាពតានតឹងផ្លូវចិត្ត

បានផុស

នៅ

នរណាៗក៏សុទ្ធតែប្រឈមបញ្ហាជីវិតដែរ រហូតមានអ្នកខ្លះអាចមានបញ្ហាផ្លូវចិត្តដោយសារតានតឹងជាមួយឧបសគ្គខ្លាំងពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាដើម្បីកែប្រែស្ថានការណ៍កុំឲ្យវិវត្តធ្ងន់ធ្ងរ គួរពិចារណាវិធីសាមញ្ញទាំង ៤ នេះសម្រាប់ជួយប្រយុទ្ធប្រឆាំងនឹងជំងឺធ្លាក់ទឹកចិត្តទៅថ្ងៃមុខ៖

១. កែរបបអាហារ

នៅពេលមានអារម្មណ៍ទន់ខ្សោយឬធ្លាក់ទឹកចិត្ត វាពិតជាចាំបាច់ណាស់ក្នុងការរក្សាស្ថេរភាពកម្រិតជាតិស្ករក្នុងឈាមដើម្បីជួយសម្រួលដល់អតុល្យភាពគីមីក្នុងរាងកាយ។

របបអាហារដែលមានជាតិស្ករដូចជា ភេសជ្ជៈកំប៉ុង ទឹកស៊ីរ៉ូ បង្អែម ប័រ នំខេក នំបុ័ងពណ៌ស និងស្ករផ្សេងទៀតសុទ្ធតែធ្វើឲ្យស្ទះសរសៃឈាម ព្រមទាំងធ្វើឲ្យឱ្យមានអារម្មណ៍ធុញទ្រាន់។ ដូច្នេះគួចៀសវាងអាហារទាំងនេះ ហើយត្រឡប់មកទទួលទានអាហារមានប្រូតេអ៊ីនខ្ពស់ និងអាហារមានកាបូអ៊ីដ្រាតទាប ព្រោះវាជួយឲ្យមានកម្លាំងរាងកាយ ក៏ដូចជាអភិវឌ្ឍកម្លាំងចិត្តផងដែរ។

២. គ្រប់គ្រងកិច្ចការតូចៗ

កិច្ចការដែលបំពេញប្រចាំថ្ងៃរបស់អ្នកអាចច្រើនលើសលប់ពេក ដែលជាមូលហេតុធ្វើឲ្យមានជំងឺធ្លាក់ទឹកចិត្ត។

ទម្លាប់ប្រចាំថ្ងៃដូចជា ការញ៉ាំអាហារពេលព្រឹក ការស្លៀកពាក់ ឬសូម្បីតែការងើបចេញពីគ្រែក៏អាចបង្កបញ្ហាប្រឈមធំៗសម្រាប់កិច្ចការផ្សេងទៀតពេញមួយថ្ងៃបានដែរ។

វិធីល្អបំផុតដើម្បីប្រយុទ្ធប្រឆាំងនឹងបញ្ហានេះគឺត្រូវបែកចែកភារកិច្ចទាំងនោះទៅជាដំណាក់កាលតូចៗដែលអាចគ្រប់គ្រងបាន។ ចូរកំណត់ខ្លួនឯងនូវបញ្ជីការងារជាជំហាន ៗ ដើម្បីអាចសម្រេចបាននូវអ្វីខ្លួនចង់បានសម្រាប់មួយថ្ងៃៗ។

៣. ធ្វើលំហាត់ប្រាណ

ការធ្វើលំហាត់ប្រាណគឺជាឧបករណ៍ព្យាបាលដ៏មានឥទ្ធិពលដែលអាចអភិវឌ្ឍទំនុកចិត្ត បង្កើនអារម្មណ៍ល្អ បង្កើនថាមពល និងបន្ថយអារម្មណ៍អស់កម្លាំង។ វាជាថ្នាំប្រឆាំងនឹងជំងឺធ្លាក់ទឹកចិត្តធម្មជាតិយ៉ាងមានប្រសិទ្ធិភាព។ ការធ្វើលំហាត់ប្រាណបង្កឱ្យមានប្រតិកម្មគីមីនៃអរម៉ូន endorphins ដែលអាចទប់ទល់នឹងភាពតានតឹងបានថែមទៀត។

បើទោះបីរវល់យ៉ាងណាក៏ដោយ មិនត្រូវភ្លេចឆ្លៀតហាត់ប្រាណឲ្យបាន ១៥-២០ នាទីឲ្យបានរាល់ថ្ងៃឡើយ។

៤. ចៀសសវាងនៅដាច់តែឯង

ការផ្ដាច់ខ្លួននៅតែឯង ធ្វើឲ្យខ្លួនមានអារម្មណ៍អាប់អួរនិងកាន់តែកណ្ដោចកណ្ដែងទ្វេរឡើង។ បើអ្នកជាមនុស្សឧស្សាហ៍តានតឹងផ្លូវចិត្ត ដើម្បីការពារកុំឲ្យវាវិវត្តទៅជាជំងឺបាក់ទឹកចិត្តទាន់ ត្រូវព្យាយាមចូលក្នុងចំណោមមនុស្សឲ្យបានច្រើនតាមដែលអាចធ្វើបាន។ ណាត់មិត្តភក្តិជជែកគ្នាលេង ដើរផ្សារ មើលកុន  ឬមានដំណើរកម្សាន្តខ្លះៗ។ ល។

ភាពតានតឹងផ្លូវពិតជាមិនងាយនឹងធូរស្រាលទេ ដរាបណាអ្នកនៅតែចង់ទុកវាតែឯង និងនៅតែឱបក្រសោបទម្លាប់មិនល្អមួយចំនួន។ តាមពិត វាក៏មិនពិបាកពេកដែរក្នុងការរំសាយអារម្មណ៍ស្ត្រេស ព្រោះអ្នករឹងមាំគ្រប់គ្រាន់ដើម្បីដោះស្រាយវា៕

ប្រែសម្រួល៖ សន្យា

ប្រភព៖ Wealthy Gorilla

ចុចអាន៖ ៥ វិធីជំរុញទឹកចិត្តខ្លួនឯង កុំរង់ចាំ​ដល់អ្នកដទៃមកជួយគាំទ្រ

ចុចអាន៖ ទុកស្រ្តេសនៅយូររ៉ាំរ៉ៃបង្កគ្រោះថ្នាក់ទាំងផ្លូវចិត្តនិងរាងកាយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ឧកញ៉ា ឡេង ប្រុស ឧបត្ថម្ភ​ថវិកា ១០​លាន​រៀល​ភ្លាម​ដល់​កីឡាករ ឡុង ជិន សង់ផ្ទះ​ក្រោយ​ខ្យល់​ខ្លាំង​បាក់​រំលំ​ខ្ទិច​អស់

ព័ត៌មានជាតិ៧ ម៉ោង មុន

គណបក្ស​ប្រជាជន​កម្ពុជា​ទីក្រុង​មែ​ល​ប៊​ន អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស

ព័ត៌មានជាតិ៨ ម៉ោង មុន

ខួប​លើក​ទី​៥៥ នៃ​ទំនាក់ទំនង​ការទូត​រវាង​កម្ពុជា​-​វៀតណាម

ព័ត៌មានជាតិ៨ ម៉ោង មុន

លោក ញឹក ប៊ុនឆៃ៖ អ្នក​សង្កេតការណ៍ជាតិ អន្តរជាតិ មិនបាន​​រៀបចំឱ្យនិយាយ​ល្អ​ពី​កម្ពុជាទេ

សន្តិសុខសង្គម៩ ម៉ោង មុន

សមត្ថកិច្ច​ដកហូតកាំភ្លើង​ពិត​ និងកែច្នៃ​ជាង ៤០ ដើម​ក្រោយករណីផ្ទុះអាវុធ​បណ្ដាល​ឱ្យអធិការ​រង​នគរ​បាលក្រុងព្រះសីហនុ​រងរបួស​

Sokha Hotels

ព័ត៌មានពេញនិយម