ព័ត៌មានជាតិ

កាន់តែអស្ចារ្យ ! គ្រាន់តែប្រើអេស៊ីលីដាម៉ូបាលក៏បានលុយដែរ

បានផុស

៥ years មុន

នៅ

ថ្ងៃពុធ ១៤ មេសា ២០២១

ដោយ

ភ្នំពេញ ៖ ចាប់ពីថ្ងៃទី ១៤ ខែមេសា នេះតទៅ អតិថិជនដែលបានប្រើប្រាស់សេវាអេស៊ីលីដាម៉ូបាលច្រើនប្រតិបត្តិការនោះ នឹងទទួលបានការលើកទឹកចិត្តនូវទឹកប្រាក់ត្រឡប់ទៅវិញរហូតដល់ ៥០ដុល្លារ ពីធនាគារអេស៊ីលីដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារអេស៊ីលីដាភីអិលស៊ីបានមានប្រសាសន៍ថា ការផ្តល់ប្រាក់ជូនដល់អតិថិជនធ្វើប្រតិបត្តិការច្រើននេះ គឺដើម្បីចូលរួមលើកទឹកចិត្តឲ្យអតិថិជនរបស់ធនាគារអេស៊ីលីដាធ្វើការទូទាត់ប្រាក់តាមមធ្យោបាយ ឌីជីថល សំដៅកាត់បន្ថយបាននូវការប្រើប្រាស់សាច់ប្រាក់ដែលអាចជាប្រភពចម្លងជំងឺកូវីដ-១៩ ខណៈបច្ចុប្បន្នប្រទេសកម្ពុជាកំពុងផ្ទុះរាតត្បាតជំងឺដ៏កាចសាហាវនេះចូលក្នុងសហគមន៍ទ្រង់ទ្រាយធំ។

លោកស្រីបានបន្តថា កម្មវិធីពិសេសនេះមានប្រសិទ្ធភាព ចាប់ពីថ្ងៃទី ១៤ ខែមេសា ឆ្នាំ ២០២១ រហូតដល់ ថ្ងៃទី ៣១ ខែឧសភា ឆ្នាំ ២០២១ ដោយធនាគារអេស៊ីលីដា ផ្តល់ប្រាក់ជូនអតិថិជនដែលធ្វើប្រតិបត្តិការអេស៊ីលីដាម៉ូបាលច្រើនប្រតិបត្តិការ សម្រាប់អតិថិជនចំនួន ៧០០ នាក់ ដូចជា ៖ បញ្ចូលប្រាក់ទូរស័ព្ទ បង់វិក្កយបត្រ ស្កេនទូទាត់តាមឃ្យូអរកូដ នឹងទទួលបានទឹកប្រាក់ត្រឡប់មកវិញរហូតដល់ ៥០ ដុល្លារ។

លោកស្រី បានបន្តទៀតថា «អីចឹងមានន័យថា អតិថិជនប្រើកម្មវិធីអេស៊ីលីដាកាន់តែច្រើន នឹងទទួលបានប្រាក់ត្រឡប់មកវិញកាន់តែច្រើន »។

គួរបញ្ជាក់ថា រហូតមកដល់ពេលនេះ អេស៊ីលីដាម៉ូបាល ដែលជា អេប ប្រកបដោយបច្ចេកវិទ្យាខ្ពស់ ច្នៃប្រឌិតដោយកូនខ្មែរនេះ មានអតិថិជនគាំទ្រប្រើប្រាស់ប្រមាណជិត ២ លាននាក់ហើយ៕

Related Topics:ពាណិជ្ជកម្ម