ព័ត៌មានជាតិ

ឆ្នាំ ២០២៥ ខេត្តស្ទឹងត្រែងដំឡើងស្ថានីយបង្គោលអង់តែនថ្មី ២៣ កន្លែង នៅតំបន់គ្មានសេវា

បានផុស

៦ ខែ មុន

នៅ

ថ្ងៃព្រហស្បតិ៍ ៨ មករា ២០២៦

ដោយ

ខេត្តស្ទឹងត្រែងបានដំឡើងស្ថានីយបង្គោលអង់តែនថ្មីចំនួន ២៣ កន្លែងនៅតំបន់គ្មានសេវា ដើម្បីបង្កើនការប្រើប្រាស់សេវាឲ្យបានទូលំទូលាយនៅតំបន់ដាច់ស្រយាល។

របាយការណ៍បូកសរុបលទ្ធផលការងាររបស់រដ្ឋបាលខេត្តស្ទឹងត្រែងឆ្នាំ ២០២៥ បានបញ្ជាក់ថា នៅក្នុងឆ្នាំ ២០២៥ អាជ្ញាធរខេត្តបានពង្រីកបន្ថែមស្ថានីយ ដោយបានសង់ស្ថានីយបង្គោលអង់តែនថ្មីចំនួន ៨ ស្ថានីយ រួមទាំងការបន្ថែម Internet 4G នៅគ្រប់ស្ថានីយអង់តែន។ ជាមួយគ្នានេះ ក៏បានដំឡើងស្ថានីយបង្គោលអង់តែនថ្មីតាមតំបន់ដាច់ស្រយាលមិនទាន់មានសេវាចំនួន ២៣ កន្លែង ដើម្បីសម្រួលការប្រើប្រាស់ឲ្យបានល្អប្រសើរ។

ពាក់ព័ន្ធការងារប្រៃសណីយ៍ និងទូរគមនាគមន៍បានរៀបចំបណ្ដាញខ្សែអុបទិកថ្មីបានប្រវែងជាង ៣ ៥០០ ម៉ែត្រ ជាមួយការគ្រប់គ្រងបណ្ដាញអុបទិកប្រវែង ៣.១២២,៣២ គីឡូម៉ែត្រ ខណៈស្ថានីយបង្គោលអង់តែនក្នុងខេត្តសរុបចំនួន ១៧៥ បង្គោល និង Microwave មាន ២៩១ គ្រឿង។

បើតាមរដ្ឋបាលខេត្តស្ទឹងត្រែង ប្រតិបត្តិករទូរគមនាគមន៍ក្នុងខេត្តមាន ៣ ក្រុមហ៊ុន ក្រុមហ៊ុនផ្តល់សេវាទូរសព្ទចល័តនិងអចល័តមានចំនួន ៤ និងអង្គភាពផ្តល់សេវាអ៊ីនធឺណិត ISP មាន ៧ សាខា៕

បន្តចុចអាន៖ ក្រុងស្ទឹងត្រែងកាន់តែប្រែប្រួលមុខមាត់ ទាក់ទាញទេសចរទៅកម្សាន្តខេត្តជាប់ព្រំដែនឡាវ