ព័ត៌មានជាតិ

រដ្ឋផ្អាកទទួលពាក្យសុំបង្កើតស្ថានីយប្រេងថ្មីជាបណ្ដោះអាសន្នដើម្បីទុកពេលពិនិត្យបញ្ញត្តិបច្ចេកទេសឡើងវិញ

បានផុស

៦ ខែ មុន

នៅ

ថ្ងៃសៅរ៍ ២៤ មករា ២០២៦

ដោយ

ក្រសួងរ៉ែ និងថាមពល បានចេញសេចក្តីជូនដំណឹងជាផ្លូវការស្តីពីការផ្អាកទទួលពាក្យស្នើសុំបង្កើតស្ថានីយប្រេង និងឧស្ម័នឥន្ធនៈថ្មីជាបណ្ដោះអាសន្ន ដើម្បីពិនិត្យ និងកែសម្រួលបទបញ្ញត្តិបច្ចេកទេសសុវត្ថិភាពឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្ដីជូនដំណឹងចុះថ្ងៃទី២៣ ខែមករា រដ្ឋមន្រ្តីរ៉ែ និងថាមពលលោក កែវ រតនៈ បានសម្រេចផ្អាកការផ្ដល់សិទ្ធិស្នើសុំបង្កើតស្ថានីយប្រេង និងឧស្ម័នឥន្ទនៈថ្មីចាប់ពីថ្ងៃទី១ ខែមីនាខាងមុខ រហូតដល់ថ្ងៃទី៣១ ខែកក្កដា ឆ្នាំ២០២៦ ដើម្បីទុកពេលសិក្សារៀបចំលក្ខណៈបច្ចេកទេសសុវត្ថិភាពសម្រាប់ការសាងសង់ស្ថានីយឡើងវិញ និងកំណត់គោលការណ៍ណែនាំថ្មីៗក្នុងការអនុញ្ញាតឱ្យបង្កើតស្ថានីយ។

ដោយឡែកសម្រាប់ស្ថានីយដែលមានស្រាប់ក្រសួងនៅតែបន្តទទួលពាក្យស្នើសុំវិញ្ញាបនបត្របញ្ជាក់បច្ចេកទេសសុវត្ថិភាព ការបន្តសុពលភាព ផ្ទេរសិទ្ធិ និងការកែសម្រួលស្ថានីយជាធម្មតា៕

អត្ថបទដោយ ហ៊ុន សិរីវឌ្ឍន៍