ព័ត៌មានជាតិ

សាកលវិទ្យាល័យក្រចេះ បើកវគ្គបណ្តុះបណ្តាល ស្តីពី“ការកែច្នៃផលិតផលចំណីអាហារក្នុងស្រុក”កាត់បន្ថយការនាំចូល និងប្រើប្រាស់ពីខាងក្រៅ

បានផុស

៤ ខែ មុន

នៅ

ថ្ងៃសុក្រ ១៣ មីនា ២០២៦

ដោយ

នៅថ្ងៃទៅ១២-១៣ ខែមីនា ឆ្នាំ២០២៥ នេះ សាកលវិទ្យាល័យក្រចេះ បានបើកវគ្គបណ្តុះបណ្តាល ស្តីពី “ការកែច្នៃផលិតផលចំណីអាហារក្នុងស្រុក” កាត់បន្ថយនូវការនាំចូល ជាពិសេសការប្រើប្រាស់របស់របរពីខាងក្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវគ្គបណ្តុះបណ្តាលនោះ លោកដុកទ័រ Hendri Bustaman សាស្ត្រាចារ្យបណ្ឌិត នៅមហាវិទ្យាល័យកសិកម្ម នៃសាកលវិទ្យាល័យ Bengkulu មកពីប្រទេសឥណ្ឌូនេស៊ី ត្រូវបានសាកលវិទ្យាល័យក្រចេះ អញ្ជើញជាវាក្មិន ក្នុងពិធីបើកវគ្គបណ្តុះបណ្តាល ស្តីពី “ការកែច្នៃផលិតផលចំណីអាហារក្នុងស្រុក” ។

វគ្គបណ្តុះបណ្តាលខាងលើនេះ រៀបចំឡើងដោយសាកលវិទ្យាល័យក្រចេះ ដែលមានរយៈពេល ២ ថ្ងៃ គឺថ្ងៃទី១២-១៣ ខែមីនា ឆ្នាំ២០២៦។

វគ្គបណ្តុះបណ្តាលនេះ មានគោលបំណងសំខាន់ គឺដើម្បីចូលរួមអភិវឌ្ឍសមត្ថភាពបុគ្គលិកអប់រំ មន្ត្រី សិស្ស និស្សិត នៅក្នុងសាកលវិទ្យាល័យក្រចេះ សិស្សានុសិស្សមកពីវិទ្យាល័យទាំង ៣ នៅក្នុងក្រុងក្រចេះ ក៏ដូចជាប្រជាកសិករ និងអាជាធរពាក់ព័ន្ធ ទៅលើបច្ចេកទេសក្នុងការកែច្នៃ ការផលិត និងការវេចខ្ចប់នូវកសិផលក្នុងស្រុក ដើម្បីកែច្នៃឱ្យចេញទៅជាផលិតផលសម្រេច។

ក្នុងនោះមាន -ការផលិតទឹកម្ទេស, ទឹកប៉េងប៉ោះ, ទឹកសណ្ដែក, ទឹកគ្រាប់ស្វាយចន្ទី, នំ Cookies, តៅហ៊ូ, នំផ្អែមពីល្ពៅ, តំណាប់ក្រូចថ្លុង, និងទឹកក្រូចថ្លុង ជាដើម។

វគ្គបណ្តុះបណ្តាលនាពេលនេះ គឺជាឱកាសមួយសម្រាប់ទាំងអស់គ្នា ក្នុងការកែច្នៃ និងអភិវឌ្ឍន៍ផលិតផលក្នុងស្រុក កាត់បន្ថយការនាំចូល និងប្រើប្រាស់របស់ខាងក្រៅ ស្របទៅនឹងបរិបទពហិការរបស់ប្រទសជាតិ និងប្រជាជន៕

អត្ថបទ៖ ប្រុញ វិធិន