ព័ត៌មានជាតិ

ភ្លៀងមួយមេយប់មិញ ខូចខាតផ្ទះពលរដ្ឋ១៧២ខ្នងនៅខេត្តបន្ទាយមានជ័យ

បានផុស

៥ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

ផ្ទះប្រជាពលរដ្ឋ១៧២ខ្នងរងការបែកបាក់ និងរលំស្ទើររាបដល់ដីដោយសារខ្យល់កន្ត្រាក់ ភ្លៀងកក់ខែ មួយមេធំក្នុងស្រុកព្រះនេត្រព្រះ និងក្រុងប៉ោយប៉ែត នៅល្ងាចថ្ងៃ៥ ខែឧសភា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីមូលដ្ឋាន និងនគរបាលក្រុងប៉ោយប៉ែត បានប្រាប់ឲ្យដឹងថា នៅល្ងាចថ្ងៃ៥ខែឧសភា ឆ្នាំ២០២១នេះមានភ្លៀង១មេលាយឡំខ្យល់កន្ត្រាក់បានវាយបោកបក់បណ្ដាលឲ្យខូចខាតផ្ទះចំនួន៧៥ខ្នងលើ៤សង្កាត់ ១សង្កាត់មិនិត្ត ខូចខាតផ្ទះប្រជាពលរដ្ឋ៣៤ខ្នង ២សង្កាត់ផ្សារកណ្តាលខូចខាតផ្ទះប្រជាពលរដ្ឋ២៣ខ្នង ៣សង្កាត់ប៉ោយប៉ែតខូចខាងផ្ទះប្រជាពលរដ្ឋ១៦ខ្នង និងផ្សារមង្គលប៉ោយប៉ែត១ខ្នង ក្នុងនោះមានផ្ទះប្រជាពលរដ្ឋខូចខាតធ្ងន់ មធ្យម និងបន្តិចបន្ទួច។

ចំណែកស្រុកព្រះនេត្រព្រះ ផ្ទះប្រជាពលរដ្ឋរងគ្រោះដោយខ្យល់កន្ត្រាក់មានចំនួន៩៨ខ្នង ក្នុង៥ភូមិមាន ១ភូមិត្របែក៣០ខ្នង របើកស័ង្កសី ៤៧២សន្លឹក ២ភូមិកណ្តាលអស់ផ្ទះប្រជាពលរដ្ឋ២០ខ្នងរបើកស័ង្កសីអស់២២៩សន្លឹក ៣ភូមិគោកធំអស់ផ្ទះប្រជាពលរដ្ឋ៣៥ខ្នង របើកស័ង្កសី ៥៦៥សន្លឹក ៤ភូមិសូត្រមន្ត អស់ផ្ទះប្រជាពលរដ្ឋរបើកស័ង្កសី១៦សន្លឹក ៥ភូមិបុស្បូវ ផ្ទះប្រជាពលរដ្ឋ៧ខ្នងរបើកស័ង្កសី២១១សន្លឹក នៅ ល្ងាច ថ្ងៃទី៥ ខែឧសភា ឆ្នាំម២០២១ ។

មន្ត្រីមូលដ្ឋាន និងនគរបាលបានស្រុកព្រះនេត្រព្រះបានប្រាប់អ្នកយកព័ត៍មានឲ្យដឹងថាក្រោយពីកើតហេតុហើយលោកឃូពៅអភិបាលស្រុកព្រះនេត្រព្រះ និងលោក គាត ហ៊ុល អភិបាលក្រុងប៉ោយប៉ែត លោកនិងក្រុមការងារបានចុះទៅដល់ផ្ទះប្រជាពករដ្ឋដែលរងគ្រោះដោយខ្យល់កន្ត្រាក់ពិនិត្យនិងរៀបចំសាឡើងវិញដើម្បីសម្រួលឲ្យជាពលរដ្ឋរស់នៅបណ្តោះអាសន្នសិនហើយក៏ដើម្បីត្រៀមជួសជុលឲ្យនៅពេលខាងមុខនេះផងដែរ៕

អត្ថបទ ៖ វ៉ាន់ ណាង