ឃាត់ខ្លួនជនសង្ស័យ​ប្រុស-ស្រី ៣នាក់​ក្នុង​បទ​ល្មើស​គ្រឿងញៀន​

​បុរស​ម្នាក់ និង​ស្ត្រី​២​នាក់​ត្រូវបាន​ប៉ូលីស​ជំនាញ​នៃ​អធិការដ្ឋាន​នគរបាល​ស្រុក​ត្រាំកក់​បង្ក្រាប​ក្នុង​បទ​ល្មើស​គ្រឿងញៀន​។

ការឃាត់ខ្លួន​ជនសង្ស័យ​ទាំង​៣​នាក់​នេះ ​ធ្វើឡើ​ង​នៅ​ថ្ងៃទី​៣ ខែមិថុនា ឆ្នាំ​២០២១ វេលា​ម៉ោង​២១​និង​៣០​នាទី ដោយ​កម្លាំង​ជំនាញ​អធិការដ្ឋាន​នគរបាល​ស្រុក​ត្រាំកក់ សហការ​ជាមួយ​ប៉ុស្តិ៍​រដ្ឋបាល​អូរ​សារាយ ។

ប៉ូលីស​បញ្ជាក់ថា មុន​ឃាត់ខ្លួន កម្លាំង​ជំនាញ​ស្រុក​បានធ្វើ​ការចេញ​ល្បាត​ចំណុច​គោលដៅ​សំខាន់ៗ លុះដល់​ចំណុច​ចម្ការ​ស្វាយ​ស្ថិតនៅ​ភូមិ​ត្រពាំង​ក្រឡាញ់ ឃុំ​អូរ​សារាយ ស្រុក​ត្រាំកក់ ខេត្តតាកែវ​។ ដោយមាន​ការសង្ស័យ ក៏បាន​ធ្វើ​ការឃាត់​សាកសួរ​ទៅលើ​ជនសង្ស័យ​ទាំង​៣​នាក់​ ដែលមាន​ឈ្មោះ មាំ ពៅ ភេទ​ប្រុស អាយុ៣៧​ឆ្នាំ និង​ឈ្មោះ សន សុភា ភេទ​ស្រី អាយុ​៣១​ឆ្នាំ ទាំងពីរ​នាក់​រស់នៅ​ភូមិ​ត្រពាំង​ក្រឡាញ់ ឃុំ​អូរ​សារាយ ស្រុក​ត្រាំកក់ ខេត្តតាកែវ​។

ឈ្មោះ ទ្រី ស ភេទ​ទី៣ អាយុ​៣១​ឆ្នាំ រស់នៅ​ភូមិ​ទួល​សាំង ស្រុក​អង្គ​បូរី ខេត្តតាកែវ​។ ចំណែក​វត្ថុតាង​នៅជាប់​ខ្លួន​មាន​ម្សៅ​ក្រាម​ពណ៌​ស​ថ្លា​ចំនួន២​កញ្ចប់​តូច ម៉ូតូ​០២​គ្រឿង និង​ទូរស័ព្ទ​ចំនួន​៣​គ្រឿង​ផងដែរ​។

បច្ចុប្បន្ន​ជនសង្ស័យ​និង​វត្ថុតាង​ត្រូវបាន​កម្លាំង​ជំនាញ​អធិការដ្ឋាន​នគរបាល​ស្រុក​ត្រាំកក់ ​កសាង​សំណុំរឿង​បញ្ជូនទៅ​សាលាដំបូង​ខេត្តតាកែវ​ចាត់ការ​តាម​នីតិវិធី​៕

អត្ថបទ ៖ វីរ​:​