ព័ត៌មានជាតិ
ទំនិញសំខាន់ៗ៤មុខរបស់កម្ពុជានៅតែទទួលបានការអនុគ្រោះពន្ធពីអង់គ្លេស
កម្ពុជានៅតែអាចនាំទំនិញចេញទៅទីផ្សារអង់គ្លេសដោយមិនចាំបាច់បង់ពន្ធ បន្ទាប់ពីអង់គ្លេសបានចាកចេញពីសហភាពអុឺរុ៉ប ជាមួយនឹងគោលនយោបាយឯករាជ្យរបស់ខ្លួនក្នុងការធ្វើពាណិជ្ជកម្មជាមួយពិភពលោក។ យោងតាមទិន្ន័យរបស់ក្រសួងពាណិជ្ជកម្ម ទំហំពាណិជ្ជកម្មរវាងកម្ពុជា និងអង់គ្លេសក្នុងឆ្នាំ២០២០មានទំហំ៨៧៧លានដុល្លារ ក្នុងនោះកម្ពុជាបាននាំចេញទំនិញសំខាន់ៗទៅទីផ្សារអង់គ្លេសដូចជាសំលៀកបំពាក់ ស្បែកជើង អង្ករ និងកង់ជាដើម ក្នុងទំហំទឹកប្រាក់៨២៦លានដុល្លារ។
បើទោះបីជាកម្ពុជាបាត់បង់ការអនុគ្រោះពន្ធមួយផ្នែកពីទីផ្សារអុឺរ៉ុប តែប្រទេសអង់គ្លេសនៅតែបន្តផ្ដល់ការអនុគ្រោះពន្ធដល់កម្ពុជា ដោយអនុវត្តចាប់ពីខែមករា ឆ្នាំ២០២១នេះតទៅ។
ឧកញ្៉ាលឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ថា៖ «កម្ពុជា និងអង់គ្លេសមានទំនាក់ទំនងល្អតាំងពីអង់គ្លេសនៅជាសមាជិកសហភាពអឺុរុប ហើយអ្នកវិនិយោគរបស់អង់គ្លេសក៏នៅប្រទេសកម្ពុជាច្រើនដែរ។ ដូច្នេះ អ្នកវិនិយោគនៅតែអាចបន្តផលិតកម្មរបស់ខ្លួនដើម្បីនាំទំនិញចេញទៅកាន់ទីផ្សារអង់គ្លេសដូចមុន។»
ឧកញ្៉ាលឹម ហេង បានបន្តថា ទន្ទឹមពេលដែលសហភាពអឺុរុប និងសហរដ្ឋអាមេរិកតំឡើងពន្ធគយមួយផ្នែកលើកម្ពុជា អង់គ្លេសនៅតែបន្តអនុគ្រោះពន្ធដល់កម្ពុជាដូចកាលនៅជាសមាជិកសហភាពអឺុរុប ដោយកម្ពុជានៅតែអាចនាំទំនិញគ្រប់បែបយ៉ាងលើកលែងតែអាវុធចូលទីផ្សារអង់គ្លេសដោយគ្មានរនាំងពន្ធគយ។
កាលពីថ្ងៃទី២៣ ខែមិថុនា ឆ្នាំ២០២១ លោក Dominic Raab រដ្ឋមន្រ្តីការបរទេស និងអភិវឌ្ឍន៍នៃចក្រភពអង់គ្លេស បានមកដល់កម្ពុជាដើម្បីបំពេញទស្សនកិច្ចផ្លូវការរយៈពេល១ថ្ងៃ តាមការអញ្ជើញរបស់ លោកឧបនាយករដ្ឋមន្ត្រី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា។
ជុំវិញដំណើរទស្សនកិច្ចផ្លូវការរបស់ លោក ដូមីនិក រ៉ាអាប់ នៅកម្ពុជា ឧកញ្៉ាលឹម ហេង ជឿជាក់ថា វានឹងជួយរួមចំណែកជំរុញ និងពង្រឹងបន្ថែមទៀតនូវទំនាក់ទំនងទ្វេភាគីរវាងប្រទេសទាំងពីរ ជាពិសេសផ្នែកពាណិជ្ជកម្ម ដោយកម្ពុជានៅតែបន្តទទួលបានផលប្រយោជន៍ពីការអនុគ្រោះពន្ធពីអង់គ្លេសនៅឆ្នាំនេះ៕
អត្ថបទ៖ វ៉ាត វិន
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល