ស្នងការនគរបាលខេត្តបន្ទាយមានជ័យ ជំរុញពលរដ្ឋគ្រប់អាយុ ធ្វើអត្តសញ្ញាណប័ណ្ណ និងចុះឈ្មោះបោះឆ្នោត

បន្ទាយមានជ័យ៖ លោក ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅថ្ងៃទី២៥ ខែមិថុនា ឆ្នាំ២០២១នេះ បានជំរុញដល់ពលរដ្ឋគ្រប់អាយុនៅ​ស្រុកស្វាយចេក ត្រូវទៅធ្វើអត្តសញ្ញាណប័ណ្ណ និងចុះឈ្មោះបោះឆ្នោតឱ្យបានគ្រប់គ្នា។

ការជំរុញនេះធ្វើឡើងក្នុងឱកាសលោកបន្តសកម្មភាពចុះជួបសំណេះ​សំណាល​ជាមួយសមាជិសមាជិការគណបក្សប្រជាជន នៅឃុំសារង្គ ស្រុកស្វាយ។

ថ្លែងក្នុងឱកាសនោះ លោក សិទ្ធិ ឡោះ បានជំរុញឱ្យពលរដ្ឋត្រូវទៅចុះឈ្មោះបោះឆ្នោតឱ្យ​បានគ្រប់ៗគ្នា។ ចំពោះពលរដ្ឋគ្រប់អាយុត្រូវទៅធ្វើអត្តសញ្ញាណប័ណ្ណសញ្ជាតិខ្មែរ ព្រោះ​អត្តសញ្ញាណ​​សំខាន់ណាស់ ជាឯកសារគតិយុត្តិ បង្កការងាយស្រួលដល់ការធ្វើការ ឬ​ប្រកបរបរ​ចិញ្ចឹមជីវិត ដូចជាប្រឡងចូលធ្វើការតាមស្ថាប័នរដ្ឋ និងក្រុមហ៊ុន កាត់ប្លង់ដី ឬខ្ចីលុយ​ធនាការជាដើម។

ជាមួយគ្នានេះ លោកបាននាំ​យក​អំណោយរបស់ ឯកឧត្តម នាយឧត្តមសេនីយ៍ ឧបនាយករដ្ឋមន្រ្តី កែ គឹមយ៉ាន  និងលោកជំទាវ ទៅចែកជូនពលរដ្ឋ០៩គ្រួសារ ដែលកំពុងជួបការខ្វះខាតក្នុងជីវភាព អំឡុងពេល​ជំងឺកូវីដ-១៩រាតត្បាត។
អំណោយដែលត្រូវចែកជូនដល់ពលរដ្ឋដែលមានជីវភាពខ្វះខាតក្នុងអំឡុងពេលជំងឺកូវីដរាតត្បាតមាន ថវិការ១,០៥០,០០០រៀល (មួយលានប្រាំម៉ឺនរៀល)  អង្ករ៤៥០គីឡូក្រាម ទឹកស៊ីអ៊ីវ១៨យួរ  ត្រីខ១៨យួរ មី៩កេសតូច ទឹកត្រី១៨យួរ ទឹកសុទ្ធវីតាល់៩កេស ទឹកក្រូច៩កេស។ ព្រមទាំងជូនរដ្ឋបាលឃុំសារង្គ១៦ម៉ឺនរៀល ក្រុមយុវជន សសយក ០៧នាក់ ចំនួន១៤ម៉ឺនរៀល។

ឆ្លៀតក្នុងឱកាសនោះលោក សិទ្ធិ ឡោះ បានចុះសួរសុខទុក្ខលោក ព្រហ្ម ម៉ៅ មេភុមិភាសជើង ដែលមានជំងឺប្រចាំកាយកំពុងសម្រាកនៅផ្ទះ ឧបត្ថម្ភថវិកាចំនួន៣០ម៊ឺនរៀល។

អត្ថបទ៖ ឯម ពៅ