ពលរដ្ឋភូមិដើម ចាន់ ព័ទ្ធចាប់ចោរគាស់ផ្ទះទាំងកណ្ដាលថ្ងៃត្រង់ ចំនួន ៣ នាក់​ ប្រគល់ឲ្យប៉ូលិស

មុខសញ្ញាចោរគាស់ផ្ទះចំនួន ៣ នាក់ ត្រូវបាន​ប្រជាពលរដ្ឋ​ព័ទ្ធ​ចាប់​បាន​ ហើយ​ប្រគល់​ឲ្យ​ប៉ូលិស​ចាត់ការ​តាម​ផ្លូវច្បាប់។

យោងតាមប្រភពពីលោក ជូ ចាន់នី ជំនួយការសាលាសង្កាត់ច្បារអំពៅទី២ បាន​ប្រាប់កម្ពុជាថ្មី​ឲ្យ​ដឹង​ថា​កាល​ពីវេលាម៉ោង ១៣ និង១០នាទី រសៀល ថ្ងៃទី ១០ ខែ កក្កដា ប្រជាពលរដ្ឋរស់នៅភូមិចុងដី​ សង្កាត់ច្បារអំពៅទី២ ខណ្ឌច្បារអំពៅ បានពទ្ធ័ចាប់មុខសញ្ញាគាស់ផ្ទះប្រជាពលរដ្ឋចំនួន ៣ នាក់ ដែលសុទ្ធសឹងតែជាបុរស។

លោកជូ ចាន់នី បានបញ្ជាក់ទៀតថាមុខសញ្ញាចោរគាស់ផ្ទះទាំង៣នាក់​នេះ គឺទើបនិងចេញ​ពីគុកព្រៃសរ។ ហើយផ្ទះ​ដែលពួកវាគាស់គឺម្ចាស់ផ្ទះរវល់ទៅលក់នៅផ្សារច្បារអំពៅ។ ហើយក៏ជាសំណាងរបស់វាផងដែរ ដែលប្រជាពលរដ្ឋលោកមិនកាត់ទោសប្រហារជីវិត ដោយសារតែបងប្អូនប្រជាពលរដ្ឋលោកយល់ដឹងពីច្បាប់ទំលាប់។ ខណៈ ដែលប្រជាពលរដ្ឋពទ្ធ័ចាប់បានភ្លាមៗ កម្លាំងនគរបាលប៉ុស្តិច្បារអំពៅទី២ បានចុះទៅដល់ទីតាំងកើតហេតុនិងនាំយកជនសង្ស័យមកកាន់ស្នាក់ការប៉ុស្តិដើម្បីចាត់កាត់ការតាមផ្លូវច្បាប់៕

អត្ថបទ៖នរា