Connect with us

ព័ត៌មានជាតិ

គ្រោះធម្មជាតិបានសម្លាប់មនុស្សជិត៧០នាក់ និងរងរបួសជាង១០០នាក់រយៈពេល៧ខែនេះ​

បានផុស

នៅ

​នៅក្នុង​រយៈពេល​៧​ខែ​ ឆ្នាំ​២០២១​នេះ​ គ្រោះធម្មជាតិ​បាន​បណ្តាលឱ្យ​មនុស្ស​ស្លាប់​ចំនួន​៦៩​នាក់​ និង​រង​របួស​១០៣​នាក់​ ព្រមទាំង​ខូចខាត​ផ្ទះសម្បែង​ជាង​៧​ពាន់​ខ្នង​នៅ​ទូទាំង​ប្រទេស​។​

លោក ឃុន សុខា អ្នកនាំពាក្យគណៈកម្មាការ​ជាតិ​គ្រប់គ្រង​គ្រោះមហន្តរាយ​បាន​មានប្រសាសន៍​នៅ​ថ្ងៃទី​៩​ខែសីហា​នេះ​ថា​ ចាប់ពី​ខែមករា ​រហូតមកដល់​ខែកក្កដា ​ឆ្នាំ​២០២១គ្រោះធម្មជាតិ​ដែល​បង្កឡើង​ដោយ​ខ្យល់​ក​ន្ត្រាក់បាន​កើតឡើង​ចំនួន​១៦៨​លើក​ បណ្តាលឱ្យ​រលំ​ផ្ទះ​ចំនួន​៨០៥​ខ្នង របើក​ដំបូលផ្ទះ​ចំនួន​៦៣៥២​ខ្នង របើក​តូប​ផ្សារ​ចំនួន​១០៩​តូប អគារ​រដ្ឋបាល​២១​កន្លែង សាលារៀន​៣៧​ខ្នង ស្លាប់​មនុស្ស​៥​នាក់ ​និង​របួស​៦៣​នាក់​។ ចំណែក​គ្រោះធម្មជាតិ​ដោយ​រន្ទះ​វិញ​បាន​កើតឡើង​ចំនួន​៧៩​លើក​ បណ្តាលឱ្យ​ខូចខាតផ្ទះ​៥​ខ្នង ស្លាប់​មនុស្ស​៦៤​នាក់ ​របួស​៤០នាក់ ​និង​ងាប់​គោក្របី​៣៧​ក្បាល​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃុន សុខា​ បាន​អំពាវនាវ​ដល់​បងប្អូន​ប្រជាពលរដ្ឋ​មានការ​ប្រុងប្រយ័ត្ន​ខ្ពស់​ចំពោះ​គ្រោះធម្មជាតិ​ដោយ​ខ្យល់​កន្ត្រាក់ ​និង​រន្ទះ​ ព្រោះ​បច្ចុប្បន្ននេះជា​រដូវវស្សា​ដែលមាន​ខ្យល់​កន្ត្រាក់​ និង​រន្ទះ​កើត​ឡើងជា​ញឹកញាប់​បណ្ត​ល​ឱ្យ​ប៉ះពាល់​ដល់​លំនៅដ្ឋាន និង​អាច​ឈានដល់​រងរបួស​ ឬ​អាច​ដល់​ស្លាប់បាត់​បង់ជីវិត​ទៀតផង​។​

ក្រសួងសុខាភិបាលធ្លាប់បាន​បង្ហាញ​ពី​វិធី​ការពារ​ខ្លួន​ និង​សង្គ្រោះ​បឋម​ពី​បាតុភូត​រន្ទះ​ដល់​ប្រជាពលរដ្ឋ​ឲ្យ​បាន​យល់ដឹង​ដើម្បី​ឲ្យ​ចេះ​ការពារ​ខ្លួនចៀស​ផុតពី​គ្រោះថ្នាក់​ដែល​បណ្តា​ល​មកពី​បាតុភូត​រន្ទះ​នៅក្នុង​រដូវ​ភ្លៀង​នេះ​។​

ដូចជា​នៅពេល​មាន​ផ្លេកបន្ទោរ​ ឬ​ផ្គរ​រន្ទះ​ត្រូវ​បន្ទន់ខ្លួន​ដោយ​បញ្ឈរជង្គង់​ទាំងពីរ​ជិតគ្នា​និងយកដៃ​ខ្ទប់​ត្រចៀក​ត្រូវ​រត់​ចេញពី​ទឹក​ឬ​ក្នុង​ស្រែ​ឬ​រត់​ចូល​ផ្ទះ​ជា​ប្រញាប់ ​ត្រូវ​ដក​ឌុយ​ដោត​ភ្លើង​ឬ​ឌុយ​ទូរ​សព្ទ័​ដោយ​ទុក​ចម្ងាយ​១​ម៉ែត្រ​ពី​ប្រភព​ចរន្តអគ្គិសនី​និង​ត្រូវ​បន្ទន់​ខ្លួន​អោបក្បាលជង្គង់​ជាដើម​។​

ជាមួយគ្នានេះដែរ​ មិនត្រូវ​និយាយ​ទូរស័ព្ទ​នៅ​ពេលឮ​សំលេង​ផ្គរមិនត្រូវ​ជិះ​ម៉ូតូ​ឬ​កង់​ដាច់​តែឯង​នៅ​ទីវាល​នៅពេល​មេឃ​ភ្លៀង​។​ មិនត្រូវ​អង្គុយ​ក្នុង​តង់​និងអង្គុយ​នៅក្រោម​ដើមឈើ​ឡើយ​តែ​ក្នុងករណី​មិនអាច​រក​ទីជម្រក​បាន​ត្រូវ​អង្គុយ​បន្ទន់ខ្លួនដោយ​រក្សា​ចម្ងាយ​៤​ម៉ែត្រ​ពី​មែកឈើ​។​

ចំពោះ​វិធី​សង្គ្រោះ​បឋម​នៅពេល​មាន​គ្រោះ​រន្ទះ​វិញ​ ត្រូវ​ផ្លុំ​ខ្យល់​ចូល​មាត់​និង​មាត់​ជាមួយជនរងគ្រោះ​ ក្នុង​ករណី​ជនរងគ្រោះ​មិន​ដកដង្ហើមត្រូវ​ស​ង្កត់ដៃ​ទាំងពីរ​លើ​សន្ទះ​ទ្រូង ​ក្នុងករណី​ជនរងគ្រោះ​គ្មាន​ជីវ​ចរត្រូវ​ក្រាលកន្ទេល ​ឬ​បាវ​ឆ្នូត​កុំ​ឲ្យ​ជនរងគ្រោះ​នៅ​ផ្ទាល់​ដី​ ឬ​ទឹក​ជ្រាំ​ការពារ​ដើម្បី​កុំ​ឲ្យ​ជន​រងគ្រោះ​រង​ភាព​ត្រជាក់​ខ្លួន​ពេក ​និង​ចល័ត​ជនរងគ្រោះ​ដោយ​ប្រុងប្រយ័ត្ន​ក្នុងករណី​ជន​រងគ្រោះ​មាន​បាក់ឆ្អឹង​ឬ​ហូរឈាម​៕

អត្ថបទ ៖ ​សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៨ នាទី មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

ព័ត៌មានអន្ដរជាតិ១៩ នាទី មុន

ប្រជាជននៅ ឥណ្ឌូណេស៊ី-ម៉ាឡេស៊ី ពហិការមិនចូលហាង McDonald’s និង Starbucks

ព័ត៌មានជាតិ៣៣ នាទី មុន

លោកស្រី ឱ វណ្ណឌីន ជំរុញឱ្យគ្រប់មណ្ឌលសុខភាពត្រូវយកចិត្តទុកដាក់ខ្ពស់ក្នុងការព្យាបាល និងថែទាំអ្នកជំងឺ

ព័ត៌មានជាតិ៣៥ នាទី មុន

នាយករដ្ឋមន្ត្រី បញ្ជាក់ថា ការដាក់ចេញគោលនយោបាយ គឺដើម្បីផលប្រយោជន៍ពលរដ្ឋ មិនមែនសម្រាប់ធ្វើយានអវកាសទេ

ជីវិតកម្សាន្ដ៥៣ នាទី មុន

“Queen of Tears” ជាប់ចំណាត់ថ្នាក់កំពូលទាំង ៣ របស់ Netflix ជាស៊េរីមានអ្នកទស្សនាច្រើនជាងគេ

Sokha Hotels

ព័ត៌មានពេញនិយម