ព័ត៌មានអន្ដរជាតិ
ឥណ្ឌូណេស៊ី ប្រកាសអាសន្នភ្នំភ្លើង Lewotobi Laki-laki ដល់កម្រិតខ្ពស់បំផុត ក្រោយពីផ្ទុះ៨ដងជាប់ៗគ្នា
យោងតាមការចុះផ្សាយនៅថ្ងៃចន្ទទី១៩ខែឧសភាឆ្នាំ២០២៥របស់ទីភ្នាក់ងារព័ត៌មាន Reuters អាជ្ញាធរឥណ្ឌូណេស៊ី បានប្រកាសអាសន្ននៃភ្នំភ្លើង Lewotobi Laki-laki ដល់កម្រិតខ្ពស់បំផុត បន្ទាប់ពីវាបានផ្ទុះចំនួន៨ដងជាប់ៗគ្នាកាលពីចុងសប្តាហ៍។
ក្រោយការផ្ទុះ ភ្នំភ្លើងដ៏សកម្មនេះបានព្រួសពពកផេះហោះឡើងពាសពេញផ្ទៃមេឃក្នុងកម្ពស់ពី៣ទៅ៥,៥គីឡូម៉ែត្រកាលពីថ្ងៃអាទិត្យនៅវេលាម៉ោង៨យប់។ Lewotobi Laki-laki ដែលជាភ្នំភ្លើងភ្លោះកម្ពស់ ១ ៧០៣ម៉ែត្រ នៅលើកោះទេសចរណ៍ Flores នៅតែបន្តបញ្ចេញពពកផេះបន្ថែមទៀតនៅព្រឹកថ្ងៃនេះនៅកម្ពស់ ១,២គីឡូម៉ែត្រពីលើរណ្ដៅរបស់វា។ លោក Muhammad Wafid ប្រធានទីភ្នាក់ងារភូគព្ភសាស្ត្ររបស់ឥណ្ឌូណេស៊ី បាននិយាយថា «ការវិភាគរបស់យើងបានបង្ហាញថា សកម្មភាពរបស់ភ្នំភ្លើង Lewotobi Laki-laki នៅតែមានកម្រិតខ្ពស់នៅឡើយ» ដោយបានព្រមានអំពីការផ្ទុះដ៏ធំថែមទៀត។
អ្នកស្រុកត្រូវបានគេណែនាំឲ្យជម្លៀសចេញចម្ងាយ៦គីឡូម៉ែត្រជុំវិញភ្នំភ្លើង ហើយត្រូវពាក់ម៉ាស់ដើម្បីការពារប្រឆាំងនឹងការស្រូបផេះ។ អាជ្ញាធរក៏បានព្រមានផងដែរអំពីហានិភ័យនៃលំហូរកម្អែរត្រជាក់ដែលមានប្រភពចេញពីភ្នំភ្លើង ជាពិសេសប្រសិនបើមានភ្លៀងធ្លាក់ខ្លាំង ដែលអាចនាំឲ្យមានភក់ និងកម្ទេចកម្ទីដ៏គ្រោះថ្នាក់ជន់លិចនៅក្នុងទន្លេ។
កាលពីខែមីនា ការផ្ទុះនៅភ្នំភ្លើង Lewotobi Laki-laki បាននាំឲ្យមានការរំខានដល់ការហោះហើរ ក្នុងនោះមានការលុបចោល និងពន្យារពេលនៅក្រុមហ៊ុនអាកាសចរណ៍ជាច្រើន ដូចជា Jetstar និង Qantas Airways។ ការផ្ទុះដ៏ធ្ងន់ធ្ងរជាងនេះកើតឡើងក្នុងខែវិច្ឆិកាឆ្នាំ២០២៤ ដែលបានបណ្តាលឲ្យមនុស្សយ៉ាងហោចណាស់៩នាក់បានស្លាប់ និងរាប់ពាន់នាក់ត្រូវបានជម្លៀសចេញ។
សូមបញ្ជាក់ថា ឥណ្ឌូណេស៊ី គឺជាប្រទេសមួយស្ថិតនៅក្នុងតំបន់ “រង្វង់ភ្លើង” ឬហៅថា “Ring of Fire” ដែលគ្រោះរញ្ជួយដី និងបន្ទុះភ្នំភ្លើងគឺជារឿងដែលការកើតឡើងជាញឹកញាប់។ ភ្នំភ្លើងសកម្មនៅឥណ្ឌូណេស៊ី មានចំនួនសរុប ១២៧កន្លែង៕
ដោយ៖ ឈាង
ថៃកត់ត្រាពីកំណើនខ្ពស់នៃទេសចរអឺរ៉ុប ប៉ុន្តែភ្ញៀវពីអាស៊ីធ្លាក់ចុះខ្លាំង
មន្ត្រីអូស្ត្រាលី សរសើរសិស្សនិស្សិតកម្ពុជាដែលកំពុងសិក្សានៅទីនោះ ថា ឧស្សាហ៍ព្យាយាម
ឯកឧត្ដម ហ៊ុន ម៉ានី៖ រដ្ឋបាលសាធារណៈ បានជួយដោះស្រាយវិបត្តនយោបាយ និងនាំឱ្យកម្ពុជាមានសន្តិភាព
ពលរដ្ឋ និងនិស្សិតខ្មែរនៅជប៉ុន ប្រកាសគាំទ្រ និងស្វាគមន៍ដំណើរទស្សនកិច្ចរបស់សម្តេចធិបតី ហ៊ុន ម៉ាណែត នៅចុងខែនេះ
វៀតណាម ចាប់ខ្លួនប្តីប្រពន្ធមួយគូ ដែលចែកចាយឱសថក្លែងក្លាយ រាប់តោនលើទីផ្សារ តាំងពីឆ្នាំ២០២០មក
Update ៖ ករណីនារីម្នាក់ ធ្លាក់ពីលើអគារនៅខណ្ឌចំការមន
ព័ត៌មានបឋម ៖ នារីវ័យក្មេងម្នាក់ ធ្លាក់ពីលើអគារមួយកន្លែង នៅខណ្ឌចំការមន មិនទាន់ដឹងមូលហេតុ
អាជ្ញាធរចិនប្រកាសអាសន្នគ្រោះមហន្តរាយ ក្រោយភ្លៀងធ្លាក់ខ្លាំងឆក់យកជីវិតមនុស្ស៥នាក់
អតីតប្រធានាធិបតីអាមេរិក ចូ បៃដិន កើតជំងឺមហារីកធ្ងន់ធ្ងរ
ពលរដ្ឋថៃម្នាក់ចូលព្រៃបេះផ្សិត ត្រូវដំរីព្រៃវាយប្រហារដល់បាត់បង់ជីវិត
-
ចរាចរណ៍២ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
ចរាចរណ៍៤ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៤ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៥ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ១ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៣ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍៤ ថ្ងៃ agoបឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម