ស្ពានដែកបាឡេ​កម្រាលឈើ​​​ជាង​២០ម៉ែត្រ ​ក្នុងឃុំត្បែងមួយ​នឹងដាក់ឱ្យប្រើប្រាស់​ឆាប់ៗ​

ស្ពានដែកបាឡេ កម្រាលឈើប្រវែង ជាង២០ម៉ែត្រ នៅភូមិក្បាលខ្លា (ក្រពើប្រាំ) ឃុំភ្នំត្បែងមួយ ស្រុកសង្គមថ្មី ខេត្តព្រះវិហារ ដែលសាងសង់ឡើងដោយមិនប្រើប្រាស់ថវិកាជាតិនោះ ពេលនេះក្រុមការងារនៃមន្ទីរសាធារណការ និងដឹកជញ្ជូនខេត្តព្រះវិហារ កំពុងធ្វើការសាងសង់យ៉ាងញ៉ាប់ដៃញ៉ាប់ជើង ដោយគ្រោងនឹងសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់ លោក មាស សុភា ទេស​រដ្ឋមន្ដ្រី នាពេលដ៏ខ្លីខាងមុខនេះ។

លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារបានឱ្យដឹងថា ស្ពានដែកបាឡេ កម្រាលឈើខាងលើនេះ មានប្រវែង ២៤ម៉ែត្រ សាងសង់ឡើងមិនបានប្រើប្រាស់ថវិកាជាតិឡើយ ដែលជាការឧបត្ថម្ភដែកស្ពាន ដោយ លោកស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារណការ និងដឹកជញ្ជូន ឧបត្ថម្ភកម្រាលស្ពាន និងសសរស្ពានដោយ លោក មាស សុភា ទេស​រដ្ឋមន្ដ្រី ទទួលបន្ទុកបេសកកម្មពិសេស ប្រធានក្រុមការងាររាជ​រដ្ឋាភិបាលចុះជួយមូលដ្ឋានខេត្តព្រះវិហារ និងលោក ប្រាក់ សុវណ្ណ អភិបាលខេត្តព្រះវិហារ។

ចំណែកឯការឧបត្ថម្ភកម្លាំងពលកម្មនៃការសាងសង់ ដោយមន្ទីរសាធារណការ និងដឹកជញ្ជូនខេត្តព្រះវិហារ។
លោកសំ លាងទ្រី បន្តថា ស្ពាននេះគ្រោង នឹងសម្ពោធដាក់អោយប្រើប្រាស់ជាផ្លូវការ ក្នុងពេលឆាប់ៗខាងមុខនេះ ក្រោមអភិបតីភាពដ៏ខ្ពង់ខ្ពស់ លោក មាស សុភា ទេស​រដ្ឋមន្ដ្រី ទទួលបន្ទុកបេសកកម្មពិសេស ប្រធានក្រុមការងាររាជ​រដ្ឋាភិបាលចុះជួយមូលដ្ឋានខេត្តព្រះវិហារ៕

អត្ថបទៈ ស្រីរ័ត្ន