ព័ត៌មានជាតិ

ខ្យល់កន្ត្រាក់ម៉ោងជាង៤ព្រឹកមិញ ខូចខាតផ្ទះ៥ខ្នង និងសាលារៀន រួមទាំងមន្ទីរពេទ្យ

បានផុស

៥ years មុន

នៅ

ថ្ងៃចន្ទ ២០ កញ្ញា ២០២១

ដោយ

លោកចៅសង្កាត់គោកចក បានប្រាប់ កម្ពុជាថ្មី ឲ្យដឹងនៅព្រឹកនេះថា នៅម៉ោងជាង៤ព្រឹក ថ្ងៃទី២០ ខែ កញ្ញា ឆ្នាំ២០២១ នេះ មានភ្លៀងលាយខ្យល់កន្ត្រាក់ធ្វើប៉ះពាល់ផ្ទះប្រជាពលរដ្ឋចំនួន៥ខ្នង និងសាលារៀន អង្កការ១ខ្នង ព្រមទាំងអគារមន្ទីរពេទ្យ១ខ្នង ត្រូវបានខូចខាតនិងប៉ះពាល់ដោយសារខ្យល់កន្ត្រាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសង្កាត់បានបន្តទៀតថា ផ្ទះដែលមានចំនួន០៥ខ្នង ស្ថិតនៅក្នុងភូមិគោកត្នោត ចំនួន០៣ខ្នង រងការខូចខាតតែបូលនោះទេ ១.ម្ចាស់ឈ្មោះ មាន ស៊ន់ ភេទស្រី អាយុ៦៣ឆ្នាំ (ជាស្ត្រីមេម៉ាយ) មានសមាជិកគ្រួសារចំនួន០៦នាក់ ស្រី០២នាក់។ ផ្ទះទំហំ៧x៩ម៉ែត្រ(ដើមអំពិលរលំសង្កត់ពីលើ ខូចខាតផ្នែកខាងលើ៥០%)។២.ម្ចាស់ឈ្មោះ សែត សឿត ភេទប្រុស អាយុ៤២ឆ្នាំ មានសមាជិកគ្រួសារចំនួន០៧នាក់ ស្រី០៤នាក់។ ផ្ទះទំហំ៧x៩ម៉ែត្រ (ខូចខាតសំយាបទាំងស្រុង)។ ៣.ម្ចាស់ឈ្មោះ ឯម កង ភេទប្រុស អាយុ៤១ឆ្នាំ(ជាប្រធានអង្គការ) មានសមាជិកជាគ្រូចំនួន១៣នាក់ ស្រី០៦នាក់។ -សាលាទំហំ៥x១៣ម៉ែត្រ(ដើមគ០២ដើម និងដើមត្នោត១ដើម រលំសង្កាត់បណ្ដាលឲ្យខូចខាតសាលាទាំងស្រុង)។ ភូមិគោកបេង ចំនួន០២ខ្នង

១.ម្ចាស់ឈ្មោះ រឿម ញិប ភេទប្រុស អាយុ៣២ឆ្នាំ មានសមាជិកគ្រួសារចំនួន០៤នាក់ ស្រី០២នាក់។ -ផ្ទះទំហំ៦x៨ម៉ែត្រ(ដើមសេមាន់រលំសង្កត់ ខូចខាតមួយចំហៀង)។ ២.ម្ចាស់ឈ្មោះ ហឿយ អ៊ាផ្ទះទំហំ៥x៧ម៉ែត្រ(ដើមគ រលំសង្កត់ ខូចខាតស័ង្កសី០៤សន្លឹក)។

សង្កាត់ក្របីរៀល ០១ខ្នង ម្ចាស់ឈ្មោះសឿត សាន់ ភេទប្រុស អាយុ៤១ឆ្នាំ នៅភូមិព្រៃក្រូច។ -ផ្ទះទំហំ៥x៧ម៉ែត្រ(ដើមឈើរលំសង្កត់)។

សង្កាត់ស្វាយដង្គំ ០១ខ្នង ដើមឈើរលំសង្កត់អគារមន្ទីរពេទ្យបង្អែកខេត្តសៀមរាបទំហំ៨x១២ម៉ែត្រ(ខូចខាតដំបូលមួយចំហៀង)៕

អត្ថបទ៖ គឿនវេត