ព័ត៌មានជាតិ

កាយដីប៉ះមីនតោនផ្ទុះលាន់ដូចរន្ទះបង្កឲ្យអ្នកបើកគ្រឿងចក្ររងរបួស

បានផុស

៥ years មុន

នៅ

ថ្ងៃចន្ទ ២០ កញ្ញា ២០២១

ដោយ

សម្លេងផ្ទុះគ្រាប់មីនតោនលាន់ឮរញ្ជួយដី បង្កអោយមានការភ្ញាក់ផ្អើលយ៉ាងខ្លាំង ពីសំណាក់ប្រជាពលរដ្ឋ ក៏ដូចជាសមត្ថកិច្ច ចុះទៅកាន់ទីតាំងកើតហេតុ ខណ:ដែលដៃអេស្កាកាយដីត្រូវចំគ្រាប់មីននោះ។

ហេតុការណ៍នេះបានកើតឡើងកាលពីវេលាម៉ោង៩ព្រឹក ថ្ងៃទី១៨ ខែកញ្ញា ឆ្នាំ២០២១ ត្រង់ចំណុចដីចម្ការរបស់ឯកឧត្តម ប៉ុល សារឿន ក្នុងភូមិអំពឹប ឃុំមានជ័យ ស្រុកសំឡូត ខេត្តបាត់ដំបង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការអះអាងពីប្រភពនៅទីនោះបានបញ្ជាក់ថា នៅមុនពេលកើតហេតុ គឺមានអេស្កាមួយគ្រឿង ដែលអ្នកបើកឈ្មោះ ណយ ប៊ុន ភេទប្រុស អាយុ៣៦ឆ្នាំ រស់នៅខេត្តក្រចេះ បានបញ្ជាអេស្កាកាច់ព្រៃចម្ការ និងកាយដី ក៏បានប៉ះមីនតោនមួយគ្រាប់ផ្ទុះឡើង ធ្វើអោយកម្លាំងខ្យល់នៃគ្រាប់មីន បានបំបែកកញ្ចក់អេះស្កាខ្ទេចខ្ទី និងបង្កឲ្យអ្នកបើករងរបួស ។

សមត្ថកិច្ចមូលដ្ឋានបានអោយដឹងថា កន្លងមកដីនៅក្នុងតំបន់នេះ ធ្លាប់ត្រូវបានប្រជាពលរដ្ឋធ្វើស្រែចម្ការ រាល់ឆ្នាំ ហើយក៏មិនដែលមានបញ្ហាអ្វីដែរ លុះនៅថ្ងៃកើតហេតុ ក៏ស្រាប់តែមានករណីនេះកើតឡើងដោយសមត្ថកិច្ចបានអះអាងថា វាអាចនៅសេសសល់ពីសម័យសង្គ្រាម លុះត្រូវទឹកត្រូវភ្លៀង ទើបធ្វើអោយគ្រាប់នេះអណ្តែតឡើង ៕

អត្ថបទ៖ សោ និយមរ័ត្ន