ព័ត៌មានជាតិ
ខេត្តកែបសម្ពោធដាក់ឲ្យដំណើរការឡដុតសំណល់រឹងគ្រោះថ្នាក់ដែលវេចខ្ចប់ចេញពីមណ្ឌលចត្តាឡីស័ក
កែប ៖ ពិធីសម្ពោធដាក់ឲ្យប្រើប្រាស់ជាផ្លូវការ ឡដុតកម្ទេចសំណល់គ្រោះថ្នាក់ដែលវេចខ្ចប់ចេញពីមណ្ឌលចត្តាឡីស័ក និងមណ្ឌលសុខភាពផ្សេងទៀត ត្រូវបានធ្វើឡើងនៅល្ងាចថ្ងៃទី២០ ខែកញ្ញា ឆ្នាំ២០២១ ក្រោមអធិបតីភាព ឯកឧត្តម នេត ភក្ត្រា រដ្ឋលេខាធិការក្រសួងបរិស្ថាន និងឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប។
ក្នុងឱកាសនោះ ឯកឧត្តម សោម ពិសិដ្ឋ បានលើកឡើងថា ខេត្តកែបរបស់យើងទទួលបាននៅសមិទ្ធផលដ៏សំខាន់មួយទៀតហើយ សម្រាប់បម្រើដល់ការសម្អាត និងដុតកម្ទេចនូវកាកសំណល់រឹងគ្រោះថា្នក់ដែលប្រើប្រាស់ដោយឧបករណ៍បច្ចេកវិទ្យាអេឡិចត្រូនិច។ ឯកឧត្តម បានបន្តថា ឡនេះមានគម្រោងយូរឆ្នាំមកហើយ ដែលជាគម្រោងទីតាំងកោះទន្សាយ តែដោយសារស្ថានភាពជាក់ស្តែង និងតម្រូវការជាក់ស្តែង ទើបប្តូរគម្រោងនេះមកដាក់ទីតាំងនៅក្បែរទីលានចាក់សំរាមវិញ ដែលស្ថិតនៅ ភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប ហើយសមិទ្ធផលថ្មីនេះ គឺបានកើតឡើងដោយសារការខិតខំប្រឹងប្រែង សម្របសម្រួល ពីអាជ្ញាធរខេត្ត អាជ្ញាធរក្រុង និង មន្ទីរបរិស្ថាន ក្នុងការចំណាយធនធាន សម្ភារៈ ស្មារតី ទើបមានសមិទ្ធផលនេះកើតឡើងនាពេលនេះ។
ឯកឧត្តម នេត ភក្ត្រា រដ្ឋលេខាធិការក្រសួងបរិស្ថានបានថ្លែងថា ការប្រើប្រាស់ឡដុតសំណល់រឹងគ្រោះថា្នក់ ដែលមានបច្ចេកវិទ្យាខ្ពស់ ដុតកម្ទេចសំណល់វេជ្ជសាស្ត្រ ដែលមកពីមណ្ឌលព្យាបាលអ្នកជំងឺកូវីដ-១៩ និងពីមណ្ឌលចត្តាឡីស័កនេះ ជាឡទី ៥៤ ហើយ ដែលក្រសួងបរិស្ថាន បានប្រគល់ជូនដល់រដ្ឋបាលខេត្ត ហើយក្នុងនោះមានតែខេត្ត ២០ ដែលទទួលបានឡបច្ចេកវិជ្ជានេះ។
ឯកឧត្តម នេត្រ ភក្ត្រា បានបន្តថា ការបំពាក់ឡដុតសំរាមសំណល់រឹងនេះ ជាផ្នែកមួយជួយបន្ថែមពីលើឡដែលមានស្រាប់តាមមន្ទីរពេទ្យ និងមណ្ឌលសុខភាពនានា។ រីឯការគ្រប់គ្រងសំរាមសំណល់រឹងតាមលក្ខណបច្ចេកទេស ដែលមានធុងដាក់សំរាមត្រឹមត្រូវ មានមធ្យោបាយដឹកសំរាមគ្រប់គ្រាន់ និងទីលានចាក់សំរាមតាមខ្នាតបច្ចេកទេស ទើបជាវិធានការយុទ្ធសាស្ត្រនៃគោលនយោបាយ ស្តីពី ការគ្រប់គ្រងសំរាមសំណល់រឹងទីប្រជុំជន។
ឯកឧត្តម រដ្ឋលេខាធិការក្រសួងបរិស្ថាន បានបន្ថែមថា ក្នុងមួយថ្ងៃ កម្ពុជាបង្កើតសំរាមជាង ១ម៉ឺនតោន ហើយក្នុងមួយឆ្នាំប្រមាណជិត ៤ លានតោន ដែលក្នុងនោះសំណល់សរីរាងប្រមាណ ៦៨% សំណល់ប្លាស្ទិកប្រមាណជាង ២០% និងសំណល់រឹងគ្រោះថ្នាក់ប្រមាណជាង ១០% ចំពោះឡដុតសំណល់រឹងគ្រោះថ្នាក់ដែលស្ថិតនៅទីតាំងខាងលើនេះក្នុងមួយថ្ងៃមានសមត្ថភាពដុតចន្លោះ ៤-៧តោនក្នុងមួយថ្ងៃ ហើយអាចដុតបានក្នុងកម្រិតជិត ១,០០០ អង្សា ដើម្បីសម្លាប់មេរោគ។
ឯកឧត្តម បានរំលឹកថា ប្រជាពលរដ្ឋត្រូវប្រើប្រាស់ស្បោងធំៗដែលមានចំណុះ ១៥គីឡូក្រាម ដើម្បីផ្ទុកបរិមាណសំរាមឲ្យបានរយៈពេល៥ថ្ងៃយ៉ាងតិច ដើម្បីជៀសវាងបញ្ចេញសំរាមជារៀងរាល់ថ្ងៃ ហើយស្ថាប័នពាក់ព័ន្ធ ត្រូវបាញ់ថ្នាំ ឬបាញ់អាល់កុល សម្លាប់មេរោគកូវីដ-១៩ នៅលើសំរាមទាំងក្នុង និងក្រៅស្បោង ហើយទុកសំរាមដោយឡែកប្រហែលប្រាំថ្ងៃមុនពេលបញ្ចេញមកខាងក្រៅ៕
ដោយ ៖ សេង ណារិទ្ធ
រឿងចងការប្រាក់ ម្ចាស់បំណុលប្តឹងកូនបំណុលដាក់គុកបន្សល់កូនតូចៗបីនាក់រស់នៅជាមួយជីដូន
បានលេសទៀតហើយ! ថៃ ពង្រឹងកម្លាំងសន្តិសុខនៅតាមព្រំដែន ព្រោះទេសចរខ្មែរទៅលេងប្រាសាទតាមាន់ធំច្រើនពេក
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
ព្យុះទី៦ឈ្មោះ វីពផា (Wipha) បន្តជះឥទិ្ធពលលើ កម្ពុជាដល់ថ្ងៃទី២៤កក្កដា
ជនបរទេស១៣នាក់ ត្រូវឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា នៅសៀមរាប
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានអន្ដរជាតិ២៣ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១២ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ