ពលករខ្មែរជាប់ចត្តាឡីស័ក យកទឹកអាល់កុល លាយធ្វើស្រាផឹកស្លាប់ ៦ នាក់ ១០ នាក់កំពុងសង្គ្រោះ

ពលករខ្មែរមកដេកស្នាក់នៅកន្លែងមណ្ឌលចត្តាឡីស័កក្រុងប៉ោយប៉ែតនាំគ្នាទិញ ទឹកអូអ៊ិឈិ និងទឹកក្រូច លាយនិងអាល់កុល ផឹកស្រាប់តែពុលស្លាប់ ៦នាក់នៅកន្លែងមណ្ឌលចត្តាឡីស័ក និងកំពុងសង្គ្រោះបន្ទាន់១០នាក់បន្តទៀយ។រឿងរាវនេះកើតឡើងនៅ ថ្ងៃយប់ ថ្ងៃទី ១១ ខែវិច្ឆិកា ឆ្នាំ២០២១ នេះបើតាមប្រសាសន៍របស់លោកអ៊ុរាត្រី។

លោកអ៊ុំ រាត្រី អភិបាលខេត្តបន្ទាយមានជ័យ និងមន្ត្រីអមដំណើរជាច្រើននាក់ចុះដល់កន្លែងកើតហេតុបានប្រាប់ បានប្រាប់អ្នកយកព័ត៍មានឲ្យដឹងថា មុនពេលពុលនោះមានពលករខ្មែរជាច្រើននាក់មកដេកស្នាក់នៅកន្លែងមណ្ឌល​ចត្តា​ឡីស័ក​ក្រុងប៉ោយប៉ែត១កន្លែង នៅចត្តាឡីស័កជិតចេញបានវិលទៅផ្ទះវិញហើយស្រាប់តែនៅយប់នោះពលករទាំងអស់នោះមិនដឹងគិតយ៉ាងណាបាននាំគ្នាទិញ ទឹកអូអ៊ិឈិ និងទឹកក្រូច យកមកលាយនិងអាល់កុល មកផឹកយ៉ាងសប្បាយ រយះពេលកន្លងមកមិនបានប៉ុន្មានម៉ោងផងពលករមានអាការក្អួត ចង្អោរ រហូតដល់ដេកដួលពេញកន្លែងចត្តាឡីស័ក ក្រុមគ្រូពេទ្យប្រចាំការនៅទីនោះខិតខំជួយសង្គ្រោះដែរដោយសារតែ ពលករបាន យកទឹកអូអ៊ិឈិ និងទឹកក្រូច លាយនិងអាល់​កុលមកផឹកធ្វើឲ្យជាតិពុលខ្លាំងមិនអាចសង្គ្រោះទាន់បណ្តាលឲ្យមានពលករស្លាប់ជាបន្តបន្ទាប់ដល់ទៅ៦នាក់ ក្នុងនោះក្រុមគ្រូពេទ្យកំពុងដឹកពលករតានរថយន្តយកទៅសង្គ្រោះនៅមន្ទីរពេទ្យបង្អែកចំនួន ១០នាក់ទៀតមិនដឹងថាពលករទាំង១០នាក់នោះអាចសង្គ្រោះបានរឺអត់ទេ។

លោក អ៊ុំ រាត្រីបានបញ្ជាក់ឲ្យដឹងបន្តទៀតថា ពលករដែលស្លាប់នោះកំពុងធ្វើការទំនាក់ទំនងទៅគ្រួសារមកយកសពទៅធ្វើបុណ្យនៅផ្ទះរាងៗខ្លួនហើយ។

ចំណែកពលករទាំង១០ដែលសង្គ្រោះបន្ទាន់នោះក្រុមគ្រួពេទ្យកំពុងយកចិត្តទុកដាក់ជួយសង្គ្រោះយ៉ាងខ្លាំងផងដែរសង្ឃឹមថាពលករទាំង១០នាក់នេះអាចសង្គ្រោះបានទៅចុះ៕

វ៉ាន ណាង