ព័ត៌មានជាតិ
អភិបាលខេត្តសៀមរាបជួបពិភាក្សាជាមួយឯកអគ្គរដ្ឋទូតនៃសាធារណរដ្ឋសហព័ន្ធអាល្លឺម៉ង់
សៀមរាប ៖ កាលពីរសៀលថ្ងៃទី១២ ខែ វិច្ឆិកា ឆ្នាំ២០២១ ឯកឧត្តម Christian Berger ឯកអគ្គរដ្ឋទូត នៃសាធារណរដ្ឋសហព័ន្ធ អាល្លឺម៉ង់ ប្រចាំព្រះរាជាណាចក្រកម្ពុជា រួមនឹងសហការី បានចូលជួបសម្តែងការគួរសម ពិភាក្សាការងារជាមួយ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប នៅសាលាខេត្តសៀមរាប។
ក្នុងជំនួបពិភាក្សានោះឯកឧត្តម Christian Berger ឯកអគ្គរដ្ឋទូត នៃសាធារណរដ្ឋសហព័ន្ធ អាល្លឺម៉ង់ បានផ្តោតទៅ លើ វិស័យទេសចរណ៍ក្នុងបរិបទកូវីដ គួរដើរតួនាទីអ្វីក្នុងការអភិវឌ្ឍន៍សេដ្ឋកិច្ចបន្ថែម ហើយរដ្ឋបាលខេត្តមានតួនាទីអ្វី្ សម្រាប់ការវិនិយោគផ្ទាល់អន្តរជាតិ និង គម្រោងផ្សព្វផ្សាយសកម្មភាពក្នុងវិស័យណា និង គម្រោងធ្វើពិពិធកម្ម ទំនើបកម្ម រចនាសម្ព័ន្ធសេដ្ឋកិច្ច តាមបែបរបៀបណាក្នុងការលើកកម្ពស់ខេត្តសៀមរាប។
ក្នុងនោះឯកឧត្តមអគ្គរដ្ឋទូត ក៏បានលើកផង ដែរពី គម្រោងGIZ ផ្ទាល់បានធ្វើការក្នុងផ្នែកជាការផ្ទេរជាសាច់ប្រាក់ដល់ប្រជាពលរដ្ឋ ដែលរងផលប៉ះពាល់ សំខាន់ប្រជាពល រដ្ឋនៅខេត្តសៀមរាប ។ ក្នុងនោះដែរឯកឧត្តមក៏បានផ្តោតចំពោះប្រជាពលរដ្ឋ ដែលបានចូលទៅកាន់កាប់ដីធ្លី នៅក្នុងតំបន់ ដែលមានសេសសល់គ្រាប់យុទ្ធភ័ន្តមិនទាន់ផ្ទុះដែលមកពីកង្វះខាត់របស់បងប្អូន។ ក្នុងនោះឯកឧត្តមក៏បានលើកពីចក្ខុវិស័យ របស់ឯកឧត្តមក្នុងការទំនាក់ទំនងជាមួយសហគមន៍ផ្តល់ជំនួយ ក្នុងការគាំទ្រដល់ការបោសសំអាតមីននេះ តែនៅកម្ពុជា ក៏នឹងអាចបញ្ចប់កម្មវិធីនេះនៅឆ្នាំ២០២៥ ។ ក៏ប៉ុន្តែនៅតែមានតម្រូវការក្នុងការគាំទ្របន្តទៀត បន្ទាប់ពីឆ្នាំ២០២៥នេះទៅជូន ដល់ប្រជាពលរដ្ឋ ។ ឯកឧត្តមក៏បានលើកគម្រោងសំខាន់ៗចំពោះមុខ លើការស្តារឡើងវិញឧទ្យានជាតិ និង ការគាំទ្រផ្នែក សេដ្ឋកិច្ចនិងទេសចរណ៍។
ក្នុងកិច្ចពិភាក្សានោះឯកឧត្តម ទៀ សីហា ក៏បានបញ្ជាក់ដល់ប្រតិភូ ក្នុងការពាក់ព័ន្ធទៅនឹងបញ្ហាកូវិដ១៩ បានធ្វើឲ្យ ប៉ះពាលយ៉ាងខ្លាំងនូវសេដ្ឋកិច្ច និង វិស័យទេសចរណ៍ និង បងប្អូនប្រជាពលរដ្ឋក្រីក្រ និង ពលរដ្ឋមានជីវភាពមធ្យមផងដែរ។ ឯកឧត្តមបានបន្តទៀតថា រដ្ឋបាលខេត្តសៀមរាប ក្នុងពេលជួបវិបត្តិកូវីដនេះ បានជួយដល់វិស័យមួយចំនួន ដែលមានផល ប៉ះពាល់ រួមមានវិស័យទេសចរណ៍ និង កសិកម្មបន្លែ ។ ចំពោះការលើកឡើងរបស់ឯកអគ្គរដ្ឋទូត ពាក់ព័ន្ធទៅនឹងសាលា សណ្ឋាគារ ទេសចរណ៍ ប៉ូលឌុលប្រ៊ូល ព្រមទាំងអង្គការមួយចំនួនក៏ត្រូវបានរៀបចំ ក្នុងការបណ្តុះបណ្តាលឡើងវិញ ដែលជាកត្តាសំខាន់សម្រាប់ខេត្តសៀមរាប ក្រោយពេលដែលរាជរដ្ឋាភិបាល បានប្រកាសឲ្យបើកដំណើរការសិស្សចូលសិក្សាឡើងវិញ ក្រោយពីបានការទទួលចាក់វ៉ាក់សាំងការពារជំងឺកូវីដបានគ្រប់ដូស និង ការអនុវត្តបន្តវិធានការរបស់រាជរដ្ឋាភិបាល ៣កុំ ៣ការពារ។ ម្យ៉ាងទៀតពាក់ព័ន្ធទៅបន្ថែមនូវការងារមួយចំនួន លើគម្រោងGIZ នៅខេត្តសៀមរាប បានសហការល្អជា មួយរដ្ឋបាលខេត្ត និង បានផ្តល់ផលប្រយោជន៍ជាច្រើន ដល់ប្រជាពលរដ្ឋក្រីក្រនៅតាមមូលដ្ឋានក្នុងខេត្តសៀមរាប ដែលជា អង្គការដៃគួរដ៏សំខាន់របស់រដ្ឋបាលខេត្ត ។ ម្យ៉ាងទៀតគម្រោងផែនការទាំងនេះ ក៏បានដាក់ចេញឲ្យរដ្ឋបាលខេត្ត ដើម្បីធ្វើការស្តារឡើងវិញនៅក្នុងបរិបទកូវីដ១៩ ដោយឲ្យបងប្អូនប្រជាពលរដ្ឋយើង ត្រូវចេះសម្របខ្លួនរស់នៅទៅតាមគន្លងបែបថ្មី ជាមួយកូវីដ១៩ ដោយអនុវត្តឲ្យបានខ្ជាប់ខ្ជួន វិធានការ ៣កុំ ៣ការពារ ។
ក្នុងនោះដែរឯកឧត្តមអភិបាលខេត្ត ក៏បានបញ្ជាក់ អំពីបញ្ហាដែលប្រជាពលរដ្ឋទៅកាន់កាប់ដីធ្លីទាំងខុសច្បាប់ និងមានច្បាប់ តែស្ថិតនៅលើផ្ទៃដីដែលមានសេសសល់នូវគ្រាប់ យុទ្ធភ័ន្តមិនផ្ទុះ ដែលធ្វើឲ្យបងប្អូនមួយចំនួនទទួលរងគ្រោះថ្នាក់ដល់ជីវិតទៀតផង ។ ម្យ៉ាងទៀតផ្ទៃដីក្នុងភូមិសាស្ត្រស្រុក មួយចំនួន ក៏នៅមានការសេសសល់ ដោយអង្គការស៊ីម៉ាក់មិនទាន់បាន បើកប្រតិបត្តិការបោសសម្អាតគ្រាប់មីន ។ ឯកឧត្តម ក៏បានលើកផងដែរ ពីរាល់ការលើកឡើងរបស់ឯកឧត្តមឯកអគ្គរដ្ឋទូត រដ្ឋបាលខេត្ត នឹងត្រូវបន្តកិច្ចសហប្រតិបត្តិការ ក្នុងការ អនុវត្តឲ្យបានជោគជ័យទៅតាម ផែនការគម្រោងដែលបានឡើង ដើម្បីបម្រើដល់ផលប្រយោជន៍ប្រជាពលរដ្ឋកម្ពុជា៕
ដោយ ៖ គឿនវេត
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore