ព័ត៌មានជាតិ
អ្នកនាំពាក្យ៖ មានអាចារ្យគណកម្មការនិងអ្នកស្នាក់នៅក្នុងវត្តជាង៨ម៉ឺននាក់ទូទាំងប្រទេស
លោក សេង សុមុនី អ្នកនាំពាក្យក្រសួងធម្មការនិងសាសនាបានមានប្រសាសន៍នៅព្រឹកថ្ងៃទី១៤ ខែវិច្ឆិកានេះថា បច្ចុប្បន្ននេះ មានអាចារ្យគណកម្មការ និងអ្នកស្នាក់នៅក្នុងវត្តដូចជាសិស្សនិស្សិតក្មេងកំព្រា តាជីយាយជីនិងជនគ្មានទីពឹងស្នាក់នៅតាមវត្តអារាមនានានៅទូទាំងប្រទេសប្រមាណ៨១៨៩៩នាក់ ក្នុងនោះគណកម្មការវត្តមានច្រើនជាងគេ។
លោកបានបន្តថា ក្នុងចំណោម៨១៨៩៩នាក់ ក្នុងនោះរួមមានអាចារ្យ អាចារ្យរិនីមានចំនួន១៦៩៦៧នាក់ គណៈកម្មការវត្តមានចំនួន៣៨៤០១នាក់ តាជីមានចំនួន៣១៥០នាក់ យាយជីមានចំនួន១១៦៣០នាក់សិស្សនិស្សិតមានចំនួន៨៥០៥នាក់ ក្មេងកំព្រាមានចំនួន២៦៦៣នាក់ និងជនគ្មានទីពឹងមានចំនួន៥៨៣នាក់។
លោកបានបន្តទៀតថា ចំពោះសិស្សនិស្សិតក្មេងកំព្រា និងជនគ្មានទីពឹងស្នាក់នៅតាមវត្តអារាមនានានៅទូទាំងប្រទេសប្រមាណជាង១ម៉ឺននាក់ក្នុងនោះមានរាជធានីខេត្តចំនួន៩ស្នាក់នៅច្រើនជាងគេរួមមានរាជធានីភ្នំពេញ មានសិស្សនិស្សិតស្នាក់ មានចំនួន៣០៧៩នាក់នៅច្រើនជាងគេ ខេត្តបាត់ដំបងចំនួន៨៦៦នាក់និងខេត្កកណ្តាលចំនួន៨៣៣។ ចំណែកខេត្តដែលមានក្មេងកំព្រាស្នាក់នៅច្រើនជាងគេរួមមាន ខេត្តព្រៃវែងចំនួន៧៤៦នាក់ ខេត្តព្រះសីហនុមានចំនួន៣៣៤នាក់ និងខេត្តសៀមរាប ចំនួន៣១១នាក់។ រីឯខេត្តដែលមានជនគ្មានទីពឹងស្នាក់នៅច្រើនជាងគេរួមមានខេត្តកណ្តាលមាន១៥៩ ខេត្តកំពង់ស្ពឺ១៤០នាក់ និងខេត្តកំពង់ចាមចំនួន១២០នាក់។
លោក សេង សុមុនី បានបន្តទៀតថា ក្រៅពីជាកន្លែងប្រារព្ធពិធីបែបសាសនា និងជាទីថែរក្សានូវអត្តសញ្ញាណ និងវប្បធម៌ហើយវត្តអារាមក៏ជាទីជម្រកស្នាក់អាស្រ័យរបស់សិស្ស និស្សិតក្រីក្របន្តការសិក្សាជាច្រើន ដែលមកពីជនបទចុងកាត់មាត់ញកហើយមិនមានលទ្ធភាពគ្រប់គ្រាន់ក្នុងការរកលុយដើម្បីជួលផ្ទះឬអាហារហូបចុកមិនថានៅរាជធានីឬតាមបណ្តាខេត្តឡើយ។
លោក ស៊ឹម សំរេច រស់នៅខេត្តកំពង់ចាម ដែលមានកូនស្នាក់នៅវត្តនៅរាជធានីភ្នំពេញបានគាំទ្រ និងចាត់ទុកវត្តអារាមជមជ្ឈមណ្ឌលសម្រាប់សង្គ្រោះសិស្ស និស្សិតក្រីក្រឱ្យទទួលបានឱកាសបន្តការសិក្សានិងការអប់រំ។
លោកបានបន្តថា ប្រសិនបើអត់មានវត្តអារាមសម្រាប់និស្សិតស្នាក់នៅទេភាគច្រើននិស្សិតត្រូវបោះបង់ចោលការសិក្សាដោយសារមិនមានលទ្ធភាពជួលផ្ទះស្នាក់នៅបន្តការសិក្សា៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១៦ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន