ព័ត៌មានជាតិ
៥ ជំនាញ កំពុងប្រកួតប្រជែងទីផ្សារខ្ពស់ ប្រាក់ខែដល់កម្រិត K
ពិភពលោកកំពុងវិវឌ្ឍទៅរកឧស្សាហកម្ម 4.0 ដែលនាំឲ្យតម្រូវការអ្នកបច្ចេកទេសកាន់តែច្រើន។
លោក ហៃ ហ៊ុនឡេង នាយកទីភ្នាក់ងារជាតិមុខរបរ និងការងារ នៃក្រសួងការងារនិងបណ្តុះបណ្តាលវិជ្ជាជីវៈបានលើកពីមុខជំនាញចំនួន ៥ កំពុងមានតម្រូវការចាំបាច់ទាំងពេលបច្ចុប្បន្ននិងទៅថ្ងៃខាងមុខ។ មុខជំនាញទាំង ៥ នោះមាន៖
-បច្ចេកទេសព័ត៌មានវិទ្យា
-វិស្វកម្ម
-ស្ថាបត្យកម្ម
-អេឡិចត្រូនិក
-មេកានិច
លោក ហៃ ហ៊ុនឡេង បានឲ្យកម្ពុជាថ្មីដឹងថា យុវជនគួរក្តាប់ឱកាសនិងត្រៀមខ្លួនស្រូបយកចំណេះជំនាញទាំង ៥ នេះដើម្បីទទួលបានអាទិភាពលើឱកាសការងារ។
ផ្តើមចេញពីការធ្វើបដិវត្តន៍ឧស្សាហកម្ម 4.0 លើពិភពលោក ដែលធ្វើឱ្យមានការផ្លាស់ប្តូររបៀបនៃការធ្វើអាជីវកម្មទាំងផ្នែកផលិតកម្ម និងសេវាកម្ម។ ផ្អែកលើលំដាប់ការងារឃើញថាផ្នែកបច្ចេកទេស វិទ្យាសាស្រ្តឈរនៅលំដាប់ទីមួយ ហើយថ្ងៃអនាគតទីផ្សារការងារនឹងបែរឆ្ពោះទៅជំនាញទាំងអស់នេះ ដែលត្រូវការអ្នកដែលមានចំណេះជំនាញ ដើម្បីបំពេញលើការងារទាំងអស់នេះ។
លោក ហៃ ហ៊ុនឡេងសង្កត់បន្ថែមថា ឥឡូវនេះគឺជាពេលវេលា ដើម្បីគិតឡើងវិញ។ ការរីកចម្រើននៃឧស្សាហកម្ម 4.0 អាចនឹងជះផលប៉ះពាល់ច្រើនលើវិស័យការងារ និងការធ្វើអាជីវកម្មដែលមានលក្ខណៈជាប្រពៃណី។ អ្នកមិនសូវមានជំនាញផ្នែកបច្ចេកវិទ្យា ចាំបាច់ត្រូវតែរត់ទៅសិក្សាបន្ថែមបើមិនធ្វើបែបនេះទេ នឹងប្រឈមជាមួយនឹងការបាត់បង់ការងារក្នុងឧស្សាហកម្មដែលមានការប្រែប្រួលយ៉ាងឆាប់រហ័សនេះ។
ជំនាញផ្នែកបច្ចេកវិទ្យា និងវិទ្យាសាស្រ្តក្រៅពីមានអាទិភាពលើឱកាសការងារ មានការប្រកួតប្រជែងទទួលបានប្រាក់ខែខ្ពស់ អ្នកដែលមានសមត្ថភាពខ្លាំងអាចឈានទៅទៅចាប់យកឱកាសទីផ្សារការងារនៅក្រៅប្រទេសថែមទៀតផង។
បើតាមអ្នកជំនាញជាន់ខ្ពស់ផ្នែកអប់រំរបស់ធនាគារអភិវឌ្ឍអាស៊ី ADB នៅពេលបច្ចេកវិទ្យារីកចម្រើនយ៉ាងឆាប់រហ័ស ការវិនិយោគយ៉ាងច្រើនលើជំនាញឌីជីថលនឹងជួយបង្កើនឱកាសរបស់យុវជនក្នុងការទទួលបានការងារដែលមានគុណភាពខ្ពស់ និងបន្ថយហានិភ័យនៃការបាត់បង់ការងារ៕
អត្ថបទ៖ ប៊ុណ្ណារ៉ា
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៦ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ