Connect with us

ព័ត៌មានជាតិ

សង្គមស៊ីវិលជំរុញឲ្យសមត្ថកិច្ច ពង្រឹងការអនុវត្តច្បាប់ចរាចរណ៍ ក្នុងឱកាសបុណ្យចូលឆ្នាំចិន

បានផុស

នៅ

មន្ត្រីសង្គមស៊ីវិល ដែលធ្វើការងារពាក់ព័ន្ធ នឹងបញ្ហាចរាចរណ៍ បានជំរុញ និងអំពាវនាវដល់អាជ្ញាធរ​មានសមត្ថកិច្ច ពង្រឹងការអនុវត្តច្បាប់ចរាចរណ៍ផ្លូវគោក នៅក្នុងឱកាសពិធីបុណ្យចូលឆ្នាំចិន-វៀតណាម នាពេលខាងមុខនេះ ដើម្បីកាត់បន្ថយករណីគ្រោះចរាចរណ៍ នៅតាមដងផ្លូវ។

លោក គឹម បញ្ញា នាយកប្រចាំប្រទេស នៃអង្គការមូលនិធិបង្ការរបួសអាស៊ី (AIP Foundation) មានប្រ​សាសន៍ប្រាប់កម្ពុជាថ្មី នៅថ្ងៃទី ២៨ ខែមករា ឆ្នាំ ២០២២នេះថា ក្រុមអង្គការសង្គមស៊ីវិល ដែលពាក់ព័ន្ធការងារពាក់ព័ន្ធ នឹងបញ្ហាចរាចរណ៍ តែងតែអំពាវនាវដល់អាជ្ញាធរមានសមត្ថកិច្ច ជាពិសេសនគរ​បាល​ចរាចរណ៍ ត្រូវតែពង្រឹងការអនុវត្តច្បាប់ចរាចរណ៍ផ្លូវគោក ឲ្យបានខ្លាំងក្លានៅពេលមានពិធីបុណ្យទានម្ដងៗ ហើយជូនដំណឹងទៅដល់ប្រជាពលរដ្ឋ ដែលជាអ្នកធ្វើដំណើរជុំវិញការអនុវត្តនេះ ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា​ ការពង្រឹងការអនុវត្តច្បាប់ចរាចរណ៍ ហើយមានការជូនដំណឹងយ៉ាងដូច្នេះ គឺជាការពញាក់អារម្មណ៍មួយដល់ប្រជាពលរដ្ឋ ដែលជាអ្នកបើកបរថា នៅលើផ្លូវនេះមាននគរបាល អនុវត្តច្បាប់ចរា​ចរណ៍។ ដូច្នេះពួកគាត់ នឹងមានការបន្ថយល្បឿន និងប្រុងប្រយ័ត្ន ជាក់ជាមិនខាន។

លោក គឹម បញ្ញា បានបន្ថែមថា «ជារួមមកវិញខ្ញុំគិតថា ដើម្បីយើងកាត់បន្ថយបញ្ហាគ្រោះថ្នាក់ នៅក្នុងអំឡុងពិធីបុណ្យសំខាន់ៗ របស់ជាតិយើងហ្នឹង ឬដោយមានការប្រារព្ធចូលរួមដែរហ្នឹង ដូចជាពិធីបុណ្យចូលឆ្នាំចិន-វៀតណាម អីចេះនេះ យើងគួរតែមានការពង្រឹងការអនុវត្តហ្នឹងខ្លាំងដែរ នៅក្នុងអំឡុងពេលនោះ ហើយជូនដំណឹងជូនប្រជាពលរដ្ឋ ឲ្យបានដឹងមុន ឲ្យគាត់មានការប្រុងប្រយ័ត្ន ព្រោះបើសិនជាមិនអញ្ចឹងទេ គាត់អាចនឹងគ្រោះថ្នាក់ ឬក៏ប្រឈមនឹងការពិន័យ បើសិនគាត់បើកបរមិនគោរពច្បាប់ ហើយខ្ញុំគិតថា ធ្វើរបៀបហ្នឹង គឺយើងនឹងអាចកាត់បន្ថយបានច្រើនៗ»។

លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ នៅថ្ងៃទី ២៧ ខែមករា ឆ្នាំ ២០២២ បានសេចក្ដីណែនាំ ស្ដីពី កិច្ចការពារសន្តិសុខ សណ្ដាប់ធ្នាប់សាធារណៈ សុវត្ថិភាពសង្គម ក្នុងឱកាសពិធីបុណ្យចូលឆ្នាំថ្មី ប្រពៃណីជនជាតិចិន និងវៀតណាម។

ក្នុងសេចក្ដីណែនាំនោះ អគ្គស្នងការនគរបាលជាតិ បានប្រាប់ឲ្យកម្លាំងនគរបាលនាយកដ្ឋាន-អង្គភាពជំនាញ និងស្នងការនគរបាលរាជធានី-ខេត្ត ត្រូវយកចិត្តទុកដាក់រៀបចំ សណ្ដាប់ធ្នាប់ចរាចរណ៍ បង្ការភាពកកស្ទះ និងបង្កើនការរឹតបន្តឹងការអនុវត្តន៍ ច្បាប់ចរាចរណ៍ផ្លូវគោក សំដៅកាត់បន្ថយគ្រោះថ្នាក់ចរាចរណ៍ និងបង្កលក្ខណៈឲ្យប្រជាពលរដ្ឋ ធ្វើដំណើរទៅសួរសុខទុក្ខបងប្អូន ឬទៅកំសាន្ដតាមតំបន់រមណីដ្ឋាននានា ប្រព្រឹត្តទៅដោយក្ដីសប្បាយរីករាយ និងសុវត្ថិភាព។

លោក គឹម បញ្ញា នាយកប្រចាំប្រទេស នៃអង្គការមូលនិធិបង្ការរបួសអាស៊ី (AIP Foundation) បានលើកឡើងទៀតថា មូលហេតុ ដែលករណីគ្រោះថ្នាក់ចរាចរណ៍ តែងតែកើតមានច្រើន នៅពេលមានពិធីបុណ្យទានធំៗម្ដងនោះ ក៏ព្រោះតែនៅក្នុងពិធីបុណ្យទាន នឹងមានការធ្វើចរាចរណ៍ពីកន្លែងមួយ ទៅកន្លែងមួយច្រើន ដែលអាចនាំឲ្យមានគ្រោះថ្នាក់ចរា​ចរណ៍ កើតឡើងជាយថាហេតុ។

លោកថា ចំណុច នៃការធ្វើដំណើរតាមដងផ្លូវច្រើន គឺជាបញ្ហាប្រឈមដែលនាំឲ្យមាន ករណីគ្រោះថ្នាក់ចរា​ចរណ៍ហើយ តែអ្វីដែលសំខាន់ទៀតនោះ គឺប្រជាពលរដ្ឋម្នាក់ៗ ត្រូវចូលរួមបង្ការទប់ស្កាត់កុំករណីនេះកើតឡើង តាមរយៈការកុំពិសារគ្រឿងស្រវឹង​ នៅពេលបើកបរ, ត្រូវមានការប្រុងប្រយ័ត្នខ្ពស់, ត្រូវត្រួតពិនិត្យយានយន្ដរបស់ខ្លួន មុនពេលធ្វើដំណើរផ្លូវឆ្ងាយ។

កន្លងទៅក្រសួង-ស្ថាប័នពាក់ព័ន្ធ អង្គការសង្គមស៊ីវិល និងដៃគូអភិវឌ្ឍន៍ តែងតែអប់រំណែនាំទៅដល់អ្នកបើកបរទាំងអស់ ឲ្យមានការប្រុងប្រយ័ត្ននៅពេលបើកបរ, យោគយល់អធ្យាស្រ័យគ្នា, និងកុំពិសារគ្រឿងស្រវឹងនៅពេលបើកបរជាដើម។ ប៉ុន្តែលោក គឹម បញ្ញា នាយកប្រចាំប្រទេស នៃអង្គការមូលនិធិបង្ការរបួសអាស៊ី (AIP Foundation) បានលើកឡើងថា ប្រជាពលរដ្ឋ ដែលជាអ្នកបើកបរមួយចំនួន គឺមានការយល់ដឹងច្រើនហើយ តែនៅពេលធ្វើដំណើរលើដងផ្លូវជាក់ស្ដែង គឺហាក់ដូចជាមិនសូវ មានការប្រុងប្រយ័ត្ន នោះឡើយ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៣ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៣ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៣ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៣ ម៉ោង មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា២ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម