ព័ត៌មានជាតិ
CBI.FOODបើកកម្មវិធីបង្ហាញសមត្ថភាពបង្កើតគំនិតច្នៃប្រឌិតលើផលិតផលចំណីអាហារដែលមានគុណភាពខ្ពស់
កម្មវិធីខាងលើបានប្រព្រឹត្តឡើងនៅក្នុងសាកលវិទ្យាល័យបាត់ដំបងរយះពេល២ថ្ងៃជាប់គ្នាធ្វើឡើងក្នុងគោលបំណងធំៗចំនួន៣រួមមាន៖១,ដើម្បីលើកកម្ពស់និងអភិវឌ្ឍផលិតកម្មកែច្នៃអាហារនៅកម្ពុជាតាមរយៈការផ្តល់ឱកាសឱ្យសហគ្រិននិងនិស្សិតផ្នែកកែច្នៃអាហារនៅសាកលវិទ្យាល័យជាតិបាត់ដំបង និងសាកលវិទ្យាល័យជាតិមានជ័យចូលរួមប្រកួតប្រជែងជាក្រុមលើការបង្កើតផលិតផលចំណីអាហារដែលមានគុណភាពខ្ពស់ និងនវានុវត្តន៍ស្របតាមស្តង់ដារកម្ពុជាដើម្បីបង្កើនការផ្គត់ផ្គង់ក្នុងស្រុកនិងគោលការណ៍នាំចេញ។
២,បណ្តុះគំនិតអាជីវកម្មក្នុងការផលិតកែច្នៃអាហារមកចូលរួមប្រកួតប្រជែងនិងទទួលបានបទពិសោធន៍ថ្មីៗព្រមទាំងទទួលបាននូវការបណ្តុះបណ្តាលទាំងផ្នែកបច្ចេកទេសផលិតនិងដំណើរការអាជីវកម្ម។
៣,ពង្រឹងប្រព័ន្ធអេកូឡូស៊ីដែលបង្កបរិយាកាសដល់ការចាប់ផ្តើមអាជីវកម្មតាមរយៈការភ្ជាប់ទំនាក់ទំនងនិងកិច្ចសហការយ៉ាងជិតស្និទ្ធជាមួយសាកលវិទ្យាល័យនៅក្នុងខេត្តបាត់ដំបង និងខេត្តបន្ទាយមានជ័យ មន្ទីរពិសោធន៍អ្នកផ្គត់ផ្គង់សេវាកម្មហិរញ្ញវត្ថុនិងអាជីវកម្មក្រសួងស្ថាប័នពាក់ព័ន្ធនានានិងតួអង្គសំខាន់ៗដទៃទៀតនៅក្នុងខេត្តបាត់ដំបង និងខេត្តបន្ទាយមានជ័យ។
ក្នុងឱកាសនេះដែរលោក ហ៊ត ផេង អគ្គនាយកសហគ្រាសធុនភូចនិងមធ្យមនិងសិប្បកម្មក្រសួងឧស្សាហកម្មវិទ្យាសាស្ត្របច្ចេកវិទ្យានិងនវានុវត្តន៍បានលើកឡើងថា កិច្ចសហប្រតិបត្តិការរវាងទីភ្នាក់ងារសហប្រតិបត្តិការអន្តរជាតិអាល្លឺម៉ង់GIZនិងក្រសួងឧស្សាហកម្មវិទ្យាសាស្ត្របច្ចេកវិទ្យានិងនវានុវត្តន៍ក្រោមជំនួយឧបត្ថម្ភពីរដ្ឋាភិបាលសាធារណរដ្ឋសហព័ន្ធអាល្លឺម៉ង់។ ដែលបានចុះអនុស្សរណៈយោគយល់ដើម្បីបង្កើតគម្រោងស្តីពីការអភិវឌ្ឍន៍សហគ្រាសធុនមីក្រតូចនិងមធ្យមMISME SupportProgramសម្រាប់អនុវត្តន៍នៅខេត្តបាត់ដំបង និងខេត្តបន្ទាយមានជ័យកាលពីថ្ងៃទី១១ខែកុម្ភៈឆ្នាំ២០១៩សំដៅគាំទ្រដល់អាជីវកម្មក្នុងស្រុកដើម្បីការអភិវឌ្ឍនិងការកែទម្រង់បរិយាកាសអាជីវកម្មរួមទាំងការសិក្សាស្រាវជ្រាវអភិវឌ្ឍន៍គុណភាពផលិតភាពសុវត្ថិភាពផលិតផលនិងស្តង់ដារជាដើម។
ក្នុងនេះកម្មវិធីថ្នាលបណ្តុះអាជីវកម្មកម្ពុជាសម្រាប់ការអភិវឌ្ឍផលិតផលចំណីអាហារCambodia.Business.IncubationforFood.Product.Developmentហៅកាត់ថាCBI.Food ជាសកម្មភាពមួយចំណុះឲ្យកម្មវិធីការអភិវឌ្ឍន៍សហគ្រាសធុនមីក្រូតូចនិងមធ្យមនេះដែលមានគោលបំណងលើកកម្ពស់និងអភិវឌ្ឍន៍ផលិតកម្មកែច្នៃអាហារនៅកម្ពុជាតាមរយៈការផ្តល់ឱកាសឱ្យសហគ្រិនវ័យក្មេងនៅខេត្តបាត់ដំបងនិងនិស្សិតផ្នែកកែច្នៃអាហារនៅសាកលវិទ្យាល័យជាតិបាត់ដំបងនិងសាកលវិទ្យាល័យជាតិមានជ័យបានចូលរួមប្រកួតប្រជែងដើម្បីបង្កើតនិងកែច្នៃផលិតផលចំណីអាហារដែលមានគុណភាពខ្ពស់និងនវានុវត្តន៍ស្របតាមស្តង់ដារកម្ពុជាក្នុងគោលដៅបង្កើនការផ្គត់ផ្គង់ក្នុងស្រុកនិងនាំចេញ។
លោកបញ្ជាក់ថា បច្ចុប្បន្ននេះយើងសម្រេចបានលទ្ធផលរួមមាន:កម្មវិធីCB1.Foodចាប់ផ្តើមពីថ្ងៃទី១១ខែតុលាឆ្នាំ២០២១ដល់ថ្ងៃទី១៧ខែកុម្ភៈឆ្នាំ២០២២នេះមានរយៈពេល៥ខែមានក្រុមនិស្សិតចូលរួមចំនួន៣៧នាក់ចែកចេញជា៩ក្រុមនិងសហគ្រិនវ័យក្មេងចំនួន៩នាក់ចែកចេញជា៣ក្រុមដែលបានប្រកួតប្រជែងលើផលិតផលចំនួន១២មុខក្នុងនោះមាន៖១/ប្រេងសណ្តែកនិងប្រហិត២/ភេសជ្ជៈផ្លែមៀនលាយប្រទាលកន្ទុយក្រពើ៣/អាម៉ុកកំប៉ុង៤/សម្លប្រហើរសម្អាត(ទឹកសម្លនំបញ្ចុក)៥/ដំណាប់មៀនប៉ៃលិន៦/គុយទាវដំឡូងមី៧/ម្សៅតែការ៉ុតខ្លី៨/ពោតផ្អែមបន្ទាយមានជ័យ៩/ម្សៅបន្លែបៃតង១០/តែវីតាមីន១១/កាហ្វេម្សៅចេកបាត់ដំបងនិងទី១២ម្សៅខ្ចីសុខភាពស្របតាមទីភ្នាក់ងារសហប្រតិបត្តិការអន្តរជាតិអាល្លឺម៉ង់GIZបានជួយកែលំអបន្ទប់មន្ទីរពិសោធន៍កែច្នៃអាហារនិងបំពាក់សម្ភារបរិក្ខាពិសោធន៍ចាំបាច់មួយចំនួនជូនសាកលវិទ្យាល័យជាតិបាត់ដំបងផងដែរ។
លោក ឈា ឡាយហ៊ី ប្រធាននាយកដ្ឋានសហគ្រាសធុនតូចនិងមធ្យមនិងជាប្រធានក្រុមការងារដឹកនាំគម្រោងខាងលើនេះបានលើកឡើងថា កម្មវិធីCBI.Foodនេះបានដំណើររយៈពេល៦ខែដោយមានក្រុមនិស្សិតនិងសហគ្រិនចូលរួមសរុប១២ក្រុមដែលបង្កើតបាននូវមុខផលិតផលចំនួន១២មុខដើម្បីបញ្ចូលក្នុងកម្មវិធីប្រកួតប្រជែងក្នុងរយះពេល២ថ្ងៃនេះ។ លោកបន្តថា បន្ទាប់ពីឆ្លងកាត់ការប្រកួតប្រជែងចំនួន២វគ្គរួចមក ជាលទ្ធផលយើងជ្រើសរើសបានក្រុមជ័យលាភីចំនួន៣ក្រុមក្នុងចំណោមទាំង១២ក្រុមខាងលើរួមមាន:ជ័យលាភីលេខ១បានទៅលើផលិតផលអាម៉ុកកំប៉ុងទទួលបានពានជ័យលាភី១,ប័ណ្ណសសើរថ្នាក់មាស១និងថវិកា១៤លានរៀលដែលជាការឧបត្ថមដោយឯកឧត្តមកិត្តិសេដ្ឋាបណ្ឌិតចមប្រសិទ្ធទេសរដ្ឋមន្ត្រីរដ្ឋមន្ត្រីក្រសួងឧស្សាហកម្មវិទ្យាសាស្ត្របច្ចេកវិទ្យានិងនវានុវត្តន៍។
ជ័យលាភីលេខ២បានទៅលើផលិតផល"ប្រេងសណ្តែកសៀងនិងប្រហិតសាច់មាន់ទទួលបានពានជ័យលាភី១,ប័ណ្ណសរសើរថ្នាក់ប្រាក់១និងថវិកាចំនួន១០លានរៀលឧបត្ថមដោយលោកឧកញ៉ាតែតាំងប៉ប្រធានសម្ព័ន្ធសមាគមសហគ្រាសធននិងមធ្យមកម្ពុជា។ចំណែកជ័យលាភីលេខ៣បានទៅលើផលិតផលម្សៅខ្ញីសុខភាពទទួលបានពានជ័យលាភី១,ប័ណ្ណសរសើរ“ថ្នាក់សំរិទ្ធិ១និងថវិកាចំនួន៦លានរៀលបានឧបត្ថមដោយលោក ស រដ្ឋា ប្រធានសហភាពសហព័ន្ធយុវជនកម្ពុជាសាខាខេត្តបាត់ដំបង។
លោក គឹម ទូច រដ្ឋលេខាធិការក្រសួងឧស្សាហកម្មវិទ្យាសាស្ត្របច្ចេកវិទ្យានិងនវានុវត្តន៍និងជាដំណាងដ៏ខ្ពង់ខ្ពស់របស់ឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានមានប្រសាសន៍ថា:ការប្រកួតប្រជែងលើផលិតផលនិងអាហារកែច្នៃនេះគឺជាកត្តាសំខាន់ណាស់ក្នុងការពង្រឹងការអភិវឌ្ឍធនធានមនុស្សប្រកបដោយសមត្ថភាពនិងគុណភាពខ្ពស់ក្នុងភាពច្នៃប្រឌិតនូវគំនិតថ្មីៗសំដៅជំរុញកំណើនសេដ្ឋកិច្ចសង្គមប្រកបដោយចីរភាពនិងបរិយាប័ន្នដោយផ្តល់ឱកាសឲ្យក្រុមនិស្សិតបានចូលរួមប្រកួតប្រជែងដើម្បីអភិវឌ្ឍន៍ខ្លួនអោយក្លាយជាសហគ្រិនជោគជ័យនិងជួយដល់សង្គមតាមរយៈការប្រើប្រាស់វត្ថុធាតុដើមក្នុងស្រុកដែលភាគច្រើនគឺលើកស្ទួយផលិតផលលើវិស័យកសិកម្មបានឆ្លើយតបទៅនឹងគោលនយោបាយជាតិក្នុងក្របខ័ណ្ឌជំរុញខ្សែចង្វាក់ផលិតកម្មនៅកម្ពុជាឲ្យកាន់តែមានប្រសិទ្ធិភាពខ្ពស់៕
អត្ថបទ៖ សៅ សារិទ្ធ
តុលាការកំពូលរបស់អង្គការសហប្រជាជាតិបញ្ជាឱ្យអ៊ីស្រាអែលបើកលំហូរជំនួយមនុស្សធម៌ទៅតំបន់ហ្គាហ្សា បន្ទាន់
ករណីរោងចក្រ អ.ជី ត្រូវបានដោះស្រាយបញ្ចប់ដោយជោគជ័យ
អ្នកវិភាគសង្គម និងសហជីព មើលឃើញថាដំណោះស្រាយដ៏លឿនរហ័សចំពោះកម្មកររោងចក្រ អ.ជី បង្ហាញពីការយកចិត្តទុកដាក់របស់រដ្ឋាភិបាលអាណត្តិទី៧
អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត
ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១២ ម៉ោង agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore