ព័ត៌មានជាតិ
អង្គការ JMAS ផ្តល់ជំនួយជាង ៧០ម៉ឺនដុល្លារ ដល់ស៊ីម៉ាក់សម្រាប់បោសសម្អាតគ្រាប់មីននៅកម្ពុជា
អង្គការបម្រើសកម្មភាពកម្ចាត់មីនជប៉ុន ដែលហៅកាត់ថា JMAS បានផ្តល់ជំនួយដែលមានទឹកប្រាក់ជាង ៧០ម៉ឺនដុល្លារអាមេរិក សម្រាប់បោសសម្អាតគ្រាប់មីន និងគ្រាប់បែកចង្កោមនៅខេត្តបន្ទាយមានជ័យ និងខេត្តស្ទឹងត្រែង។
ការផ្តល់ជំនួយនេះ បានចុះហត្ថលេខាលើកិច្ចព្រមព្រៀងកិច្ចសហប្រតិបត្តិការគម្រោងសមាហរណកម្មការបោសសម្អាតមីន គាំទ្រការអភិវឌ្ឍតំបន់ក្រោយបោសសំអាតមីនរួច ក្នុងខេត្តបន្ទាយមានជ័យ និងគម្រោងសមាហរណកម្មការបោសសម្អាតគ្រាប់បែកចង្កោមគាំទ្រការអភិវឌ្ឍសហគមន៍ ក្នុងខេត្តស្ទឹងត្រែង កាលពីថ្ងៃទី ២៤ខែ កុម្ភៈ ឆ្នាំ២០២២ នៅទីបញ្ជាការស៊ីម៉ាក់ភ្នំពេញរវាង លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់ និងលោក YOSHIOKA Yoshito ប្រធានអង្គការបំរើសកម្មភាពកម្ចាត់មីន។
លោក ហេង រតនា បានសរសេរនៅក្នុងទំព័រហ្វេប៊ុកថា គម្រោងនេះមានរយៈពេល១ឆ្នាំ ចាប់ពីថ្ងៃទី ០១ខែ មីនាឆ្នាំ ២០២២ ដល់ថ្ងៃទី២៨ ខែកុម្ភៈ ឆ្នាំ២០២៣ ខាងមុខ ដោយគាំទ្រថវិកាចំនួន ៧១៤.៨២៥ ដុល្លារសហរដ្ឋអាមេរិក ។ ដោយឡែក ថវិកាសម្រាប់ការអភិវឌ្ឍតំបន់បោសសម្អាតគ្រាប់មីនរួចចំនួនជាង ១លានដុល្លារអាមេរិក នឹងត្រូវអនុវត្តផ្ទាល់ដោយអង្គការ JMAS។
លោក ហេង រតនា បានសរសេរទៀតថា ជាមួយគម្រោងទាំង២នេះ អង្គភាពCMAC នឹងដាក់ពង្រាយកម្លាំងប្រតិបត្តិការជាង ១០០នាក់ ដែលនឹងធ្វើប្រតិបត្តិបការលើស្រុកគោលដៅដូចជា ស្រុកម៉ាឡៃ អូជ្រៅ ស្វាយចេក នៃខេត្តបន្ទាយមានជ័យ និងស្រុកសេសាន ស្ទឹងត្រែង សៀមប៉ាង នៃខេត្តស្ទឹងត្រែង ដោយមានផែនការបោសសម្អាតផ្ទៃដីប៉ះពាល់គ្រាប់បែកចង្កោមចំនួន ១.២០០ហិចតា និងផ្ទៃដីចម្ការមីនចំនួនជាង ៤០០ហិចតា។
លោក ហេង រតនា បានបន្ថែមថា នេះជាគម្រោងឆ្នាំទី ២ហើយ ដែលស៊ីម៉ាក់បានអនុវត្តនៅខេត្តទាំងពីរនេះ ខណៈគម្រោងក្នុងឆ្នាំទី១ ទាំងពីរខេត្តនេះ អង្គភាព CMAC សម្រេចលទ្ធផល រំដោះផ្ទៃដីមានបញ្ហាគ្រាប់មីន និងសំណល់ជាតិផ្ទុះពីសង្គ្រាមបានចំនួនជាង ៧២០ហិចតា រុករកឃើញ និងកម្ទេចចោលគ្រាប់យុទ្ធភណ្ឌមិនទាន់ផ្ទុះគ្រប់ប្រភេទ បានចំនួន១.៦៥៩ គ្រាប់ហើយផែនការបោសសម្អាតផ្ទៃដីក្នុងឆ្នាំទី២ នៃគម្រោងនេះ អង្គភាព CMACមានផែនការបោសសម្អាតផ្ទៃដីចម្ការមីន និងចម្ការគ្រាប់បែកចង្កោមចំនួនជិត ១.៥០០ហិចតា៕ អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង