ព័ត៌មានជាតិ
ប្រជាពលរដ្ឋ ត្អូញត្អែរពីការលំបាកពេលដឹកកសិផល ទៅលក់ឲ្យឈ្មួញវៀតណាម
ក្រុមប្រជាពលរដ្ឋ ដែលជាអ្នកដឹកកសិផលពីខេត្តរតនគិរី តាមច្រកទ្វារអន្តរជាតិអូរយ៉ាដាវ ជាមួយខេត្តយ៉ាឡាយ ប្រទេស វៀតណាម កំពុងជួបការលំបាកខ្លាំង ក្នុងការនាំកសិផលទៅលក់ឲ្យឈ្មួញវៀតណាម។ ផលលំបាកទាំងនេះ មិនទាន់បានដោះស្រាយនៅឡើយទេ ធ្វើឲ្យអ្នកដឹកកសិផលមួយចំនួន មិនចង់នាំចេញទៅប្រទេសវៀតណាម តាមច្រកទ្វារអូរយ៉ាដាវ ហើយនាំគ្នាលក់ទៅឲ្យអ្នកនាំទៅច្រកផ្សេង ក្រៅពីខេត្តរតនគិរី។
ប្រភពពីប្រជាពលរដ្ឋ ដែលជាអ្នកដឹកកសិផលចេញ តាមច្រកទ្វារអន្តរជាតិអូរយ៉ាដាវ បានប្រាប់ឲ្យដឹងថា កសិផលដែលនាំចេញពីប្រទេសកម្ពុជា តាមខេត្តរតនគិរីនោះ មានដូចជា៖ ដំឡូងមី ផ្លែស្វាយស្រស់ គ្រាប់ស្វាយចន្ទី និងគ្រាប់ធញ្ញជាតិ ផ្សេងទៀត។
ម្ចាស់កសិផល បានត្អូញត្អែរពីការរឹតបណ្តឹង ដោយឈ្មួញវៀតណាម ដូចជាដឹកទំនិញទៅដល់ហើយស្រេចតែមាត់វៀត ណាម ជាអ្នកឲ្យតម្លៃ។ អ្នកដឹកកសិផល បាននិយាយថា ពេលដឹកកសិផលតាមរថយន្តធំៗ រថយន្តកែច្នៃត្រូវឈប់ នៅច្រកទ្វារអន្តរជាតិអូរយ៉ាដាវ ដើម្បីរង់ចាំពេលវេលាបើកច្រកចូល ទៅលក់ឲ្យឈ្មួញវៀតណាម។
ជាមួយគ្នានោះ គេត្រូវបង់ថ្លៃសេវាមួយចំនួន ទៅឲ្យភាគីខ្មែរប្រចាំនៅតាមច្រកព្រំដែន។ ពេលបើកច្រកព្រំដែន ទើបគេអាចនាំរថយន្តដឹកកសិផលខ្មែ រចូលទៅឈប់ត្រឹមចំណុច ៣០ ដើម្បីរង់ចាំឈ្មួញវៀតណាម មកបើករថយន្តខ្មែរបន្ត ទៅក្នុងទឹកដីវៀតណាម។
ប្រភពបានបន្តទៀតថា នៅពេលដែលឈ្មួញវៀតណាម បើករថយន្ដដឹកកសិផលរបស់ខ្មែរ ទៅនោះមិនបាន ត្រួតពិនិត្យផ្នែកជញ្ជីងត្រឹមត្រូវ ដោយផ្ទាល់ភ្នែកទេ គឺស្រែចតែឈ្មួញវៀតណាមឲ្យតម្លៃ។ ពេលនោះ ត្រូវខាតបង់ឬយ៉ាងណា ក៏ត្រូវបង្ខំចិត្តលក់ដែរ គេមិនអាចតវ៉ា ឬក៏បើករថយន្តដឹកកសិផលត្រឡប់មកដីខ្មែរវិញ បានទេ។ អ្នកដឹកកសិផល ស្នើសុំដល់ក្រសួងពាក់ព័ន្ធ ជួយដោះស្រាយសម្រួល ទៅលើបញ្ហាដោះដូរទំនិញកសិផល រវាងកម្ពុជាវៀតណាម ក្នុងច្រកទ្វារអន្តរជាតិទ្វេភាគីអូរយ៉ាដាវ ខេត្តរតនគិរី ជាមួយខេត្តយ៉ាឡាយផង។
លោក សាយ ចំរើន ប្រធានទីស្នាក់ការ ត្រួតពិនិត្យច្រកទ្វារព្រំដែនអន្តរជាតិអូរយ៉ាដាវ បានឲ្យដឹងថា ទំនិញដែលប្រជាពលរដ្ឋ ស្រុកអូរយ៉ាដាវខេត្តរតនគិរី នាំចេញទៅលក់នៅប្រទេសវៀតណាម តាមច្រកនេះមានតាមរដូវកាល។ លោក សាយ ចំរើន បានឲ្យដឹងទៀតថា រដូវនេះមានការនាំចេញដំឡូងមី គ្រាប់ស្វាយចន្ទី គឺគេជួលគោយន្តកែច្នៃ យកទៅលក់ឲ្យឈ្មួញវៀតណាម។ ការនាំកសិផល តាមច្រកអូរយ៉ាដាវខេត្តរតនគិរី ជាមួយខេត្តយ៉ាឡាយប្រទេសវៀតណាម ជួបការលំបាកខ្លាំងខុសពីបណ្ដាច្រកដទៃទៀត រវាងកម្ពុជា និងវៀតណាម។
លោកប្រធានទីស្នាក់ការ បានលើកឡើងថា នឹងរាយការណ៍ជូនថ្នាក់ដឹកនាំខេត្ត ដើម្បីជួយដោះស្រាយដល់ប្រជាពលរដ្ឋ ដែលកំពុងជួបផលលំបាកដឹកទំនិញ ទៅកាន់ប្រទេសវៀតណាម ជាពិសេសជនជាតិដើមភាគតិច ក្នុងស្រុកអូរយ៉ាដាវ ខេត្តរតនគិរី៕
អត្ថបទ៖ វុទ្ធ ឦសាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង