ព័ត៌មានជាតិ
លោក ផៃ ស៊ីផាន បំផុសស្មារតីមន្រ្តីថ្នាក់ក្រោមជាតិផ្សព្វផ្សាយ និងឆ្លើយតបព័ត៌មាន
លោក ផៃ ស៊ីផាន ប្រធានអង្គភាព អ្នកនាំពាក្យរាជរដ្ឋាភិបាលកម្ពុជា នៅព្រឹកថ្ងៃទី ២១ ខែមីនា ឆ្នាំ២០២២ បានបំផុសស្មារតី និងចែករំលែកចំណេះដឹង ពីវិស័យព័ត៌មានដល់មន្រ្តីថ្នាក់ក្រោមជាតិ ឲ្យហ៊ានផ្សព្វផ្សាយ ក៏ដូចជាឆ្លើយតបព័ត៌មាន ប្រកបដោយភាពទទួលខុសត្រូវខ្ពស់។
នៅចំពោះមុខអភិបាលរងខេត្តកោះកុង ខេត្តកែប កំពត កែប និងមន្រ្តីមកពីមន្ទីរអង្គភាពជំនាញច្រើនរូបទៀត លោក ផៃ ស៊ីផាន រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានអង្គភាពអ្នកនាំពាក្យរាជរដ្ឋាភិបាល បានឲ្យដឹងថា នៅក្នុងបរិបទនេះ ព័ត៌មានត្រូវស្ថិតក្នុងវិស័យ និងចរាចរណ៍ចេញពីប្រភពផ្លូវការទៅដល់សាធារណជន ដើម្បីការយល់ដឹងចូលរួមលើកិច្ចកសាងនីតិរដ្ឋ ប្រកបដោយការទទួលខុសត្រូវ ស្របតាមគោលនយោបាយ អភិបាលកិច្ចល្អនៃយុទ្ធសាស្រ្តចតុកោណ ដំណាក់កាលទី ៤។
លោក ផៃ ស៊ីផាន បានគូសបញ្ជាក់ក្នុងការបើកសិក្ខាសាលា ការិយាល័យព័ត៌មានឈ្លាសវៃ និងអភិបាលកិច្ចល្អ ក្នុងវិស័យព័ត៌មានថា ទស្សនទាន យន្តការ និងយុទ្ធសាស្រ្តចែករំលែកចំណេះដឹង ពីវិស័យព័ត៌មាននៅថ្ងៃនេះ ជាមូលដ្ឋានគ្រឹះមួយរបស់រដ្ឋ ក្នុងទិសដៅកសាងឲ្យបាននូវអភិបាលកិច្ចល្អលើវិស័យព័ត៌មានថ្នាក់ក្រោមជាតិ ដើម្បីជំរុញប្រសិទ្ធិភាព នៃការផ្សព្វផ្សាយបំផុសបញ្ចូនព័ត៌មាន ចូលកៀកប្រជាពលរដ្ឋ សម្រាប់ផលប្រយោជន៍ផ្ទាល់នៅមូលដ្ឋាន ដោយភាពត្រឹមត្រូវច្បាស់លាស់។
ប្រធានអង្គភាព អ្នកនាំពាក្យរាជរដ្ឋាភិបាល សង្កត់ធ្ងន់ដែរថា ភាពទទួលខុសត្រូវផ្សព្វផ្សាយ និងទំនាក់ទំនងឆ្លើយតបបំភ្លឺ លើបញ្ហាអ្វីមួយនៅថ្នាក់ក្រោមជាតិ គឺមានសារៈសំខាន់ៗ ជៀសវាងអ្នកទទួលព័ត៌មានមានការភ័ន្តច្រឡំ បង្កឲ្យស្មុគស្មាញលំបាកដោះស្រាយ។
បច្ចុប្បន្នអង្គភាពអ្នកនាំពាក្យរាជរដ្ឋាភិបាល បានបន្តពង្រឹងការអនុវត្តតួនាទីភារកិច្ចស្នូលរបស់ខ្លួនដោយឆន្ទះប្តេជ្ញាយ៉ាងមុះមុត ចូលរួមចំណែកលើអភិបាលកិច្ចល្អ នៃវិស័យព័ត៌មានក្នុងកិច្ចការពារសន្តិភាព ស្ថិរភាពសង្គម និងការអភិវឌ្ឍន៍ដ៏ផុសផុល ក្រោមមគ្គុទេសភាពដ៏ប៉ិនប្រសប់របស់សម្តេចតេជោ ហ៊ុន សែន នាយករដ្ឋមន្រ្តី។
លោក គឹម ចំណាន មន្រ្តីនៃមន្ទីរផែនការខេត្តព្រះសីហនុ និងលោក វ៉ា វណ្ណទិត្យ ប្រធានការិយាល័យរដ្ឋបាលមន្ទីរសាធារណការ និងដឹកជញ្ជូនខេត្តកោះកុង ឯកភាពនូវអ្វីដែលជាការបំផុសស្មារតី របស់លោកប្រធានអង្គភាពអ្នកនាំពាក្យរាជរដ្ឋាភិបាល ដោយចាត់ទុកថា កិច្ចការប្រមូល បញ្ចូនផ្សព្វផ្សាយ និងឆ្លើយតបព័ត៌មានបំភ្លឺ ទៅកាន់ប្រជាពលរដ្ឋពិតជា មានសារៈសំខាន់ខ្លាំងណាស់ ដើម្បីចៀសវាងការភ័ន្តច្រឡំណាមួយ ដែលពុំមែនជាការពិតប្រាកដ។
ក្រុមមន្រ្តីដែលមកទទួលវគ្គបណ្តុះបណ្តាលនេះ អះអាងថា ពួកគេនឹងយកចំណេះដឹង ដែលបានសិក្សាទៅអនុវត្ត ប្រកប ដោយការទទួលខុសត្រូវប្រកបដោយប្រសិទ្ធិភាព តម្លាភបាទៅកាន់ប្រជាពលរដ្ឋ ព្រមទាំងសាធារណជន ដោយមិនអនុញ្ញាតឲ្យកើតមានព័ត៌មានក្លែងក្លាយ មកបំភ្លៃនោះទេ។
អង្គភាពអ្នកនាំពាក្យរាជរដ្ឋាភិបាល បានបង្ហាញថា កន្លងទៅមន្រ្តីថ្នាក់ក្រោមជាតិមួយចំនួនធំ មានសមត្ថភាពគ្រប់គ្រាន់ ហើយសម្រាប់ឆ្លើយតបបកស្រាយរាល់បញ្ហានានា ដែលកើតមានឡើងនៅតាមអង្គភាពមន្ទីររបស់ពួកគេ។ ក៏ប៉ុន្តែទោះជាយ៉ាងណា អង្គភាពអ្នកនាំពាក្យរាជរដ្ឋាភិបាល នៅតែបន្ត ពង្រឹងចំណេះដឹងសមត្ថភាពបន្ថែម ដល់អ្នកដែលមិនទាន់យល់ដឹង ពីតួនាទីភារកិច្ចជាមន្រ្តីព័ត៌មាន៕
អត្ថបទ៖ សិរីវឌ្ឍនៈ
-
សេដ្ឋកិច្ច១ សប្តាហ៍ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៧ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល