Connect with us

ព័ត៌មានជាតិ

ទំហំពាណិជ្ជកម្មកម្ពុជា ក្នុងត្រីមាសទី១ សរុបជាង ១៣ពាន់លានដុល្លារអាមេរិក

បានផុស

នៅ

ទំហំពាណិជ្ជកម្មរបស់កម្ពុជា បានកើនដល់ ១៣.១៦២ ពាន់លានដុល្លារ នៅក្នុងត្រីមាសដំបូងក្នុងឆ្នាំនេះ ដែលកើនឡើង ៩.១ភាគរយ បើធៀបទៅនឹងរយ: ពេលដូចគ្នានឹងឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គនាយកដ្ឋានគយ និងរដ្ឋាករ នៃក្រសួងសេដ្ឋកិច្ច និងហិរញ្ញវត្ថុ បានបង្ហាញថា កម្ពុជា បាននាំចេញផលិតផលរបស់ខ្លួនដែលមានតម្លៃ ៥.៧១៦ ពាន់លានដុល្លារ ទៅកាន់ទីផ្សារ បរទេស ហើយការនាំចេញនេះ គឺមានការកើនឡើង ២៥.៧ ភាគរយពីមួយឆ្នាំទៅ មួយឆ្នាំ។ បើតាមអគ្គនាយកដ្ឋានគយ និងរដ្ឋាករ នៅអំឡុងពេលដូចគ្នានេះ ការនាំចូលរបស់កម្ពុជា មានការថយចុះចំនួន ០.៩ ភាគរយទៅ ៧.៤៤៥ ពាន់លានដុល្លារ។

ក្នុងនោះ សហរដ្ឋអាមេរិក គឺជាទីផ្សារធំបំផុតរបស់កម្ពុជា សម្រាប់ធ្វើការនាំចេញទំនិញ រហូតដល់ ២.១៥០ ពាន់លានដុល្លារ កើនដល់ ៤៣.៧ ភាគរយ ដែលតាមពីក្រោយ ដោយវៀតណាម ស្មើ ៧៥៨.៨ លានដុល្លារ ថៃ ២៤៨.៥ លានដុល្លារ និងសាធារណរដ្ឋប្រជាមានិតចិន ៣៣៣.៥ ប៊ីលានដុល្លារ។

កម្ពុជា ក៏បាននាំចូលទំនិញ និងសម្ភារ:មិនទាន់សម្រេចពីប្រទេសចិន មានតម្លៃ ២.៥៥១ ពាន់លានដុល្លារអាមេរិក ដែលកើនឡើង ៣០.១ ភាគរយ បើធៀបទៅនឹង ៣ខែដំបូងនៅក្នុងឆ្នាំ ២០២១៕

អត្ថបទ៖ នាង រតនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម