ព័ត៌មានជាតិ
លោក ប៉ែន សុវិជាតិ៖ ប្រេងសាំងបន្តចុះថ្លៃបន្ថែមទៀត ក្រោយថ្ងៃទី ២០ខែមេសា
ប្រេងសាំង នឹងបន្តចុះថ្លៃបន្តិចទៀត នៅក្រោយថ្ងៃទី ២០ ខែមេសា។ នេះបើតាមការបញ្ជាក់របស់លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម។
ថ្លែងប្រាប់កម្ពុជាថ្មី នៅថ្ងៃទី ១៩ ខែ មេសា លោក ប៉ែន សុវិជាតិ បានឱ្យដឹងថា តម្លៃប្រេងសាំងអាចនឹងចុះថ្លៃបន្តិច ដោយផ្អែកលើទីផ្សារអន្តរជាតិចុះតិចតួចដែរ។ លោកបញ្ជាក់ថា បើទីផ្សារប្រេងឥន្ធនៈនៅប្រទេសសិង្ហបុរីចុះថ្លៃ នោះប្រេងលក់រាយនៅកម្ពុជា ក៏ចុះដូចគ្នា ព្រោះកម្ពុជានាំចូលប្រេងពីប្រទេសសិង្ហបុរី។
មន្រ្តីជាន់ខ្ពស់ក្រសួងពាណិជ្ជកម្មបញ្ជាក់យ៉ាងដូច្នេះថា« មកដល់ពេលនេះ តម្លៃនៅលើទីផ្សារអន្តរជាតិ មិនសូវជាមានការប្រែប្រួលខ្លាំងទេ បានន័យថា ចុះដែរ តែមិនសូវមានការចុះខ្លាំងទេ ដូច្នេះមកដល់ពេលនេះ យើងកំពុងគិតគូថ្លៃលក់រាយឡើងវិញ ដោយយើងសង្ឃឹមថា អាចមានការចុះថ្លៃបន្តិច តែមិនច្រើនទេ»។
លោក ប៉ែន សុវិជាតិ បញ្ជាក់ថា រដ្ឋាភិបាលធ្វើយ៉ាងណា មិនឱ្យមានការខ្វះខាតប្រេងក្នុងការប្រើប្រាស់ឡើយ។ ជាក់ស្តែងលោកថា ថ្ងៃពិធីបុណ្យចូលឆ្នាំខ្មែរ មានត្រូវការប្រេងខ្ពស់ ប៉ុន្តែប្រេងមិនខ្វះក្នុងការផ្គត់ផ្គង់នោះទេ។ បច្ចុប្បន្នលោកថា ក្រសួងពាណិជ្ជកម្ម និងក្រសួងសេដ្ឋកិច្ច កំពុងបន្តជជែកពិភាក្សាជាមួយវិស័យឯកជន អំពីវិធានការស្តុកប្រេង តាមអនុសាសន៍របស់សម្តេចតេជោ ហ៊ុន សែន ដើម្បីសម្រួលស្ថានការ នៅពេលប្រេងឡើងថ្លៃ នៅថ្ងៃអនាគត។
សូមបញ្ជាក់ថា ចាប់ពីថ្ងៃទី ១០-២០ ខែមេសា ប្រេងសាំងធម្មតាលក់ក្នុងតម្លៃ ១លីត្រ ៥០៥០រៀល ខណៈម៉ាស៊ូត ៥១០០រៀល។ តម្លៃ នឹងមានការប្រកាសជាថ្មី នៅក្រោយថ្ងៃទី ២០ ខែមេសា៕
អត្ថបទ៖ ទួន សុផល
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល