ព័ត៌មានជាតិ
ឆ្នេរខ្សាច់កោះទន្សាយ នៃខេត្តស្ទឹងត្រែង ក្លាយជាកន្លែងបោះតង់ដ៏ពេញនិយមរបស់ភ្ញៀវទេសចរ
ឆ្នេរខ្សាច់កោះទន្សាយ ស្ថិតក្នុងឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង បានក្លាយជាកន្លែងបោះតង់ និងជាកន្លែងទស្សនាទិដ្ឋភាពប្លែកៗដ៏ពេញនិយមរបស់ភ្ញៀវទេសចរជាតិ និងអន្តរជាតិ មកលេងកម្សាន្តដែលជាទីតាំងរមណីយដ្ឋានទេសចរណ៍មួយនៅតាមបណ្ដោយដងទន្លេមេគង្គលើនៃតំបន់រ៉ាមសារ។
លោក លី មីណា អភិបាលស្រុកនេះ បានបញ្ជាក់ថា សក្តានុពលធម្មជាតិទាំងនេះ បានអំណោយផលល្អទៅលើវិស័យទេសចរណ៍ ហើយអាជ្ញាធរ ស្រុកកំពុងជំរុញឲ្យប្រជាសហគមន៍ យកចិត្តទុកដាក់អនុវត្តទៅតាមគោលការណ៍របស់មន្ទីរទេចរណ៍ ធ្វើយ៉ាងណាយកចិត្តទុកដាក់បម្រើសេវាកម្មទេសចរណ៍ ជូនភ្ញៀវឱ្យពេញចិត្ត ពេលបានមកទស្សនាម្ដងហើយ ឱ្យចង់មកម្ដងទៀត។
លោកអភិបាលស្រុកបន្តថា ជាមួយគ្នានេះប្រជាសហគមន៍ទាំងអស់ត្រូវលើកកម្ពស់សេវាកម្មគ្រប់បែបយ៉ាងសម្រាប់លើកស្ទួយវិស័យទេសចរណ៍ ទាំងវិស័យដឹកជញ្ជូន ការរៀបចំលក់ដូរអាហារមានគុណភាព លក់ក្នុងតំលៃសមរម្យ និងរៀបចំទីតាំងស្នាក់នៅមានបរិស្ថានស្អាត ប្រកបដោយផាសុខភាព។
លោក ស៊ីន សុភា សមាជិកសហគមន៍អេកូទេសចរណណ៍ថា ភ្ញៀវទេសចរទាំងនៅក្នុងស្រុក និងក្រៅស្រុក ដែលនិយមការធ្វើដំណើរកម្សាន្ត មិនគួរមើលរំលងទេ អ្នកទេសចរអាចទទួលបាននូវអារម្មណ៍ថ្មី ម្ហូបរបៀបខ្មែរឡាវទាំងឡាយដែលយើងពុំធ្លាប់បានជួបប្រទះ ។
លោកបន្តថា ឆ្នេរខ្សាច់នេះភ្ញៀវទេសចរមិនត្រឹមតែបោះតង់ទេ អាចជិះទូកមើលព្រៃលិចទឹក កោះតូចធំ តំបន់រ៉ាមសាតាមជិត តាមឆ្ងាយរីករាយជាមួយធម្មជាតិ និងមើលហ្វូងក្អែកទឹក សត្វស្លាបរាប់ ពាន់ក្បាលហើរទុំ តាមដើមឈើ លើកោះមើលសម្រស់ធម្មជាតិ ប្រែពណ៍ទៅតាមរដូវកាល និងមើលព្រះសូរិយារៀបអស្ដង្គតទៀតផង។
សូមបញ្ជាក់ថា៖រមណីយដ្ឋានបុរីអូរស្វាយសែនជ័យភ្ញៀវទេសចរមកលេងកម្សាន្តបានបោះតង់នៅកោះទន្សាយបានទស្សនា សត្វស្លាបនៅតាមដងទន្លេមេគង្គ.ពេលថ្ងៃលិចក៍ដុចថ្ងៃរះ.ទស្សនាព្រៃលិចទឹក មានដើមរំចេង.ក្រែង រាំង ដើមជ្រៃ.និងថ្មប៉ប្រះទឹកពំនូកខ្សាច់សក្បុសដែលជាធនធានសក្តានុពលធម្មជាតិ អំណោយផលទៅលើវិស័យទេសចរណ៍សម្រាប់ទាក់ទាញភ្ញៀវឲ្យមកលេងកម្សាន្តម្តងហើយចង់មកម្តងទៀត៕
អត្ថបទ៖ ងិនលីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង