ព័ត៌មានជាតិ
ចំណីអាហារ ៣ មុខ សាងកេរ្តិ៍ឈ្មោះខេត្តក្រចេះល្បីសុសសាយ
នៅពេលគេនិយាយពីណែម ក្រឡាន ក្រូចថ្លុង គេតែងតែលើកពីខេត្តក្រចេះដែលអាហារទាំង ៣ មុខនេះ ក្លាយជាអត្តសញ្ញាណខេត្តជាប់ដងទន្លេនេះទៅហើយ។
លោក ចាន់ សុគន្ធី ប្រធានមន្ទីរទេសចរណ៍ខេត្តក្រចេះបានប្រាប់កម្ពុជាថ្មីថា ក្រឡានថ្មគ្រែ ណែម និងក្រូចថ្លុងកោះទ្រង់ ជាអត្តសញ្ញាណអាហារដ៏ពិសេសប្រចាំខេត្តក្រចេះ។
ក្រឡានថ្មគ្រែមានភាពល្បីល្បាញ ដោយសារមានរូបមន្តពិសេសតពីដូនតា។ ក្រឡានថ្មគ្រែជាមុខរបរធ្វើតពីមួយជំនាន់ទៅមួយជំនាន់ ដែលប្រើបច្ចេកទេសពិសេសដុតដោយដៃបង្កើតរសជាតិខុសពីតំបន់ដទៃ ហើយមានរសជាតិដូចជាស្នូរត្រាវ ស្នូរខ្នុរ និងរសជាតិខ្ទិះឆ្ងាញ់ពិសេស។
ដោយឡែកក្រូចថ្លុងកោះទ្រង់ ក៏អាហារសំខាន់ប្រចាំខេត្តក្រចេះ រហូតដល់ក្រសួងពាណិជ្ជកម្មចុះបញ្ជីសម្គាល់ភូមិសាស្ត្រ។
ក្រូចថ្លុងកោះទ្រង់ល្បីដោយសាររសជាតិផ្អែម អត់ហាវមានសាច់ណែនល្អ ហើយដែលមានការដាំដុះច្រើនលើទឹកដីកោះទ្រង់លើផ្ទៃដីរាប់សិបហិតា។
ក្រៅពីក្រឡាន និងក្រូចថ្លុង ខេត្តក្រចេះក៏ល្បីណែមដ៏ឆ្ងាញ់ផងដែរ។ លោកប្រធានមន្ទីរទេសចរណ៍ខេត្តក្រចេះបានឲ្យដឹងថា ភូមិសាស្រ្តខេត្តក្រចេះជាប់ដងទន្លេសំបូរត្រី ហើយត្រីដែលធ្វើណែមគឺត្រីឆ្លាត។ គួបផ្សំការវេចខ្ចប់ដោយប្រើប្រាស់វត្ថុធាតុក្នុងស្រុក ធ្វើឲ្យរសជាតិណែមខេត្តក្រចេះមានរសជាតិឆ្ងាញ់។
លោកប្រធានមន្ទីរបានឲ្យដឹងថា ណែម ក្រឡាន ក្រូចថ្លង់កោះទ្រង់ ជាផលិតផលយុទ្ធសាស្រ្តរបស់ខេត្តក្រចេះដែលតែងតែនាំទៅចូលរួមតាំងពិពណ៍នានា។
ក្រៅពីចំណីអាហារទាំង ៣ នេះ បើតាមប្រធានមន្ទីរទេសចរណ៍ខេត្តក្រចេះ នៅតាមសហគមន៍ទេសចរនានាទូទាំងខេត្ត ក៏មានម្ហូបប្រចាំតំបន់ពិសេសសម្រាប់ភ្ញៀវទេសចរ៕
អត្ថបទ៖ ប៊ុណ្ណារ៉ា
-
សន្តិសុខសង្គម៩ ម៉ោង ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ៣ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ជីវិតកម្សាន្ដ១ សប្តាហ៍ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ៤ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ២ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានជាតិ១៤ ម៉ោង ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ព័ត៌មានជាតិ៥ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
ជីវិតកម្សាន្ដ៣ ថ្ងៃ ago
ករុណា ពេជ្រ ហួសចិត្តអ្នក Troll សើចចំអក សេះសមុទ្រ បាញ់ទឹក នៅខេត្តកំពត