Connect with us

ព័ត៌មានជាតិ

ស្វែងរកឃើញហើយ អ្នកឈ្នះរង្វាន់ធំៗពីកម្មវិធីចាប់រង្វាន់របស់ ធនាគារ អ៊ូរី

បានផុស

នៅ

ធនាគារ អ៊ូរី សូមអបអរសាទរដល់អ្នកឈ្នះរង្វាន់ទាំង ៣១៨ រូប ក្នុងកម្មវិធីចាប់រង្វាន់របស់ ធនាគារ អ៊ូរី ដែលបានស្វែងរកឃើញពីការចាប់រង្វាន់ក្នុងកម្មវិធី “Woori Talks, We Talk” កាលពី​ថ្ងៃទី ​២៥ ខែមេសា ឆ្នាំ​ ២០២២ នៅលើ​គេហទំព័រ​ហ្វេ​ស​ប៊ុ​ករ​បស់ ធនាគារ អ៊ូ​រី (​ខេ​ម​បូ​ឌា​) ដែល​ប្រារព្ធ​ឡើង​ដើម្បី​អបអរ​ការវិវត្តន៍​ខ្លួន​ជា​ផ្លូវការ​ជា​ធនាគារពាណិជ្ជ​។

​រង្វាន់​ទាំងអស់​រួមមាន រថយន្ត​ SsangYong Tivoli ឆ្នាំ​ 2022 ម៉ូតូ​ស៊េ​រី​ថ្មី ទូរ​ស័ព្ទ IPhone 13 ទូរទស្សន៍ Smart TV ប័ណ្ណ​ចាក់​សាំង កាត​ទូរស័ព្ទ Smart សម្រាប់​ប្រើប្រាស់​រយៈពេល​មួយឆ្នាំ និង​រង្វាន់​ជា​សាច់ប្រាក់ សរុប​ចំនួន ៣១៨ រង្វាន់​គិត​ជា​ទឹកប្រាក់​ស្មើនឹង​ជាង ៧ ម៉ឺន​ដុល្លារ​អាមេរិក​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្នុងថ្ងៃនេះ​ផ្ទាល់ ធនាគារ អ៊ូ​រី មាន​សេចក្ដីសោមនស្ស​រីករាយ​ជាទីបំផុត​ ដែល​បានប្រគល់​រង្វាន់​ទៅកាន់​ម្ចាស់​រង្វាន់​ធំ និង​បាន​ប្រារព្ធ​កម្មវិធី​ប្រគល់​រង្វាន់​នេះ​ ដើម្បី​អបអរសាទរ​ជូន​ម្ចាស់​រង្វាន់​ទាំងអស់គ្នា​ផងដែរ ជាពិសេស​ក៏​ជា​ឱកាស​សម្រាប់​ថ្នាក់ដឹកនាំ​ធនាគារ អ៊ូ​រី បាន​ជួប​សំណេះសំណាល​ដោយផ្ទាល់​ជាមួយនឹង​ម្ចាស់​រង្វាន់ និង​អតិថិជន​ដទៃទៀត​។

“​កម្មវិធី​ចាប់​រង្វាន់​នេះ​ គឺជា​ការរំលឹក​ដល់​ការវិវត្តន៍​ខ្លួន​ជា​ផ្លូវការ​ជា​ធនាគារពាណិជ្ជ​ក្រោម​ឈ្មោះថា ធនាគារ អ៊ូ​រី កាលពី​ថ្ងៃទី ​០៣ ខែមករា ឆ្នាំ​ ២០២២ នឹង​ជា​ថ្ងៃ​ដែល​យើង​បង្ហាញ​អំពី​ការថ្លែងអំណរគុណ​យ៉ាង​ជ្រាលជ្រៅ ដល់​អតិថិជន និង​សាធារណជន​ជាច្រើន​ដែល​បាន​ប្រើប្រាស់​សេវាកម្ម​ហិរញ្ញវត្ថុ​របស់​ធនាគារ អ៊ូ​រី ក្នុង​រយៈពេល ៣០ ឆ្នាំ​កន្លងមកនេះ​។​ ឆ្លៀត​ក្នុងឱកាស​នេះ យើងខ្ញុំ​សូម​ថ្លែងអំណរគុណ​ចំពោះ​អតិថិជន​របស់​យើង​ចំពោះ​ការគាំទ្រ និង​ការជឿជាក់​ឥត​ងាករេ​របស់​លោកអ្នក​។ សូម​ចូលរួម​អបអរសាទរ​ចំពោះ​អ្នកឈ្នះ​រង្វាន់ ទាំង​អស់ពី​កម្មវិធី​ចាប់​រង្វាន់​របស់ ធនាគារ អ៊ូ​រី ។ ធនាគារ អ៊ូ​រីនឹង​បន្ត​ផ្តល់​សេវាកម្ម និង​ផលិតផល​កាន់តែ​ប្រសើរ​ដល់​អតិថិជន​” ប្រសាសន៍​របស់លោក គីម ហុង ជូ អគ្គនាយក​ប្រតិបត្តិ​នៃ ធនាគារ អ៊ូ​រី​។

​ធនាគារ អ៊ូ​រី នឹង​បន្ត​ការផ្តល់ជូន​ពិសេសៗ​ជាច្រើន​ទៀត សម្រាប់​អតិថិជន និង​សាធារណជន ជាពិសេស​ធនាគារ អ៊ូ​រី នឹង​បន្ត​ការបំរើ​សេវា​ហិរញ្ញវត្ថុ​ដោយ​សម្បូរបែប រហ័ស ងាយស្រួល និង​ទំនុកចិត្ត​ជូន​ដល់​លោកអ្នក​។

​សម្រាប់​ព័ត៌មាន​បន្ថែម សូម​ទំនាក់ទំនង​មកកាន់​លេខ 023 963 333 / 081 331 333. ឬ​លោកអ្នក​ចូលទៅ​កាន់​គេហទំព័រ​ហ្វេ​ស​ប៊ុ​ក​ផ្លូវការ www.facebook.com/wooribankkh ឬ​គេហទំព័រ​របស់​ធនាគា​រ អ៊ូ​រី www.wooribank.com.kh ។

​ធនាគារ អ៊ូ​រី គឺជា​ធនាគារពាណិជ្ជ​ឈានមុខ​គេ​មួយ​នៅក្នុង​ប្រទេស​កម្ពុជា ដែលមាន​ប្រតិបត្តិការ​តាមរយៈ​បណ្តាញ​សាខា​ចំនួន ១៣៨ នៅ​ទូទាំងប្រទេស ជាមួយនឹង​បុគ្គលិក​ដែលមាន​បទពិសោធន៍​ជាង ៤,០០០ នាក់​។ គិត​ត្រឹម​ថ្ងៃទី​ ៣១ ខែមីនា ឆ្នាំ​ ២០២២ ធនាគារ អ៊ូ​រី សម្រេចបាន​ទ្រព្យសកម្ម​សរុប​ចំនួន ១.២ ពាន់​លាន​ដុល្លារ​អាមេរិក ផលប័ត្រ​ឥណទាន​ចំនួន ១ ពាន់​លាន​ដុល្លារ​អាមេរិក សមតុល្យ​ប្រាក់​បញ្ញើ​-​សន្សំ​ចំនួន ២៧៣ លាន​ដុល្លារ និង​អតិថិជន​ជាង ៣៥៣,០០០ នាក់​៕​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៣ នាទី មុន

សេចក្ដីជូនដំណឹងស្ដីពីការដេញថ្លៃការផ្គត់ផ្គង់ប្រេងឥន្ធនៈ និងប្រេងរំអិល គ្រឿងសង្ហារិម និងសំលៀកបំពាក់ការពារសុវត្ថិភាព ជូនមន្ទីរពេទ្យព្រះអង្គឌួង ឆ្នាំ ២០២៣

កីឡា១៤ នាទី មុន

លោក​បណ្ឌិត អាំង សិរី​ពិសិដ្ឋ​៖ ​Slamball ​ជា​ពាន​មួយ ​ជំរុញ​ការ​វិវឌ្ឍ​ថ្មី​នៃ​វិស័យ​បាល់ទះ​កម្ពុជា​

សន្តិសុខសង្គម២៩ នាទី មុន

Update៖ អ្នករងរបួសក្នុងហេតុការណ៍អគ្គិភ័យនៅខណ្ឌទួល​គោកកាលពីម្សិលមិញបានស្លាប់ហើយនៅព្រឹកថ្ងៃទី១ កុម្ភៈ នេះ

សេដ្ឋកិច្ច៤០ នាទី មុន

IMF ព្យាករណ៍កំណើនសេដ្ឋកិច្ចពិភពលោកឆ្នាំ ២០២៣ ខណៈ ចិន ងើបខ្លាំង​ជាង អាមេរិក ជាង ៣ ភាគរយ

ព័ត៌មានជាតិ៤៤ នាទី មុន

បុណ្យទន្លេនៅកំពង់ធំរៀបចំឡើងក្រោមប្រធានបទ “ទន្លេរបស់យើង ដើម្បីបច្ចុប្បន្ន និងអនាគត”​

Sokha Hotels

ព័ត៌មានពេញនិយម