ព័ត៌មានជាតិ
លោក សាយ សំអាល់ ៖ ឧទ្យានជាតិកែប គឺជាបំណែកនៃការផ្សារភ្ជាប់រវាងតំបន់អភិរក្សធម្មជាតិ ជាមួយនឹងទីក្រុងកែប
រដ្ឋមន្ត្រីក្រសួងបរិស្ថាន លោក សាយ សំអាល់ បានថ្លែងថា ឧទ្យានជាតិកែប នឹងប្រែក្លាយជាជីវិតថ្មីដ៏ស្រស់ត្រកាល សម្រាប់ប្រជាពលរដ្ឋដែលរស់នៅខេត្តកែប ក៏ដូចជាភ្ញៀវទេសចរដែលមកកម្សាន្តនៅក្នុងខេត្តជាប់មាត់សមុទ្រមួយនេះ។ លោករដ្ឋមន្ត្រី បានថ្លែងបែបនេះ ក្នុងវេទិកាកេសរកូលជាតិ លើកទី២ នៅថ្ងៃទី ១១ ខែឧសភា ឆ្នាំ ២០២២ នៅអគារខេមរានី រាជធានីភ្នំពេញ។
លោក សាយ សំអាល់ បានឲ្យដឹងបន្តថា ឧទ្យានជាតិកែប គឺជាបំណែកនៃការផ្សារភ្ជាប់រវាងតំបន់អភិរក្សធម្មជាតិ ជាមួយនឹងទីក្រុងកែប ដែលមានសក្តានុពលទេសចរណ៍តំបន់ឆ្នេរសមុទ្រ និងជាតំបន់លំហែកាយដ៏ពេញនិយម របស់ភ្ញៀវទេសចរជាតិ និងអន្តរជាតិ។
បើតាមលោករដ្ឋមន្ត្រី ក្រសួងបរិស្ថាន ក៏នឹងត្រៀមរៀបចំឲ្យកាន់តែប្រសើរឡើងនៅតាម ឧទ្យានជាតិមួយចំនួនទៀត ដូច ជា៖ តំបន់ស្ទឹងពពក រមណីយដ្ឋានធម្មជាតិគិរីរម្យ និងរមណីយដ្ឋានធម្មជាតិភ្នំគូលេន ឲ្យស្របតាមបទដ្ឋានបច្ចេកទេស ដើម្បីបង្កភាពងាយស្រួល និងបង្កើនភាពទាក់ទាញ សម្រាប់ភ្ញៀវទេសចរធ្វើដំណើរកម្សាន្តកាន់តែច្រើន ព្រមទាំងធានាបានភាពគង់វង្សយូរអង្វែងដល់ការអភិរក្សធនធានធម្មជាតិ និងជីវៈចម្រុះនៅកម្ពុជា ផងដែរ។
សូមជម្រាបថា ក្រសួងបរិស្ថាន មានការងារស្នូលដ៏សំខាន់ក្នុងការធានាការ គ្រប់គ្រង និងអភិរក្សជីវៈចម្រុះ ប្រកបដោយ ចីរភាពនៅកម្ពុជា ដែលរហូតមកដល់ពេលនេះ មានទីតាំងអភិរក្សជីវៈចម្រុះចំនួន ៧៤ រួមមាន៖ ឧទ្យានជាតិ ដែនជម្រកសត្វព្រៃ និងតំបន់ការពារទេសភាព ជាដើម៕
អត្ថបទ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង