ព័ត៌មានជាតិ
លោក ម៉ម សូណង់ដូ ថា ការបោះឆ្នោតប្រព្រឹត្តទៅក្នុងទិដ្ឋភាពដ៏ឱឡារិក និងប្រកបទៅដោយភាពស្ងប់ស្ងាត់ គួរឲ្យកត់សម្គាល់
ប្រធានគណបក្សសំបុកឃ្មុំសង្គមប្រជាធិបតេយ្យ លោក ម៉ម សូណង់ដូ បានអះអាងថា ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ កាលពីថ្ងៃទី០៥ ខែមិថុនា ឆ្នាំ២០២២ កន្លងទៅនេះ បានប្រព្រឹត្តទៅក្នុងទិដ្ឋភាពដ៏ឱឡារិក និងប្រកបទៅដោយភាពស្ងប់ស្ងាត់យ៉ាងគួរឲ្យកត់សម្គាល់ ទោះបីជាមានលទ្ធផលក្នុងរូបភាពណាក៏ដោយ។
គណបក្សសំបុកឃ្មុំសង្គមប្រជាធិបតេយ្យ ក៏ដូចជាគណបក្សនយោបាយស្របច្បាប់ចំនួន១៦ដទៃទៀតដែលបានចូលរួមប្រកួតប្រជែងនាឱកាសបោះឆ្នោតនេះ ដែលជាការឆ្លើយតបសមស្របទៅនឹងការកំណត់ក្នុងមាត្រា១ នៃរដ្ឋធម្មនុញ្ញដែលចែងថា៖ ប្រទេសកម្ពុជា ជាព្រះរាជាណាចក្រដែលមានព្រះមហាក្សត្រទ្រង់ប្រតិបត្តិតាមរដ្ឋធម្មនុញ្ញ និងតាមលទ្ធិប្រជាធិបតេយ្យ សេរីពហុបក្ស។ ជាពិសេស គឺការចូលរួមរបស់ប្រជាពលរដ្ឋខ្មែរយ៉ាងច្រើនកុះកររហូតដល់ទៅជាង៧,១ លាននាក់ ស្មើនឹង ៧៧,៩១ ភាគរយ នៃចំនួនអ្នកដែលមានឈ្មោះក្នុងបញ្ជីបោះឆ្នោតជាង៩,២ លាននាក់។
បើតាមលោក ម៉ម សូណង់ដូ ទាំងនេះសបញ្ជាក់ឲ្យឃើញថា លទ្ធិប្រជាធិបតេយ្យ សេរី ពហុបក្សនៅកម្ពុជាកំពុងវិវឌ្ឍន៍ទៅជាលំដាប់លំដោយជាលក្ខណ:វិជ្ជាមាន ហើយដូចមានសក្ខីភាពបញ្ជាក់បន្ថែមពីសំណាក់ក្រុមអ្នកសង្កេតការណ៍ជាតិ និងអន្តរជាតិ ព្រមទាំងស្ថាប័ន អង្គការសហគមអន្តរជាតិនានាចំនួនប្រមាណជាង៩០ ដែលបានអះអាងនៅក្នុងសន្និសិទសារពត៌មានកាលពីព្រឹកថ្ងៃទី០៦ ខែមិថុនា ឆ្នាំ២០២២ ថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នៅក្នុងព្រះរាជាណាចក្រកម្ពុជា កាលពីថ្ងៃទី៥ ខែមិថុនា ឆ្នាំ២០២២កន្លងទៅ មាន ដំណើរការយ៉ាងល្អត្រឹមត្រូវ សេរី មានតម្លាភាព និងយុត្តិធម៌”។
គណបក្សសំបុកឃ្មុំសង្គមប្រជាធិបតេយ្យមានមោទនភាព និងមានកិត្តិយសខ្ពស់ ដោយបានចូលរួមក្នុងវិធីសាស្ត្រនៃយុទ្ធនាការបោះឆ្នោត គិតចាប់តាំងពីពេលចាប់ផ្តើមរហូតដល់ទីបញ្ចប់ ដែលបានប្រព្រឹត្តទៅយ៉ាងរលូនជាមួយនឹងបរិយានកាសរីករាយ និងស្ងៀមស្ងាត់ ។ ស្មារតីសន្តិភាពបានជ្រួតជ្រាបក្នុងគ្រប់ស្រទាប់ប្រជាពលរដ្ឋខ្មែរជាទូទៅ ដែលបង្ហាញឲ្យឃើញយ៉ាងប្រត្សក្រនៅក្នុងការចូលរួមយ៉ាងសន្ធឹកសន្ធាប់នាឱកាសនៃការបោះឆ្នោតកន្លងមកនេះ ។
គណបក្សសំបុកឃ្មុំសង្គមប្រជាធិបតេយ្យប្រាថ្នាចង់ឃើញការវិវត្តន៍ទៅជាវិជ្ជមាននេះនៃលទ្ធិប្រជាធិបតេយ្យ សេរី ពហុបក្ស ឆ្ពោះទៅរកភាពរុងរឿងនាអនាគតកាល ៕
អត្ថបទ៖ កោះកែវ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore