ព័ត៌មានជាតិ
ការស្វែងរកអចលនទ្រព្យដ៏ល្អប្រណីតបំផុតរបស់ព្រះរាជាណាចក្រ នៅតែប្រព្រឹត្តទៅជាបន្តជាមួយកម្មវិធីប្រគល់ពានរង្វាន់អចលនទ្រព្យកម្ពុជា PropertyGuru លើកទី ៧
ពិធីជប់លៀងនិងពិសាភោជនាហារផ្លូវការពេលល្ងាចដ៏អស្ចារ្យនឹងប្រារព្ធឡើងនៅថ្ងៃទី ២៦ ខែសីហា ឆ្នាំ ២០២២ ខាងមុខនេះ នៅសណ្ឋាគារ សូហ្វីតែល ភ្នំពេញ ភូគីត្រា ព្រមជាមួយនឹងផ្សាយបន្តផ្ទាល់តាមរយៈគេហទំព័រ AsiaPropertyAwards.com និងដៃគូបណ្តាញផ្សព្វផ្សាយ។ ការទទួលឈ្មោះអ្នកចូលរួមប្រកួតក្នុងកម្មវិធីពានរង្វាន់នឹងបើកជាសាធារណ រហូតដល់ថ្ងៃទី ៨ ខែកក្កដា ឆ្នាំ ២០២២ ភ្នំពេញ ប្រទេសកម្ពុជា។
កម្មវិធីពានរង្វាន់អចលនទ្រព្យកម្ពុជា PropertyGuru Group (NYSE: PGRU) ដែលជាក្រុមហ៊ុនបច្ចេកវិទ្យាអចលនទ្រព្យឈានមុខគេមួយនៅអាស៊ីអាគ្នេយ៍ បានបន្តបើកទទួលពាក្យចូលរួមក្នុងកម្មវិធីពានរង្វាន់លើកទីប្រាំពីររបស់ខ្លួននៅកម្ពុជា។
គណៈកម្មាការរៀបចំកម្មវិធីពានរង្វាន់អចលនទ្រព្យកម្ពុជា PropertyGuru ប្រចាំឆ្នាំលើកទី ៧ នៅតែមានសុទិដ្ឋិនិយមអំពីទស្សនវិស័យចំពោះការស្ទុះងើបឡើងវិញនូវសេដ្ឋកិច្ច ដោយពួកគេមានបំណងលើកស្ទួយក្រុមអ្នកអភិវឌ្ឍអចលនទ្រព្យលំដាប់ខ្ពស់ និងគម្រោងគំរូនានា ដើម្បីទទួលបានពានរង្វាន់ទាំងនៅថ្នាក់ជាតិ និងតំបន់។ កម្មវិធីពានរង្វាន់អចលនទ្រព្យកម្ពុជានេះនឹងវិលត្រឡប់មកសាជាថ្មីម្តងទៀតនៅឆ្នាំ ២០២២ ក្នុងឱកាសនៃពិធីជប់លៀងនិងពិសារភោជនាហារផ្លូវការពេលល្ងាចដ៏អស្ចារ្យដែលប្រព្រឹត្តទៅដោយការចូលរួមដោយផ្ទាល់ ប្រកបដោយសុវត្ថិភាព និងវិសេសវិសាលបំផុត នៅសណ្ឋាគារ សូហ្វីតែលភ្នំពេញ ភូគីត្រា នាថ្ងៃសុក្រ ទី ២៦ ខែសីហា ខាងមុខនេះ។
កាលបរិច្ឆេទសំខាន់ៗសម្រាប់កម្មវិធីប្រចាំឆ្នាំ ២០២២ រួមមាន៖
ថ្ងៃទី ៨ ខែកក្កដា ឆ្នាំ ២០២២ – បិទឈប់ទទួលការចុះឈ្មោះ
ថ្ងៃទី ២៥ ខែកក្កដា ដល់ថ្ងៃទី ៤ ខែសីហា ឆ្នាំ ២០២២ – ការចុះត្រួតពិនិត្យដល់កន្លែងផ្ទាល់ថ្ងៃទី ៥ ខែសីហា ឆ្នាំ ២០២២ – ការវិនិច្ឆ័យចុងក្រោយថ្ងៃទី ២៦ ខែសីហា ឆ្នាំ ២០២២ – ពិធីប្រគល់រង្វាន់ និងពិធីជប់លៀង និងពិសាភោជនាហារពេលល្ងាច នៅរាជធានីភ្នំពេញ
ថ្ងៃទី ៩ ខែធ្នូ ឆ្នាំ ២០២២ ព្រឹត្តិការណ៍ជប់លៀងនិងពិសាភោជនាហារផ្លូវការវគ្គផ្ដាច់ព្រ័ត្រប្រចាំតំបន់ នៅទីក្រុងបាងកក ប្រទេសថៃ។
ការបញ្ជូនឈ្មោះតំណាងពីសាធារណជន និងការចុះឈ្មោះជាផ្លូវការពីក្រុមហ៊ុន និងគម្រោងដែលមានសិទ្ធិ ត្រូវបានទទួលតាមរយៈគេទំព័រនេះ៖ AsiaPropertyAwards.com/nominations
បើយោងតាមក្រុមអ្នកវិភាគឈានមុខគេ បានឱ្យដឹងថា ទំនោររបស់អតិថិជនក្នុងស្រុកកំពុងជំរុញចលករដល់សកម្មភាពអចលនទ្រព្យជាច្រើន ខណៈដែលអត្រាការចាក់វ៉ាក់សាំងមានការកើនឡើងយ៉ាងខ្ពស់នៅទូទាំងប្រទេសកម្ពុជា។
លោក ស៊ន សៀប អនុប្រធានប្រតិបត្តិសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) និងជាប្រធានគណៈកម្មការចៅក្រមឯករាជ្យនៃកម្មវិធីពានរង្វាន់អចលនទ្រព្យកម្ពុជា PropertyGuru បានមានប្រសាសន៍ថា៖ «ចាប់តាំងពីប្រទេសកម្ពុជាបានបើកដំណើរការប្រទេសឡើងវិញកាលពីខែវិច្ឆិកានៃឆ្នាំកន្លងទៅ សេដ្ឋកិច្ចរបស់ប្រទេសបាននឹងកំពុងស្ទុះងើបឡើងវិញបន្តិចម្តងៗ ដោយសារតែប្រសិទ្ធភាពនៃគោលនយោបាយរបស់រាជរដ្ឋាភិបាល ក្នុងការគ្រប់គ្រងជំងឺរាតត្បាតកូវីដ ១៩។ ដូចគ្នាដែរវិស័យអចលនទ្រព្យ ក៏មានការរីកចម្រើនជាបណ្តើរៗផងដែរ បើទោះបីជាមិនទាន់ឈានដល់កម្រិតដូចមុនពេលកើតមានជំងឺកូវីដក៏ដោយ។ ក្នុងចំណោមលំនៅឋានជាច្រើនប្រភេទនៅលើទីផ្សារ គេសង្កេតឃើញថា បុរីមានកំណើនតម្រូវការលឿនបំផុត ដោយសារតែសន្ទុះនៃតម្រូវការយ៉ាងខ្លាំងពីសំណាក់អតិថិជនក្នុងស្រុក។ បុរី គឺជាទ្រព្យសកម្មដែលងាយលក់ដូរ ដែលជាហេតុធ្វើឱ្យវាមានប្រជាប្រិយភាពក្នុងចំណោមប្រជាជនខ្មែរ មិនត្រឹមតែសម្រាប់ការរស់នៅប៉ុណ្ណោះទេ ហើយថែមទាំងអាចដាក់លក់ និងជួលរកប្រាក់ចំណេញផងដែរ»។
លោកបានបន្ថែមថា៖ «ថ្មីៗនេះ ក្រុមអ្នកអភិវឌ្ឍជាច្រើនបានបង្វែរទិសដៅវិនិយោគរបស់ពួកគេពីការអភិវឌ្ឍខុនដូទៅជាបុរីវិញ។ ហេតុផល គឺដើម្បីបង្វែរតម្រូវការពីអ្នកទិញបរទេសមកអ្នកទិញក្នុងស្រុក ដែលបច្ចុប្បន្នមានអំណាចទិញកាន់តែច្រើនឡើងៗ។ ឥឡូវនេះ ទីផ្សារពឹងផ្អែកយ៉ាងខ្លាំងលើតម្រូវការក្នុងស្រុក។ ដូច្នេះហើយ ការបង្វែរទិសដៅគម្រោងអភិវឌ្ឍថ្មីដើម្បីបំពេញតាមចំណង់ចំណូលចិត្តរបស់អ្នកទិញក្នុងស្រុក គឺជាការសម្រេចចិត្តដ៏ឈ្លាសវៃ។ យ៉ាងណាមិញ ខុនដូ គឺស័ក្តិសមនឹងអ្នកធ្វើការវ័យក្មេងដែលចង់បញ្ចៀសការកកស្ទះចរាចរណ៍ក្នុងការធ្វើដំណើរទៅមក ក្នុងទីក្រុងភ្នំពេញ។ លោក ស៊ន បានមានប្រសាសន៍ថា “ដើម្បីកំណត់គោលដៅប្រជាសាស្ត្រនេះ ក្រុមអ្នកអភិវឌ្ឍមួយចំនួនកំពុងទាញយកប្រយោជន៍ពីការទម្លាក់តម្លៃ និងលក្ខខណ្ឌទូទាត់ដែលមានភាពបត់បែន ដើម្បីរក្សាតម្លៃគម្រោងក្នុងកម្រិតសមរម្យ និងមានភាពទាក់ទាញគួរជាទីចង់បាន» ។
នៅឆ្នាំនេះ កម្មវិធីនឹងផ្តល់ពានរង្វាន់សម្រាប់អ្នកអភិវឌ្ឍ ការអភិវឌ្ឍ និងការរចនាប្លង់ល្អបំផុត រួមជាមួយនឹងការទទួលស្គាល់ពិសេស។ មិនតែប៉ុននោះ អ្នកអភិវឌ្ឍក៏អាចចូលរួមការប្រកួតប្រជែងក្នុងកម្មវិធីអភិវឌ្ឍលំនៅឋានឆ្នេរសមុទ្រល្អបំផុតថ្មីស្រឡាង ដែលមានរាយបញ្ជីសង្ខេបខុនដូ អាផាតមិន លំនៅដ្ឋាន និងផ្ទះវីឡាល្អបំផុតនៅក្នុងតំបន់សក្តានុពលនៃក្រុងព្រះសីហនុ និងកំពត។
កម្មវិធីប្រគល់ពានរង្វាន់អចលនទ្រព្យកម្ពុជា PropertyGuru លើកទី ៧ នឹងប្រព្រឹត្តទៅស្របតាមវិធានការ សុខភាព និងសុវត្ថិភាព ដូចជាការត្រួតពិនិត្យបណ្ណចាក់វ៉ាក់សាំង ការស្កែន QR ការថតវាស់កម្តៅ ការអនុវត្តអនាម័យដៃ ការរក្សាគម្លាតសុវត្ថិភាព និងការបាញ់សម្លាប់មេរោគជាប្រចាំ។
ម្ចាស់ជយលាភីពានរង្វាន់អចលនទ្រព្យកម្ពុជា PropertyGuru លើកទី ៧ នឹងមានសិទ្ធិចូលរួមការប្រកួតប្រជែងដណ្តើមពានរង្វាន់កិត្តិយស “ល្អបំផុតប្រចាំអាស៊ី” ក្នុងកម្មវិធីពានរង្វាន់អចលនទ្រព្យអាស៊ី PropertyGuru វគ្គផ្តាច់ព្រ័ត្រលើកទី ១៧ ដែលនឹងរៀបចំជាម្ចាស់ផ្ទះនៅទីក្រុងបាងកក ប្រទេសថៃ នៅថ្ងៃទី ៩ ខែធ្នូ។ បេក្ខភាពដែលជាប់វគ្គផ្តាច់ព្រ័ត្រនឹងដើរតាមគន្លងជោគជ័យរបស់ Urbanland ដែលបានឈ្នះពានរង្វាន់អ្នកអភិវឌ្ឍល្អបំផុតកាលពីឆ្នាំមុននៅឯកម្មវិធីពានរង្វាន់អចលនទ្រព្យកម្ពុជា PropertyGuru លើកទី ៦ ។ ក្រុមហ៊ុននេះបានបន្តធ្វើជាតំណាងរបស់កម្ពុជានៅក្នុងការប្រកួតលើពានរង្វាន់ ចំនួនបួនប្រភេទក្នុងកម្មវិធីពានរង្វាន់អចលនទ្រព្យអាស៊ី PropertyGuru វគ្គផ្តាច់ព្រ័ត្រ លើកទី ១៦។
កញ្ញា កឹម ស៊ីថេន នាយិកាផ្នែកលក់នៃក្រុមហ៊ុនអឺបេនលែនបានឲ្យដឹងថា៖ «យើងខ្ញុំពិតជាមានកិត្តិយសក្រៃលែងដែលបានទទួលនូវពានរង្វាន់ដល់ទៅ ៧ សម្រាប់គម្រោងអភិវឌ្ឍន៍លំនៅឋានដំបូងបង្អស់របស់ក្រុមហ៊ុនអឺបេនលែន (Urbanland) យើងខ្ញុំគឺគម្រោង បុរីចន្ទគីរី។ ទស្សន:វិស័យរបស់យើងខ្ញុំ គឺចង់ធ្វើឲ្យជីវិតរស់នៅរបស់អ្នករស់នៅកាន់តែប្រសើរជាងមុនចាប់ផ្តើមពី ទីកន្លែងមួយ និងសហគមន៍មួយ ហើយយើងខ្ញុំក៏ប្តេជ្ញាថានឹងចូលរួមលើកតម្កើងស្តង់ដារក្នុងវិស័យអចលនទ្រព្យនៅក្នុងប្រទេសកម្ពុជាឲ្យកាន់តែប្រសើរបន្តទៅទៀត ជាពិសេសផ្តោតទៅលើ គុណភាព ភាពធន់ និងការរចនា ដែលមានស្តែងតាមគម្រោងនានាដែលយើងខ្ញុំបានអភិវឌ្ឍ និងរចនាកន្លងមក»។
ក្រុមអ្នកអភិវឌ្ឍ និងគម្រោងល្អបំផុត និងរឹងមាំបំផុតរបស់ប្រទេស បានទទួលងារដ៏មានកិត្យានុភាពសរុបចំនួន ១៩ នៅក្នុងកម្មវិធីពានរង្វាន់អចលនទ្រព្យកម្ពុជា PropertyGuru លើកទី ៦ រួមទាំងពានរង្វាន់បុគ្គលិកលក្ខណៈឆ្នើមផ្នែកអចលនទ្រព្យកម្ពុជាប្រចាំឆ្នាំផងដែរ។ ពានរង្វាន់ត្រូវបានប្រគល់ជូនលោកស្រី ច័ន្ទ ខេធើរីន ដែលជានាយិកាក្រុមហ៊ុន Goldfame Group និងជាស្ថាបនិក និងនាយិកាប្រតិបត្តិ Urban Village & Factory Phnom Penh ជាស្ត្រីដំបូងគេបង្អស់ដែលបានទទួលងារនេះ។
ពានរង្វាន់អចលនទ្រព្យកម្ពុជា PropertyGuru ក្នុងវគ្គ edition កាលពីឆ្នាំមុន បានប្រព្រឹត្តទៅតាមរយៈប្រព័ន្ធអនឡាញលើកដំបូងបង្អស់របស់កម្មវិធី ដែលចាក់ផ្សាយនៅលើគេហទំព័រ AsiaPropertyAwards.com និងវេទិកាឌីជីថលជាច្រើន រួមជាមួយនឹងការចាក់ផ្សាយឈុតពិសេសៗនៅលើបណ្តាញ History Channel ។ នៅឆ្នាំ ២០២១ កម្មវិធីពិសាភោជនាហារប្រគល់ពានរង្វាន់អចលនទ្រព្យអាស៊ី PropertyGuru ត្រូវបានប្រារព្ធធ្វើឡើងជាបន្តបន្ទាប់តាមប្រព័ន្ធអនឡាញ រាប់បញ្ចូលទាំងពានរង្វាន់នៅក្នុងប្រទេសកម្ពុជាកាលពីខែវិច្ឆិកាក្នុងឆ្នាំកន្លងទៅ ដែលមានចំនួនអ្នកចូលទស្សនា រួមទាំងអ្នកវិនិយោគអចលនទ្រព្យផងដែរ ជាង ៤៣៧,០០០ដង ក្នុងរយៈពេលត្រឹមតែ ២ ខែ នៅទូទាំងពិភពលោក។
សម្រាប់ព័ត៌មានបន្ថែម សូមផ្ញើអ៉ីម៉ែលមកកាន់ awards@prope rtyguru.com ឬចូលទៅកាន់គេហទំព័រផ្លូវការគឺ AsiaPropertyAwa rds.com៕
លោក តាន់ ហ្សង់ហ្វ្រង់ស័រ៖ ដោះស្រាយបញ្ហាព្រំដែន ត្រូវការតែអ្នកជំនាញមុតស្រួច មិនត្រូវការអ្នកជាតិនិយម អ្នកនយោបាយឡើយ
អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ
អភិបាលខេត្តកំពង់ចាម ចុះពិនិត្យវឌ្ឍនភាពការសាងសង់ផ្លូវ និងដោះស្រាយបញ្ហាប្រឈមមួយចំនួនជូនពលរដ្ឋ
តៃវ៉ាន់ ធ្វើសមយុទ្ធយោធាបាញ់មីស៊ីលពីដីទៅអាកាស
កម្មករ-និយោជិត នៃរោងចក្រ ញូ ស្កាយ ព្រីនធីង អរគុណ រាជរដ្ឋាភិបាល ដែលបើកប្រាក់ឈ្នួលដល់ខ្លួន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២២ ម៉ោង agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សេដ្ឋកិច្ច២ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ