ព័ត៌មានជាតិ
សារមន្ទីរជាតិចង់បណ្ដុះការស្រឡាញ់ត្នោតដាក់តាំងបង្ហាញស្នាដៃច្នៃពីត្នោត ៣ ថ្ងៃ
សារមន្ទីរជាតិកម្ពុជាបានសហការជាមួយអង្គNomi Network Cambodia និងអង្គការ Villageworks រៀបចំការដាក់តាំងផលិតផលនៃសិប្បកម្មសិល្បៈតម្បាញស្លឹកត្នោត រយៈពេល ០៣ថ្ងៃ នៅថ្ងៃទី២៨ ដល់ថ្ងៃទី៣០ ខែមិថុនា។ ជាការដាក់បង្ហាញដើម្បីការបណ្តុះក្តីស្រឡាញ់ចំពោះផលិតផលពីត្នោត។
លោកស្រី អ៊ុន សុគន្ធាវី អនុប្រធាននៃសារមន្ទីជាតិ ទទួលខាងផ្នែកអប់រំ និងផ្សព្វផ្សាយបានប្រាប់កម្ពុជាថ្មីថា កម្មវិធីនេះរៀបចំដើម្បីបង្ហាញពីស្លឹកត្នោត និងការច្នៃប្រឌិតធ្វើចាប កាបូប កន្ទេល ខ្មុក មួក ដែលបានផលិតចេញពីស្លឹកត្នោត ដើម្បីឲ្យប្រជាពលរដ្ឋខ្មែរ និងសិស្សនិសិត្សជំនាន់ក្រោយមានការយល់ដឹងកាន់តែច្បាស់ពីសារប្រយ៉ោជន៍នៃដើមត្នោត ចូលរួមផ្សព្វផ្សាយ ថែរក្សា អភិរក្ស និងជួយលើកស្ទួយសហគមន៍ច្នៃប្រឌិតស្លឹកត្នោតឲ្យកាន់តែមានទីផ្សាខ្លាំង។
សារមន្ទីរជាតិក៏បានសហការជាមួយសហគមន៍ក្នុងការផលិតកែឆ្នៃស្លឹកត្នោតនេះ ដើម្បីជួយបង្កើតជាទីផ្សារផង អាចផ្តល់ជាកម្រៃផ្សេងៗផង អ្វីដែលសំខាន់ជួយលើកទឹកចិត្តដល់អ្នកដែលមានស្នាដៃល្អ ចំណេះជំនាញ ក្នុងការកែច្នៃ ឲ្យកាន់តែមានកម្លាំងចិត្តបន្ថែមទៀតក្នុងគំនិតបន្ថែមទៀត។
លោកស្រី ហុង អៀង ទីប្រឹក្សាអង្គការ Villageworks ធ្វើការលើការកែច្នៃសម្ភារពីត្នោតបានឱ្យដឹងថា ការច្នៃប្រឌិតនៅស្លឹកត្នោតខ្មែរពេលនេះបានឈានចូលទៅក្នុងទីផ្សារក្រៅប្រទេស ហើយអាចយកលក់បាននៅក្នុងតម្លៃមួយសមរម្យ។ ពេលនេះលោកស្រីកំពុងពិភាក្សាអំពីផលិតផលច្នៃពីត្នោតនាំចេញទៅបរទេស ខណៈបច្ចុប្បន្នកំពុងមានការគាំទ្រច្រើន។
ចំណែកឯទីផ្សារក្នុងស្រុក មានការតាំងលក់ និងតាំងបង្ហាញផ្សេង ហើយក៏មានការលក់នៅលើប្រព័ន្ធអនឡាញផងដែរ ដើម្បីជួយផ្សព្វផ្សាយនៅអ្វីដែលជាផលិតខ្មែរ ធ្វើដោយដៃរបស់ខ្មែរ៕
អត្ថបទ៖ ឌឿន ចាន់ថារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ