ព័ត៌មានជាតិ

ការតុបតែងដើមណូអែលឆ្នាំនេះមិនសូវផុលផុសដូចរាល់ឆ្នាំទេ

បានផុស

៦ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

តាមការពិនិត្យជាក់ស្តែងនៅតាមមហាវិថីនានា នៅរាជធានីភ្នំពេញមិនសូវឃើញមានការតុបតែងភ្លើងបំភ្លឺ និងដើមណូអែលអបអរសាទរដូចឆ្នាំមុនឡើយ។ ថ្ងៃបុណ្យណូអែលប្រព្រឹត្តិធ្នៅថ្ងៃទី២៥ ខែធ្នូស្អែកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាការតាំងលំអរអំពូលភ្លើង និងដើមអូណែលនៅមានតិចតួចតាមទីតាំងមួយចំនួនដូចជា តំបន់ដែលមានជនបរទេសចេញចូលច្រើន ក្រុមហ៊ុនធំ និងថៅកែជាជនបរទេស។

ជាក់ស្តែងដូចនៅតំបន់អភិវឌ្ឍន៍បឹងកក់ នៅក្នុងសង្កាត់ស្រះចកខណ្ឌដូនពេញ និងផ្សារទំនើបមួយស្ថិតតាមបណ្តោយផ្លូវព្រះនរោត្តមក្នុងសង្កាត់បឹងកេងកង១ ខណ្ឌបឹងកេងកង មានតាំងភ្លើងបំភ្លឺយ៉ាងស្រស់ស្អាត។

តាមការអះអាងពីមន្ត្រីអាជ្ញាធរបាននិយាយថា កាលពីអំឡុងឆ្នាំកន្លងមកគឺរាល់ថ្ងៃបុណ្យណូអែលគេសង្កេតឃើញជនបរទេសដែលមានរបររកស៊ីនៅក្នុងប្រទេសកម្ពុជាបានរៀបចំតុបតែងផ្ទះនិងក្រុមហ៊ុនបានល្អណាស់ ខុសប្លែកឆ្នាំ២០២០នេះគឺសឹងថាពុំមានការតុបតែងទាល់តែសោះ។ព្រោះឆ្នាំនេះគឺជាឆ្នាំដែលមានជំងឺឆ្លងកូវីដ១៩ខ្លាំងក្លានៅទូទាំងពិភពលោក៕

អត្ថបទ ៖ នរា