ព័ត៌មានជាតិ
ក្រុមហ៊ុនខេមជេដ អេស៊ា សហការ មន្ទីរពេទ្យ BLK-MAX នាំយកបច្ចេកវិទ្យាព្យាបាលជំងឺធ្ងន់ និងរ៉ាំរ៉ៃ
ក្រុមហ៊ុនខេមជេដ អេស៊ា Cam-Jade Asia (ASH) ដែលជាក្រុមហ៊ុនប្រឹក្សាយោបល់វេជ្ជសាស្ត្រអន្តរជាតិក្នុងការរៀបចំ និង បញ្ជូនអ្នកជំងឺកម្ពុជាទៅព្យាបាលនៅគ្រប់មន្ទីរពេទ្យ និង គ្រប់ប្រទេស បានចុះហត្ថលេខា ជាមួយមន្ទីរពេទ្យថ្មីមួយទៀតមកពីឥណ្ឌា គឺមន្ទីរពេទ្យ BLK-MAX Super Speciality Hospital ក្នុងគោលបំណងនាំយកនូវបច្ចេកវិទ្យាព្យាបាលជំងឺធ្ងន់ៗ និង រ៉ាំរ៉ៃមួយចំនួនដូចជា ជំងឺខូចតំរង់នោម ជំងឺក្រិនថ្លើម ជំងឺមហារីកថ្លើម និងជំងឺមហារីកសួតជាដើម ជូនដល់ប្រជាពលរដ្ឋកម្ពុជា។
ពិធីចុះហត្ថលេខាលើកិច្ចសហប្រតិបត្តិការ និងការផ្តល់សិទ្ធិផ្តាច់មុខជាការិយាលយ័តំណាង របស់មន្ទីរពេទ្យឥណ្ឌាប្រចាំនៅកម្ពុជា រវាងស្ថាបន័វេជ្ជសាស្រ្តទាំងពីរបានប្រព្រឹត្តិទៅ កាលពីព្រឹកថ្ងៃទី ៣០ ខែកក្កដា ឆ្នាំ២០២២ នៅ រាធានីភ្នំពេញ។
នៅក្នុងពិធីចុះហត្ថលេខានោះ ក៏មានការរៀបចំធ្វើសិក្ខាសាលាវេជ្ជសាស្ត្រយល់ដឹងពីជំងឺតំរង់នោម និងជំងឺមហារីកដែលមានការចូលរួមពីវេជ្ជបណ្ឌិតឯកទេសនីមួយៗមកធ្វើការបកស្រាយផ្ទាល់ ដើម្បីចែករំលែកជាបទពិសោធន៍ក៏ដូចជាចំណេះដឹងទូទៅផ្នែកសុខភាព ជូនប្រជាពលរដ្ឋខ្មែរ ក៏ដូចជាការចូលរួមលើកកម្ពស់វិសយ័សុខាភិបាលនៅកម្ពុជាឱ្យកាន់តែមានភាពទូលំទូលាយ ជាពិសេសចំណេះដឹងផ្នែកវេជ្ជសាស្រ្តទំនើបនៅក្នុងតំបន់ និងប្រទេសជិតខាង។
លោកស្រី ពិន នេត្រា ស្ថាបនិក និងអគ្គនាយិកា របស់ ASH បានមានប្រសាសន៍ថា គោលបំណងតែមួយគត់គឺយើងចង់ផ្តល់ដំណោះស្រាយជូនអ្នកជំងឺ និងក្រុមគ្រួសារ ពេលពួកគាត់ជួបវិបត្តិសុខភាព។
លោកស្រី ពិន នេត្រា មានប្រសាសន៍បន្តថា៖ “ភាពច្បាស់លាស់ មានតម្លាភាព បូកផ្សំជាមួយបទពិសោធន៍ប្រមាណ ២០ ឆ្នាំមកនេះ យើងសង្កេតឃើញថា ជំងឺធ្ងន់ៗ និង ភាពស្មុគស្មាញ មានអត្រាកើនឡើងជាបន្តបន្ទាប់ ដូចនេះការស្រាវជ្រាវរកមន្ទីរពេទ្យល្បីៗ និងមានជំនាញច្បាស់លាស់កាន់តែមានសារៈសំខាន់។ ការចាប់ដៃគូរសហការជាមួយមន្ទីរពេទ្យ BLK-MAX ប្រទេសឥណ្ឌា ដោយសារតែមន្ទីរពេទ្យមានអ្នកជំនាញឯកទេសល្បីៗ និងមានបទពិសោធន៍ជាច្រើនឆ្នាំផ្នែកវះកាត់ជំងឺខូចតំរង់នោម ជំងឺក្រិនថ្លើម និង ការវះកាត់ព្យាបាលជំងឺមហារីកប្រកបដោយប្រសិទ្ធិភាពខ្ពស់ ខណៈដែលប្រជាពលរដ្ឋកម្ពុជាមួយចំនួនធំកំពុងប្រឈមជាមួយជំងឺមហារីកគួរអោយព្រួយបារម្ភ”។
លោកស្រីបានបន្តទៀតថា ការសហការនេះក៏ដើម្បីជួយជំរុញដល់ការធ្វើរោគវិនិច្ឆ័យច្បាស់លាស់ និងផ្តល់ភាពងាយស្រួលដល់អ្នកជំងឺក្នុងការទទួលយកព័ត៌មាន ពីសេវាវេជ្ជសាស្រ្តបែបទំនើបរបស់ប្រទេសឥណ្ឌាផងដែរ។
ក្នុងឱកាសនោះដែរលោក Kham Moez ប្រធានផ្នែកទីផ្សាអន្តរជាតិរបស់មន្ទីរពេទ្យ BLK-Max បានមានប្រសាសន៍ថា ក្រុមប្រឹក្សាអន្តរជាតិរបស់មន្ទីរពេទ្យយើងបានសម្រេចជ្រើសតាំងក្រុមហ៊ុន ខេមជេដអេស៊ា ដែលមានម៉ាកថា ASH-Charter ជាការិយាល័យតំណាងមន្ទីរពេទ្យ BLK-Max តែមួយគត់ប្រចាំនៅប្រទេសកម្ពុជា ដោយយើងបានសម្លឹងឃើញពីសក្តានុពលរបស់ក្រុមហ៊ុន និងបទពិសោធន៍ជាច្រើនឆ្នាំប្រកបដោយវិជ្ជាជីវៈ ដែលយើងអាចមានទំនុកចិត្តនឹងផ្តល់ភាពងាយស្រួល ក៏ដូចជាការពង្រឹង សេវាវេជ្ជសាស្រ្ត ទេសចរណ៍ប៉ែកខាងជើងនៃប្រទេស ឥណ្ឌា ជូនប្រជាជនកម្ពុជា ដែលកំពុងប្រឈមនូវជំងឺរ៉ាំរ៉ៃមួយចំនួន៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល