ព័ត៌មានជាតិ
តើមានការសិក្សាភាសាខ្មែរ នៅប្រទេសវៀតណាមឬទេ?
បណ្ឌិតសភាចារ្យហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា នៅប្រទេសវៀតណាម មានការសិក្សាភាសាខ្មែរដែរ។ ការលើកឡើងនេះ ធ្វើនៅរសៀលថ្ងៃទី១៩ ខែសីហា ឆ្នាំ២០២២នេះ នាទីស្តីការក្រសួងអប់រំ យុវជន និងកីឡា នៅក្នុងសន្និសីទសារព័ត៌មាន ស្តីពីការបង្កើតវិទ្យាស្ថានសិក្សាអន្តរជាតិ និងគោលនយោបាយសាធារណៈ នៅសាកលវិទ្យាល័យភូមិន្ទភ្នំពេញ ដែលក្នុងនោះ មានដេប៉ាតឺម៉ង់សិក្សាវៀតណាមផងដែរ។
បណ្ឌិតសភាចារ្យ ហង់ជួន ណារ៉ុន មានប្រសាសន៍ថា ការបង្រៀនភាសាខ្មែរនៅវៀតណាម មាននៅវៀតណាមមានសាកលវិទ្យាល័យនៅភាគខាងត្បូង នៃប្រទេសវៀតណាម ហើយនៅតាមខេត្តមួយចំនួននៅប្រទេសវៀតណាម ក៏មានកន្លែង ឬមជ្ឈមណ្ឌលខ្លះ បើកបង្រៀនភាសាខ្មែរដែរ ដោយសារមានពលរដ្ឋដើមកំណើតខ្មែររស់នៅតំបន់នោះ ដែលពួកគាត់នៅតែរក្សាប្រពៃណី ទំនៀមទម្លាប់ និងភាសាខ្មែរដដែល។
បណ្ឌិតសភាចារ្យ ហង់ជួន ណារ៉ុន បញ្ជាក់ថា ការបើកថ្នាក់ភាសាវៀតណាមនេះ មិនមែនដោយសារសំណើ ឬសំណូមពរខាងណា ឬភាគីវៀតណាមមិនអាចបង្គាប់បញ្ជាកម្ពុជាឱ្យធ្វើអ្វីមួយទេ ដោយសារតម្រូវការរបស់កម្ពុជា ក្នុងនាមជាប្រទេសអាស៊ាន ការផ្លាស់ប្ដូរការសិក្សា និងមានកំណើនអ្នកវិនិយោគវៀតណាមធ្វើវិនិយោគច្រើននៅកម្ពុជា។
លោកបញ្ជាក់ថា ការសិក្សានេះ មិនតម្រូវឱ្យសិស្សនិស្សិតកម្ពុជាចូលរៀនទេ ហើយសូមកុំយល់ច្រឡំថាមានការបញ្ចូលភាសាវៀតណាមទៅសាកលវិទ្យាល័យភូមិន្ទភ្នំពេញ គឺអ្នកសិក្សាត្រូវប្រឡងជ្រើសរើស និងបង់ថ្លៃ សម្រាប់និស្សិតកម្ពុជាត្រូវទៅសិក្សានៅប្រទេសវៀតណាម ឬអ្នកចង់ធ្វើជាអ្នកបកប្រែភាសាវៀតណាម និងធ្វើការជាមួយក្រុមហ៊ុនវៀតណាម នៅតំបន់សេដ្ឋកិច្ចពិសេសជាដើម។
គួរបញ្ជាក់ថា បច្ចុប្បន្ន សាកលវិទ្យាល័យភូមិន្ទភ្នំពេញ គឺមានកម្មវិធីបរិញ្ញាបត្រភាសាបរទេស ដូចជា បរិញ្ញាបត្រភាសាអង់គ្លេស បារាំង ចិន ជប៉ុន កូរ៉េ និងថៃ។ ក្រសួងអប់រំ យុវជន និងកីឡា បានអនុញ្ញាតឱ្យសាកលវិទ្យាល័យភូមិន្ទភ្នំពេញ បង្កើតវិទ្យាស្ថានសិក្សាអន្តរជាតិ និងគោលនយោបាយសាធារណៈ (វ.ស.ន.ប) មានដេប៉ាតឺម៉ង់ ចំនួន ៤ រួមមាន ទី១ ដេប៉ាតឺម៉ង់ទំនាក់ទំនងអន្តរជាតិ ដែលមានមុខជំនាញទំនាក់ទំនងអន្តរជាតិ និងមុខជំនាញកិច្ចការអន្តរជាតិ, ទី២ ដេប៉ាតឺម៉ង់សេដ្ឋកិច្ចអន្តរជាតិ ដែលមានមុខជំនាញសេដ្ឋកិច្ចអន្តរជាតិ មុខជំនាញសេដ្ឋកិច្ចឌីជីថល មុខជំនាញសេដ្ឋកិច្ចគ្រប់គ្រង មុខជំនាញសេដ្ឋកិច្ចវិភាគនិងគ្រប់គ្រងហានិភ័យ និងមុខជំនាញសេដ្ឋកិច្ចនយោបាយអន្តរជាតិ។ ទី៣ ដេប៉ាតឺម៉ង់ គឺដេប៉ាតឺម៉ង់វិទ្យាសាស្ត្រនយោបាយ និងគោលនយោបាយសាធារណៈ ដែលមានមុខជំនាញវិទ្យាសាស្ត្រនយោបាយ និងរដ្ឋបាលសាធារណៈ និងមុខជំនាញគោលនយោបាយសាធារណៈ។ ទី៤ ដេប៉ាតឺម៉ង់ គឺសិក្សាវៀតណាម ដែលមានមុខជំនាញសិក្សាវៀតណាម មុខជំនាញការបកប្រែភាសាវៀតណាម និងមុខជំនាញភាសាវៀតណាមសម្រាប់ទំនាក់ទំនងធុរកិច្ច។ ក្រៅពីនេះ ក្នុងវិទ្យាស្ថាននេះ ក៏មានបង្កើតមជ្ឈមណ្ឌលសិក្សាអាស៊ីអាគ្នេយ៍, មជ្ឈមណ្ឌលខេមរសិក្សា និងមជ្ឈមណ្ឌលកម្ពុជា សម្រាប់ស្រាវជ្រាវផ្លូវសូត្រសមុទ្រសតវត្សរ៍ទី២១ ផងដែរ៕
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង