Connect with us

ព័ត៌មានជាតិ

ក្រុមហ៊ុន​សាម​សុង បាន​ណែនាំ​កម្មវិធី “Samsung Innovation Campus” ដើម្បី​ផ្តល់ឱ្យ​យុវជន កម្ពុជា ក្នុងការ​ពង្រឹងសមត្ថភាព និង​ឱកាស​ការងារ នាពេល​អនាគតរបស់​ពួកគេ

បានផុស

នៅ

​ក្រុមហ៊ុន​ សាម​សុង បានធ្វើ​ការបើក​ឲ្យ​ដំណើរការ​ជា​ផ្លូវការ នៅក្នុង​ប្រទេស​កម្ពុជា​យើងនូវ​កម្មវិធី Samsung Innovation Campus ដែលជា​កម្មវិធី​មនុស្សធម៌របស់​សាម​សុង ដែល​បាន​បង្កើតឡើង នៅ​ទូទាំង​ពិភពលោក ដើម្បី​ពង្រឹងសមត្ថភាព​បច្ចេកវិទ្យា​ទំនាក់ទំនង​ព័ត៌មាន​(ICT) សម្រាប់យុវជន​ជំនាន់​ថ្មី នៃ​យុគ្គសម័យ​បដិវត្តន៍ ឧស្សាហកម្ម ជំនា​ន់ទី​៥​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹង​ការប្រកាស​ដាក់​ឲ្យ​ដំណើរការ​កម្មវិធី​ខាងលើ សាម​សុង ​ក៏​ធ្វើការ​ចុះហត្ថលេខាលើ​អនុស្សរណៈនៃ​ការយោគយល់​គ្នា រវាង​សកល​វិទ្យាល័យ​ភូមិ​ន្ទ្រ​ភ្នំពេញ ដើម្បី​បើក​ដំណើរការ​កម្មវិធី​អប់រំ ICT​ នៅ​កម្ពុជា​ផងដែរ ហើយ​ពិធី​នេះ​បាន​ធ្វើឡើង​នៅ​មជ្ឈមណ្ឌល​សហប្រតិបត្តិ​ការ​កម្ពុជា​-​កូរ៉េ (CKCC) ក្នុង​បរិវេន​សាកលវិទ្យាល័យ​ភូមិន្ទ​ភ្នំពេញ ក្រោម​អធិបតីភាព ឯកឧត្តម ឈួន ដា​រា រដ្ឋមន្ត្រី​អម​នាយករដ្ឋមន្ត្រី និង​ជា​រដ្ឋលេខាធិការ​ក្រសួងពាណិជ្ជកម្ម និង​ក៏មាន​ការចូលរួម​ផងដែរ ពី​សំណាក់់ ឯកឧត្តម​បណ្ឌិត ជេ​ត ជាលី សកលវិទ្យា​ធិ​ការ​នៃ​សកល​វិទ្យាល័យ​ភូមិ​ន្ទ្រ​ភ្នំពេញ​, លោក Hark Kyu Park ប្រធាន​គ្រប់គ្រង​សាជីវកម្ម​សាម​សុង​ពិភពលោក​,​អគ្គនាយក​ប្រតិបត្តិ​ក្រុមហ៊ុន​សាម​សុង​អេ​ឡិច​ត្រូ​និ​ក​ប្រចាំ​ទ្វីបអាស៊ី និង​អូ​សេ​អា​នី ឯកឧត្តម ប៉ក ហ៊ឹង​ឡុង ឯកអគ្គរដ្ឋទូត នៃ​សាធារណរដ្ឋ​កូរ៉េ ប្រចាំ​នៅ​កម្ពុជា ព្រមទាំង​វត្តមាន សាស្ត្រាចារ្យ និង​និស្សិត​ជាង 300 នាក់​។​

​បើតាម លោក Hark Kyu Park កម្មវិធី Samsung Innovation Campus ដែលមាន​ដំណើរការ​នៅ​ទូទាំង​ពិភពលោក គឺជា​កម្មវិធី​ផ្តល់នូវ​ការអប់រំ លើកកម្ពស់​សមត្ថភាព​បច្ចេកវិទ្យា​ទំនាក់ទំនង​ព័ត៌មាន (ICT) ដល់​និស្សិត និង​យុវជន​ដែល​គ្មាន​ការងារ​ធ្វើជា​ច្រើន​។ ក្រៅពី​ជំនាញ​ចម្បងៗ ដូចជា AI, IoT, Big Data, Coding និង programming, កម្មវិធី Samsung Innovation Campus ក៏បាន​បណ្តុះបណ្តាល នូវ​ជំនាញ​ផ្នែក​ទន់​ជាច្រើន​ដល់​យុវជន ដើម្បី​ជំរុញ​យុវជនឱ្យ​កាន់​តែមាន​ទេពកោសល្យ ដែល​នាំ​ការ​រី​ចម្រើនដល់​សង្គម​នាពេល​អនាគត​។​

ឯកឧត្តម ឈួន ដា​រា បាន​អបអរសាទរចំពោះ​ការចុះ​អនុស្សរណៈ​យោគយល់​គ្នា រវាង​សកល​វិទ្យាល័យ​ភូមិន្ទ​ភ្នំពេញ និង​ក្រុមហ៊ុន​សាម​សុង ក្នុងការ​ដាក់ឱ្យ​ដំណើរការនូវ​កម្មវិធីសិក្សា នវានុវត្តន៍​តាមបែប​សម័យ​ទំនើប នៅ​សកល​វិទ្យាល័យ​ភូមិន្ទ​ភ្នំពេញ ដើម្បី​ជា​ថ្នាល​បណ្តុះសិស្ស​និស្សិត​កម្ពុជាឱ្យ​ចាប់យក​ជំនាញពី​វិស័យ​បច្ចេកវិទ្យា​ឌីជីថល និង​ទំនាក់ទំនង ព័ត៌មានវិទ្យា (ICT) ដើម្បី​ដើរ​ឱ្យទាន់​របត់​នៃ​បដិវត្ត​ឧស្សាហកម្ម ៤.០​។​

ជាមួយនេះ ឯ​.​ឧ ឈួន ដា​រា ក៏បាន​ថ្លែងអំណរគុណ​ផងដែរ ចំពោះ​ក្រុមហ៊ុន​សាម​សុង ដែល​បាន​ផ្តួចផ្តើម​គំនិត​បង្កើត​នូវ​កម្មវិធី​នវានុវត្តន៍​នេះ​ឡើង​ និង​បានចាត់ទុក​សកម្មភាព​នេះ ​គឺជា​ការចូលរួមចំណែកជាមួយ​រាជរដ្ឋាភិបាល​កម្ពុជា ក្នុង​ការកសាង​ធនធានមនុស្ស លើ​ជំនាញ​បច្ចេកវិទ្យា​ឌីជីថល ដែល​កម្ពុជា​កំពុង​យកចិត្តទុកដាក់ និង​ត្រូវការ​ជា​ចាំបាច់នូវ​ជំនួយ​បច្ចេកទេស លើ​ការរៀបចំ​ប្រព័ន្ធ​បច្ចេកវិទ្យា​ប្រភេទ​នេះ ពី​បណ្ដា​ប្រទេសអភិវឌ្ឍន៍​នានា​។​

ទន្ទឹមនេះ ឯ​.​ឧ ឈួន ដា​រា ក៏បាន​វាយតម្លៃ​ខ្ពស់​ផងដែរ ចំពោះ​កិច្ចខិតខំ​ប្រឹងប្រែង របស់​គណៈ​ដឹកនាំ និង​សាស្ត្រាចារ្យ​នៃ​សកល​វិទ្យាល័យ ភូមិន្ទ​ភ្នំពេញ និង​ក្រុមហ៊ុន​សាម​សុង ដែល​បាន​សហការគ្នា​បង្កើត​ក​ម្ម​វិធី​នវានុវត្តន៍​នេះ​ឡើង ដើម្បី​ដាក់បញ្ជូល​ក្នុង​កម្មវិធីសិក្សា​ជូន​និស្សិត​កម្ពុជា ជា​ជំនួយ​បំពេញបន្ថែម លើ​កម្មវិធីសិក្សា​ដែលមាន​ស្រាប់​។ នេះ​ពិត​ជាមាន ន័យ​ធំធេង​សម្រាប់​សិស្ស​និស្សិត​កម្ពុជា ក្នុងការ​ពង្រឹងសមត្ថភាព​របស់ខ្លួនលើ​វិស័យ​ឌីជីថល និង​ព័ត៌មានវិទ្យា ដើម្បី​ដើរ​ឱ្យទាន់​សម័យកាល​ថ្មី​មួយ ដែល​ពិភពលោក​ទាំងមូលកំពុង​ប្រើប្រាស់​ជា​ឧបករណ៍ ដើម្បី​កំណើនសេដ្ឋកិច្ច និង​ធានា​ប្រសិទ្ធភាព​ការងារ​ក្នុង​បរិបទ​ឌីជីថល​នេះ​។ ក្នុងន័យនេះ​ឯ​.​ឧ មាន​សុទិដ្ឋិនិយម​ថា ការអភិវឌ្ឍ​ធនធានមនុស្សលើវិស័យ​ឌីជីថល និង​បច្ចេកវិទ្យា​ទំនាក់ទំនង​ព័ត៌មានវិទ្យា (ICT) នឹងមាន​សន្ទុះ​ទៅមុខ​មួយកម្រិតទៀតនាពេលខាងមុខ​។

សូម​បញ្ជាក់ដែរថា ក្រោយពី​បញ្ចប់​ពិធី​ចុះ​អនុស្សារណៈនៃ​ការយោគយល់​គ្នា​ខាងលើ​រួចមក ឯ​.​ឧ ឈួន ដា​រា លោក Hark Kyu Park និង​ប្រតិភូក៏បាន​ធ្វើការ​ទស្សនៈកិច្ច​មជ្ឈមណ្ឌល Samsung Innovation Campus ដែល​នឹងធ្វើ​ការបើក​ដំណើរការ ចាប់ពី​ខែកញ្ញា​ខាងមុខនេះ​តទៅ ដែលជា​ផ្នែក​មួយ​នៃ​ការពង្រឹង​សមត្ថភាពរ​បស់​យុវជន​កម្ពុជា លើ​វិស័យ​បច្ចេកវិទ្យា​នាពេល​អនាគត​ផងដែរ​។ បន្ថែម​ពីនេះ លោក Hark Kyu Park ក៏បាន​ធ្វើការ​ណែនាំពី​គុណសម្បត្តិ នៃ​ទីក្រុង​ប៊ូសាន ដែល​ត្រូវជា​ម្ចាស់ផ្ទះ សម្រាប់​ពិព័រណ៍​ពិភពលោក World Expo 2030 ផងដែរ​។

គួរ​រំលឹក​ផង​ដែលថា ក្រុមហ៊ុន Samsung ជា​សមាជិក​សកម្ម ផ្នែក​ឯកជន​នៃ​គណៈកម្មាធិការ​ប្រជែង ធ្វើជា​ម្ចាស់ផ្ទះ World Expo 2030 បានធ្វើ​សកម្មភាព​យ៉ាង​ផុសផុលនៅ​ជុំវិញ​ពិភពលោក ដើម្បីឱ្យ​ទីក្រុង​ប៊ូសានក្លាយជា​ម្ចាស់ផ្ទះ នៃ​ពិព័រណ៍​ពិភពលោក World Expo 2030 នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៩ វិនាទី មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ៦ នាទី មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ៧ នាទី មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

ជីវិតកម្សាន្ដ១០ នាទី មុន

ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy

ព័ត៌មានអន្ដរជាតិ៣១ នាទី មុន

ក្រោយឈ្នះឆ្នោត តើលោក ពូទីន នឹងហោះទៅទស្សនកិច្ចប្រទេសមហាមិត្ត​ណាមុនគេ?

Sokha Hotels

ព័ត៌មានពេញនិយម