ព័ត៌មានជាតិ
មហាជន ស្នើឲ្យក្រសួងវប្បធម៌ពិនិត្យការប្រឡង Miss Grand Cambodia 2022 ក្រោយផ្ទុះការរិះគន់ឈុ តល្បែងស៊ីសង
រហូតមកដល់រសៀលថ្ងៃទី២៥ ខែសីហា ឆ្នាំ២០២២នេះ រលកនៃការរិះគន់របស់មហាជន និងអ្នកប្រើប្រាស់បណ្តាញសង្គមហ្វេសប៊ុកបានផ្ទុះការរិះគន់ដូចទឹកបាក់ទំនប់ជុំវិញការបង្ហាញឈុតល្បែងស៊ីសងរបស់បេក្ខនារី២រូបនៅក្នុងកម្មវិធីMiss Grand Cambodia 2022។
ជាមួយគ្នានឹងការរិះគន់ និងការមិនសប្បាចិត្តរបស់ប្រជាពលរដ្ឋខ្មែរនេះ ក៏មានមតិមួយចំនួនបានស្នើរឲ្យក្រសួងវប្បធម៌ និងវិចិត្រសិល្ប:មេត្តាពិនិត្យចំពោះកម្មវិធីប្រឡងMiss Grand Cambodia2022។ មិនតែប៉ុ ណ្ណោះ ក៏មានការលើកឡើងថា បញ្ហានេះ គឺមានការពាក់ព័ន្ធអ្នករៀបចំកម្មវិធីដែលបណ្តោយឲ្យកើតមាននេះឡើង។
លោក ហ៊ុយ យ៉ាឡេង ដែលជាផលិតករភាពយន្តល្បីឈ្មោះបានលើកឡើងជាទស្សន:ថា ធ្វើមិនបានឆ្លងក្រសួង គឺបែបនេះឯង ហើយអ្នកដែលចេញមុខទទួលខុសត្រូវ និងបកស្រាយ គឺអ្នកដឹកនាំកម្មវិធី ទោះជាចង់បង្ហាញថា ខេត្តពីរនេះ មានកាស៊ីណូ ក៏មិនគួរណាយករូបអង្គរវត្តរបស់ដូនតាមកពាក់ព័ន្ធដែរ។ លោកកបន្តថា ល្បែងមិនគួរណាលើកតម្កើង ព្រោះខ្មែរជាពុទ្ធសាសនិក យុទ្ធសាស្រ្តល្បីឲ្យគេជេ ក៏មិនគួរត្រូវប្រើនៅក្នុងកម្មវិធីលក្ខណៈអន្តរជាតិ។ លោកថា៖ «យើងមានអ្វីៗជាច្រើនរាប់មិនអស់ដែលត្រូវបង្ហាញក្រៅពី ល្បែងសង្ឃឹមថា កម្មវិធីអន្តរជាតិត្រូវបានឆ្លងជាមួយក្រសួងដើម្បីកុំឲ្យមានកំហុសបន្តរទៀត»។
មិនខុសពីលោក ហ៊ុយ យ៉ាឡេង ទេ គឺមានមតិជាច្រើនបានស្នើដល់ក្រសួងគួរកោះហៅអ្នករៀបចំកម្មវិធីមកបកស្រាយចំពោះរឿងនេះ។ រហូតមកដល់រសៀលថ្ងៃទី២៥ ខែសីហា ឆ្នាំ២០២២ នេះ «កម្ពុជាថ្មី» មិនទាន់អាចទាក់ទង ដើម្បីសុំការបញ្ជាក់ពីក្រសួងវប្បធម៌ និងវិចិត្រសិល្ប: ជុំវិញចំណាត់ការយ៉ាងណាចំពោះរឿងរ៉ាវនេះបាននៅឡើយទេ ខណ:មហាជនកំពុងរង់ចាំមើលគ្រប់គ្នា៕
ដោយ៖ ចាន់រ៉ា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល