ព័ត៌មានជាតិ
អាជ្ញាធរឆ្លើយតប ទៅបញ្ហាផ្លូវលំមួយខ្សែខូចរាប់ឆ្នាំ
ប្រជាពលរដ្ឋជាច្រើនគ្រួសាររស់នៅចំណុច ភូមិអូរពឺត ភូមិអូរតាពុកក្រោម សង្កាត់ទូលល្វា ក្រុងប៉ៃលិន បានស្នើសុំឲ្យអាជ្ញាធរក្រុងប៉ៃលិន តាមរយៈអ្នកសារព័ត៌មានកម្ពុជាថ្មី ជួយជួសជុលផ្លូវលំមួយខ្សែក្នុងមូលដ្ឋានរស់នៅរបស់ពួកគាត់ ដោយក្នុងរដូវវស្សា ឬពេលមានភ្លៀងធ្លាក់ម្តងៗ សូម្បីតែជិះកង់ ម៉ូតូ ក៏ពិបាកធ្វើដំណើរផងដែរ។
តាមប្រភពពីប្រជាពលរដ្ឋ បានប្រាប់ភ្នាក់ងារកម្ពុជាថ្មី នាព្រឹកថ្ងៃទី១០ ខែកញ្ញា ឆ្នាំ២០២២នេះថា ផ្លូវលំមួយខ្សែនេះ បានរងការខូចជាច្រើនឆ្នាំមកហើយ មិនដែលឃើញមានអាជ្ញាធរឬមន្ទីរជំនាញណាមួយ ចុះពិនិត្យនិងធ្វើការជួសជុលនោះទេ ពេលមានភ្លៀងមកម្តងៗ គឺពិបាកធ្វើដំណើរណាស់ មានតែរកផ្លូវវាង ដើម្បីធ្វើដំណើរតែប៉ុណ្ណោះ។
ប្រភពព័ត៌មានបន្តថា ផ្លូវលំមួយខ្សែនេះ បានតភ្ជាប់ផ្លូវកៅស៊ូភូមិចំការការហ្វេ សង្កាត់ទូលល្វា រហូតដល់ភូមិប៉ាហ៊ីជើង ៩ ចំណុចផ្សារសាមគ្គី) ជាផ្លូវដែលមានសារៈសំខាន់ផងដែរ ដែលអាចឲ្យប្រជាពលរដ្ឋធ្វើដំណើរបានងាយស្រួលក្នុងការដឹកទំនិញ ទៅទិញម្ហូបអាហារ ពិសេសកូនៗធ្វើដំណើរទៅរៀនសូត្រ ហើយផ្លូវដែលរងការខូចខាតខាងលើនេះ មានប្រវែងប្រមាណជិត ២ គីឡូម៉ែត្រប៉ុណ្ណោះ ដែលមានក្រឡុកជ្រៅៗ ប្រៀបបានដូចជាថ្លុកត្រពាំងទៅហើយ លំបាកធ្វើដំណើរណាស់។
ពលរដ្ឋស្នើដល់អាជ្ញាធរក្រុងប៉ៃលិន និងរដ្ឋបាលខេត្តប៉ៃលិន មេត្តាជួយជួសជុលកំណាត់ផ្លូវលំ ដែលរងការខូចខាតព្រោះពួកគាត់ពិបាកក្នុងការធ្វើដំណើរលើផ្លូវនេះរាប់ឆ្នាំមកហើយ។
ពាក់ព័ន្ធបញ្ហានេះដែរលោក ស៊ុន យី អភិបាលក្រុងប៉ៃលិន បានឲ្យកម្ពុជាថ្មីដឹងតាមទូរស័ប្ទនៅរសៀលថ្ងៃទី១០ ខែកញ្ញានេះថា លោកបានជ្រាបរួចមកហើយ និងកំពុងរៀបចំរកគ្រឿងចក្រ ដើម្បីធ្វើការសម្រួលផ្លូវលំមួយខ្សែនេះ ឲ្យប្រជាពលរដ្ឋ បានធ្វើដំណើរស្រួលបួលឡើងវិញ ប្រហែលជាល្ងាចនេះឬថ្ងៃស្អែកនឹងធ្វើដំណើរជួសជុលឡើងវិញ និងធ្វើឲ្យបានរួចរាល់មុនថ្ងៃបុណ្យភ្ជុំបិណ្ទ៕
អត្ថបទ សេង សុវណ្ណារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ