ព័ត៌មានជាតិ
ក្រុមប្រឹក្សាជាតិប្រាក់ឈ្នួល នឹងបើកកិច្ចប្រជុំចុងក្រោយ ដើម្បីសម្រេចប្រាក់ឈ្នួលកម្មករឆ្នាំ ២០២៣ នៅថ្ងៃស្អែក
ក្រុមប្រឹក្សាជាតិប្រាក់ឈ្នួលអប្បបរមា នឹងបើកកិច្ចប្រជុំជាលើកចុងក្រោយ នៅព្រឹកថ្ងៃទី ២១ ខែកញ្ញា ឆ្នាំ ២០២២ស្អែកនេះ ដើម្បីសម្រេចប្រាក់ឈ្នួលអប្បបរមា ជូនកម្មករ-និយោជិតក្នុងវិស័យវាយនភណ្ឌកាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ ២០២៣។
តាមគម្រោងកិច្ចប្រជុំជាលើកចុងក្រោយនេះ នឹងចាប់ផ្តើមវេលាម៉ោង ៨ និង ៣០នាទីព្រឹក នៅសាល B ទីស្តីការក្រសួងការងារក្រោមអធិបតីភាពលោកបណ្ឌិត អ៊ិតសំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា។

បើតាមលោក ហេង សួរ ប្រធានលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា ធ្លាប់បានឲ្យដឹងថា តាមរយៈកិច្ចប្រជុំ ៤លើកកន្លងមកនេះ ត្រីភាគីបានដាក់តួលេខចុងក្រោយមួយ សម្រាប់ដាក់ចូលក្នុងរបាយការណ៍។ ក្នុងនោះភាគីតំណាងនិយោជក បានដំឡើងពី ១៩៦ ទៅ ១៩៧ដុល្លារ។ ដោយឡែក ភាគីសហជីពមានចំនួន ៣តួលេខផ្សេងគ្នា។ ក្នុងនោះតួលេខ ២០៦ដុល្លារ មានចំនួន ៨សំឡេង, តួលេខ ២១០ដុល្លារ មាន ៣សំឡេង និងតួលេខ ២១៣ដុល្លារ ចំនួន ១១សំឡេង។ចំណែកឯភាគីរដ្ឋាភិបាល បានកំណត់តួលេខ ១៩៨ដុល្លារ។

លើសពីនេះ ខាងភាគីនិយោជកបានដាក់សំណើចំនួន ៣ និងភាគីតំណាងកម្មករ-និយោជិត ដាក់សំណើចំនួន ៨ ទៅរាជរដ្ឋាភិបាលដោះស្រាយ សម្រាប់កិច្ចប្រជុំលើកចុងក្រោយ នៅថ្ងៃទី ២១ xEកញ្ញា។
សូមជម្រាបថា សម្រាប់ប្រាក់ឈ្មួលអប្បបរមាកម្មករ-និយោជិត ក្នុងវិស័យវាយនភណ្ឌកាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូបសម្រាប់ឆ្នាំ ២០២២ទទួលបាន ១៩៤ដុល្លារក្នុង ១ខែ ដោយមិនគិតពីប្រាក់អត្ថប្រយោជន៍ផ្សេងៗទៀតទេ៕
អត្ថបទ៖ សំអឿន

-
ព័ត៌មានអន្ដរជាតិ៧ ថ្ងៃ ago
Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ២០ ម៉ោង ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ២ ថ្ងៃ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ១ សប្តាហ៍ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ៣ ថ្ងៃ ago
កាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច២ ថ្ងៃ ago
បណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា