ព័ត៌មានជាតិ

មកស្គាល់ច្រកចេញ-ចូល ទាំង៨ របស់ផ្លូវល្បឿនលឿន ភ្នំពេញ-ព្រះសីហនុ

បានផុស

៤ years មុន

នៅ

ថ្ងៃព្រហស្បតិ៍ ២៩ កញ្ញា ២០២២

ដោយ

ក្រសួងសាធារណការ និងដឹកជញ្ជូន បង្ហាញទីតាំងច្រកចេញ-ចូល ផ្លូវល្បឿនលឿនភ្នំពេញ-ក្រុងព្រះសីហនុ ចំនួន ៨ ស្ថានីយ នៅលើផេកផ្លូវការរបស់ក្រសួង ដើម្បីអាចឱ្យអ្នកដែលនឹងធ្វើដំណើរលើផ្លូវល្បឿនលឿន នាពេលខាងមុខនេះ បានយល់ដឹងបន្ថែម។

ច្រកផ្លូវល្បឿនលឿនភ្នំពេញ-ក្រុងព្រះសីហនុ ទាំង ៨ ស្ថានីយ ដែលអាចធ្វើដំណើរចេញ-ចូលបាននោះ មានទីតាំងនៅភ្នំពេញ កំពង់ស្ពឺប៉ែកខាងកើត និងខាងលិច ត្រែងត្រយឹង កំពង់សិលា ស្រែអំបិល ស្ទឹងហាវ និងព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ច្រកទី១ ស្ថានីយភ្នំពេញ ផ្លូវកប់ស្រូវ (គីឡូម៉ែត្រលេខ ៣)

ច្រកទី២ ស្ថានីយកំពង់ស្ពឺខាងកើត (គីឡូម៉ែត្រលេខ ២៦)

ច្រកទី៣ ស្ថានីយកំពង់ស្ពឺខាងលិច (គីឡូម៉ែត្រលេខ ៤៣)

ច្រកទី៤ ស្ថានីយត្រែងត្រយឹង (គីឡូម៉ែត្រលេខ ៧៦)

ច្រកទី៥ ស្ថានីយកំពង់សិលា (គីឡូម៉ែត្រលេខ ១១៤)

ច្រកទី៦ ស្ថានីយស្រែអំបិល (គីឡូម៉ែត្រលេខ ១៣៥)

ច្រកទី៧ ស្ថានីយស្ទឹងហាវ (គីឡូម៉ែត្រលេខ ១៧២)

ច្រកទី៨ ស្ថានីយក្រុងព្រះសីហនុ (គីឡូម៉ែត្រលេខ ១៨២)

ផ្លូវល្បឿនលឿន ភ្នំពេញ-ព្រះសីហនុនេះ នឹងដាក់ឱ្យបើកបរសាកល្បងដោយឥតគិតថ្លៃ រយៈពេល១ខែពេញ ពោលគឺចាប់ពីថ្ងៃទី១ ដើមខែតុលា ដល់ថ្ងៃទី៣១ ខែតុលា មុននឹងដំណើរជាផ្លូវការនៅខែបន្ទាប់។

ផ្លូវនេះ នឹងក្លាយជាផ្លូវរបៀងយុទ្ធសាស្ត្រសំខាន់បំផុតរបស់កម្ពុជា ដែលធ្វើឱ្យចំណេញពេលវេលាធ្វើដំណើរ ដោយប្រើពេលប្រមាណជា ២ម៉ោងប៉ុណ្ណោះ ថែមទាំងកាត់បន្ថយតម្លៃដឹកជញ្ជូនផងដែរ។

គួររំលឹកថា ផ្លូវល្បឿនលឿនភ្នំពេញ-ក្រុងព្រះសីហនុ មួយខ្សែនេះ ជាផ្លូវល្បឿនលឿនដំបូងបង្អប់របស់កម្ពុជា ដែលមានប្រវែង ១៨៧,០៥គីឡូម៉ែត្រ ចំណាយថវិកាប្រមាណ ជាង ២០០០លានដុល្លារ ជាការវិនិយោគស្ថាបនាឡើងដោយក្រុមហ៊ុន PPSHV Expressway Co., Ltd និងក្រុមហ៊ុនចិន CRBC៕

អត្ថបទ៖ សុធាវី