ព័ត៌មានជាតិ

ព្រះសង្ឃធម្មយុត្តិមាន ៣ ចំណុចសំខាន់ងាយស្រួលចំណាំ

បានផុស

១ year មុន

នៅ

ថ្ងៃចន្ទ ៣ តុលា ២០២២

ដោយ

ប្រទេសកម្ពុជាមានពលរដ្ឋជាង ៩០ ភាគរយគោរពប្រតិបត្តិព្រះពុទ្ធសាសនា។ ព្រះពុទ្ធសាសនាដែលត្រូវបានកំណត់ជាសាសនារបស់រដ្ឋ មានពីរគណៈគឺមហានិកាយ និងធម្មយុត្តិ។

លោក សេង សុមុនី រដ្ឋលេខាធិការនិងជាអ្នកនាំពាក្យក្រសួងធម្មការ និងសាសនា បានឲ្យដឹងថា បច្ចុប្បន្ននៅទូទាំងប្រទេស មានវត្តជាង ៥ ពាន់ ក្នុងនោះវត្តគណៈមហានិកាយមានចំនួន ៤ ៨៤៣ វត្តមានព្រះសង្ឃ ៧០ ៩០៥ អង្គ និងវត្តគណៈធម្មយុត្តិមានចំនួន ២៦១ វត្ត និងមានព្រះសង្ឃ ២ ៤២៩ វត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង សុមុនី បានបង្ហាញលក្ខណៈសម្គាល់ខ្លះៗពីព្រះសង្ឃគណៈធម្មយុត្តិនិងគណៈមហានិកាយ។

លោកសេង សុមុនី បញ្ជាក់ថា ព្រះសង្ឃគណៈធម្មយុត្តិការប្រតិបត្តិលំអានពីបុរាណច្រើនសម្គាល់ ៣ ចំណុច គឺប្រើប្រាស់បាតអត់ស្រោម អត់ពាក់ទ្រនាប់ជើង និងមិនទទួលបច្ច័យ។ ដោយឡែកការសាងសង់ទីអារាម មិនមានការបែងចែកកំណត់ខុសគ្នានោះទេ។

បើតាមលោក សេង សុមុនី ព្រះពុទ្ធសាសនាគណៈធម្មយុត្តិនៅក្នុងប្រទេសកម្ពុជាមានប្រភពមកពីប្រទេសថៃ តែលោកមិនបានបញ្ជាក់លម្អិតមានឥទ្ធិពលនិងបាននាំចូលមកប្រទេសកម្ពុជាតាំងពីពេលណានោះទេ។

នៅរាជធានីភ្នំពេញមានវត្តជាង ១៥០ កន្លែងក្នុងចំណោមវត្តជាង ៥ ពាន់នៅទូទាំងប្រទេស។ វត្តនៅរាជធានីភ្នំពេញមានទាំងគណៈធម្មយុត្ត និងគណៈមហានិកាយ។

វត្តបទុមវតីរាជវរារាមដែលជាវត្តចំណាស់មួយនៅរាជធានីភ្នំពេញ មានទាំងគណៈធម្មយុត្ត និងមហានិកាយ៕