ព័ត៌មានជាតិ
សល់ពីរថ្ងៃទៀត ដល់ថ្ងៃប្រារព្ធពិធីប្រណាំងទូកង នៅខេត្តកំពង់ចាម
កំពង់ចាម ៖ នៅព្រឹកថ្ងៃទី៨ ខែតុលា ឆ្នាំ២០២២ លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញដឹកនាំកិច្ចប្រជុំគណៈកម្មការរៀបចំប្រារព្ធពិធីប្រណាំងទូក ង បណ្តែតប្រទីប បាញ់កាំជ្រួច និងការដាក់តាំងពិព័រណ៍ស្តីពី “ភូមិមួយផលិតផលមួយ” ព្រមទាំងមានការប្រគំតន្ត្រីខ្នាតធំ ដើម្បីចូលរួមអបអរពិធីបុណ្យចេញព្រះវស្សា ឬក៏ក្នុងអំឡុងពេលប្រារព្ធពិធីបុណ្យ អុំទូក អកអំបុក សំពះព្រះខែ នាពេលខាងមុខ នៅក្នុងក្រុងកំពង់ចាម។
លោក អ៊ុន ចាន់ដា មានប្រសាសន៍ថា ពិធីនេះដែរនឹងប្រព្រឹត្តទៅនៅថ្ងៃទី១០ ខែតុលា ឆ្នាំ២០២២ ខាងមុខ នៅដងទន្លេមេគង្គ ក្រុងកំពង់ចាម។ ការរៀបចំពិធីខាងលើនេះ ដើម្បីបង្កលក្ខណៈឱ្យបងប្អូនប្រជាពលរដ្ឋនៅក្នុងខេត្ត និងក្រៅខេត្ត បានមកទស្សនាលេងកម្សាន្ត ។ ក្រៅពីនោះក៏មានការរៀបចំកម្មវិធីប្រគុំតន្រ្តីសប្បាយៗជាច្រើនប្រភេទទៀត ដើម្បីបង្កើនភាពសប្បាយ ជូនដល់ប្រជាពលរដ្ឋ និងបង្កើនការទាក់ទាញភ្ញៀវទេសចរជាតិ និងអន្តរជាតិ ចូលមកកម្សាន្តផងដែរ ។
នាឱកាសនោះ លោកអភិបាលខេត្ត បានស្នើដល់គណៈកម្មការរៀបចំពិធីប្រណាំងទូកខេត្ត ធ្វើការបូកសរុប ចំនួនទូក ង ទាំងអស់ ដែលមានក្នុងខេត្តដើម្បីបានដឹងអំពីចំនួនទូក ង សម្រាប់ធ្វើការបែង ចែកនិងរៀបចំការប្រណាំង ក្នុងពេលសមស្របដែលអាចធ្វើទៅបានអាចរៀបចំប្រណាំង ។ ត្រូវពង្រឹងការវឹកហាត់ដល់កីឡាករ ត្រូវធានាថា កីឡាករ កីឡាការិនីអុំទូកមានគ្រប់ចំនួនមិនអវត្តមាន គោរពបាននូវវិន័យបទបញ្ជាផ្ទៃក្នុង ក្នុងការប្រកួត មានសេចក្តីថ្លៃថ្នូរ ទូកត្រូវតុបតែងឱ្យមានសោភ័ណ្ឌភាព ហើយកីឡាករ កីឡាការិនីក៏ត្រូវមានឯកសណ្ឋានសមរម្យ ផងដែរ ។ បន្ថែមពីលើនេះ ឯកឧត្តមអភិបាលខេត្ត ក៏បានជម្រុញ និងលើទឹកចិត្តដល់អាជ្ញាធរ និងកងកម្លាំងសមត្ថកិច្ចគ្រប់លំដាប់ថ្នាក់ទាំងអស់ ត្រូវបង្កើនការខិតខំយកចិត្តទុកដាក់បន្តទៀតលើការរក្សាសន្តិសុខ សណ្តាប់ធ្នាប់ និងចូលរួមសំអាតអនាម័យបរិស្ថាន និងការតុបតែងលម្អឱ្យមានសោភ័ណភាពស្រស់បំព្រង ដើម្បីធ្វើយ៉ាងណាបង្កើតបរិយាកាស ឱ្យមានភាពសប្បាយរីករាយជូនបងប្អូនប្រជាពលរដ្ឋយើង។
សូមជម្រាបផងដែរថា បើយោងតាមរបាយការណ៍បណ្ដោះអាសន្នពីគណៈកម្មការបានបញ្ជាក់ថា ក្នុងពិធីនេះ មានទូកចូលរួមប្រណាំងសរុប ចំនួន ៤៥ទូក ៕ អត្ថបទ និង រូបភាព ៖ ឡេក ចាន់ពេជ្រ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ