ព័ត៌មានជាតិ

អគ្គនាយកដ្ឋានអត្តសញ្ញាណកម្មអំពាវឲ្យពលរដ្ឋទៅបំពេញបែបបទបន្តសុពលភាពប្ដូរយកអត្តសញ្ញាណប័ណ្ណថ្មី

បានផុស

៤ years មុន

នៅ

ថ្ងៃសុក្រ ២១ តុលា ២០២២

ដោយ

អគ្គនាយកដ្ឋានអត្តសញ្ញាណកម្មនៅថ្ងៃទី ២១ ខែតុលានេះបានអំពាវឲ្យប្រជាពលរដ្ឋដែលមានអត្តសញ្ញាណប័ណ្ណសញ្ជាតិខ្មែរគំរូថ្មីអស់សុពលភាព ឬសុពលភាពនៅតិចជាង ៩០ ថ្ងៃ សូមទៅបំពេញបែបបទប្ដូរយកអត្តសញ្ញាណប័ណ្ណនៅតាមប៉ុស្ដិ៍នគរបាលរដ្ឋបាលឃុំ សង្កាត់ ឬអធិការដ្ឋាននគរបាលក្រុង ស្រុក ខណ្ឌ ឬច្រកចេញចូលតែ១ ក្រុងស្រុកខណ្ឌឬស្នងការដ្ឋាននគរបាល រាជធានីខេត្ត នៃលំនៅឋានរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងផ្សេងទៀត គឺនៅនាយកដ្ឋានអត្តសញ្ញាណប័ណ្ណសញ្ជាតិខ្មែរ (សង្កាត់និរោធ ខណ្ឌច្បារអំពៅ រាជធានីភ្នំពេញ) និងទីស្នាក់ការផ្ដល់អត្តសញ្ញាណប័ណ្ណសញ្ជាតិខ្មែរ នៅផ្សារ Aeon II។

អគ្គនាយកដ្ឋានអត្តសញ្ញាណកម្ម បញ្ជាក់ថា ការទៅបំពេញបែបបទប្ដូរយកអត្តសញ្ញាណប័ណ្ណថ្មី ដើម្បីធានសិទ្ធិក្នុងការទទួលសេវាផ្សេងៗ និងត្រៀមសម្រាប់ការបោះឆ្នោតតំណាងរាស្ត្រ ឆ្នាំ ២០២៣៕