Connect with us

ព័ត៌មានជាតិ

មុនទទួលបានសញ្ញាបត្របណ្ឌិត តើលោក យង់ ពៅ មានប្រវត្តិសិក្សាយ៉ាងណា?

បានផុស

នៅ

លោកបណ្ឌិត យង់ ពៅ បានក្លាយជាអគ្គលេខាធិការនៃរាជបណ្ឌិត្យសភាកម្ពុជាតាំងពីឆ្នាំ២០១៧ ដែលមានឋានៈស្មើរដ្ឋលេខាធិការ។ មុន​នឹង​ចូល​កាន់​តំណែងនេះ​ លោកបណ្ឌិត យង់ ពៅ ធ្លាប់បានបំពេញតួនាទីជាច្រើននៅរាជបណ្ឌិត្យសភាកម្ពុជា។ លោកបណ្ឌិត បានទទួលសញ្ញាបត្របណ្ឌិតវិទ្យាសាស្ត្រនយោបាយនៃរាជបណ្ឌិត្យសភាកម្ពុជា ក្នុងឆ្នាំ២០១២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កើតនៅឆ្នាំ១៩៧៦ នៅស្រុកបាកាន ខេត្តពោធិ៍សាត់ លោកបណ្ឌិត យង់ ពៅ បានប្រឡងជាប់សញ្ញាបត្រទុតិយភូមិ នៅឆ្នាំ១៩៩៤ ហើយនៅឆ្នាំ១៩៩៥ លោកបណ្ឌិត បានមករាជធានីភ្នំពេញ ដើម្បីបន្តការសិក្សាកម្រិតឧត្តមសិក្សានៅសាកលវិទ្យាល័យភូមិន្ទភ្នំពេញ ដោយនៅឆ្នាំ១៩៩៩ បានបញ្ចប់សញ្ញាបត្របរិញ្ញាបត្រភូមិវិទ្យា។ បន្ទាប់មក លោកបណ្ឌិត បានចូលរៀនគរុកោសល្យគ្រូមធ្យមនៅមហាវិទ្យាល័យគរុកោសល្យ រាជធានីភ្នំពេញ។ នៅឆ្នាំ២០០០ ក្រោយពីបានទទួលសញ្ញាបត្រគ្រូមធ្យមកម្រិត២ លោកបណ្ឌិត យង់ ពៅ បានបន្តសិក្សាយកបរិញ្ញាបត្រជាន់ខ្ពស់នៅរាជបណ្ឌិត្យសភាកម្ពុជា ដោយនៅឆ្នាំ២០០២ លោកក៏ទទួលបានសញ្ញាបត្របរិញ្ញបត្រជាន់ខ្ពស់ភូមិវិទ្យា។ រហូតមកដល់ឆ្នាំ២០០៩ លោកបណ្ឌិតបានបន្តសិក្សាថ្នាក់បណ្ឌិត ហើយបានបញ្ចប់ការសិក្សានៅឆ្នាំ២០១២  ដោយទទួលបានសញ្ញាបត្របណ្ឌិតវិទ្យាសាស្ដ្រនយោបាយពីរាជបណ្ឌិត្យសភាកម្ពុជា លើជំនាញភូមិសាស្ត្រនយោបាយ។

និក្ខេបបទការពារថ្នាក់បណ្ឌិតរបស់លោកបណ្ឌិត យង់ ពៅ គឺការស្រាវជ្រាវលើប្រធានបទ៖ «បញ្ហាប្រឈមកម្ពុជា-ថៃ ឆ្នាំ ២០០០-២០១១» ខណៈសារណាថ្នាក់បរិញ្ញបត្រជាន់ខ្ពស់ គឺស្រាវជ្រាវលើប្រធានបទ៖ «សំណង់បណ្ដោះអាសន្នស្ទឹងមានជ័យ និងផលប៉ះពាល់ ឆ្នាំ២០០០-២០០២» និងសារណាថ្នាក់បរិញ្ញបត្រ ស្រាវជ្រាវលើប្រធានបទ៖ «ទេសចរណ៍វប្បធម៌រាជធានីភ្នំពេញ ឆ្នាំ១៩៩៨»។ ជាមួយគ្នានេះ លោកបណ្ឌិត យង់ ពៅ ក៏បានធ្វើការស្រាវជ្រាវលើប្រធានបទជាច្រើនទៀតទាំងនៅក្នុង និងក្រៅប្រទេស ហើយបានបោះពុម្ពផ្សាយសៀវភៅ និងឯកសារផ្សេងៗ ជាពិសេស ទាក់ទងនឹងភូមិសាស្ត្រនយោបាយនៅក្នុងតំបន់។

ក្រឡេកមកមើលប្រវត្តិការងារវិញ លោកបណ្ឌិត យង់ ពៅ បានចាប់ផ្ដើមចូលបម្រើការងាររដ្ឋ នៅថ្ងៃទី១ ខែមករា ឆ្នាំ២០០៣ នៅរាជបណ្ឌិត្យសភាកម្ពុជា ជាមន្ត្រីគ្រប់គ្រងរដ្ឋបាល និងក្រោយមក ជាគណនេយ្យករ និងជាមន្ត្រីស្រាវជ្រាវនៅវិទ្យាស្ថានទំនាក់ទំនងអន្តរជាតិនៃកម្ពុជា។ កិច្ចការបន្ទាប់របស់លោកបណ្ឌិត គឺធ្វើជាលេខាអចិន្ត្រៃយ៍វិទ្យាស្ថានទំនាក់ទំនងអន្តរជាតិនៃកម្ពុជា សមាជិកគណៈកម្មការនិពន្ធទស្សនាវដ្ដី សមាជិកគណៈកម្មការវិទ្យាសាស្ត្រនយោបាយ និងជាប្រធានលេខាធិការដ្ឋានក្រុមបណ្ឌិតសភាចារ្យ។ លុះនៅថ្ងៃទី១០ ខែសីហា ឆ្នាំ២០១៧ លោកបណ្ឌិត យង់ ពៅ ត្រូវបានតែងតាំងជាអគ្គលេខាធិការរាជបណ្ឌិត្យសភាកម្ពុជា រហូតទល់បច្ចុប្បន្ននេះ និងជាសមាជិកក្រុមប្រឹក្សាភិបាលរាជបណ្ឌិត្យសភាកម្ពុជា៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ២ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៣ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៣ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម