ព័ត៌មានជាតិ

ស្លឹកប្រក្រុងច្របាច់យកទឹកធ្វើបង្អែមរសជាតិឆ្ងាញ់ មានប្រភពពីក្នុងព្រៃ

បានផុស

៦ years មុន

នៅ

ថ្ងៃចន្ទ ៤ មករា ២០២១

ដោយ

ស្លឹកដើមប្រក្រុង ដែលមានប្រភពពីក្នុងព្រៃ បច្ចុប្បន្នមានកសិករយើងបានយកមកដាំក្នុងស្រុកវិញ ក៏ដោយសារស្លឹកប្រក្រុងនេះ ផ្តល់អត្ថប្រយោជន៍ ដែលអាចច្របាច់យកទឹកធ្វើចាហួយលក់បានរាល់ថ្ងៃ ដើម្បីផ្គត់ផ្គង់ដល់ជីវភាពគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី គឹម ឈាន រស់នៅក្នុងស្រុកព្រៃរំដេង ខេត្តតាកែវ បានដាំដើមប្រក្រង់ថ្មីៗនេះដែល ពីមុនធ្លាប់តែចូលព្រៃបោចយកស្លឹកប្រក្រុងយកទឹកលក់។ អាស្រ័យដោយសារឃើញស្លឹកដើមប្រក្រុងមានអំណោយផលច្រើនដល់ការផលិតនិងតម្រូវការទីផ្សាររាល់ថ្ងៃផង ទើបគាត់មានគំនិតយកពូជគ្រាប់ប្រក្រុងក្នុងព្រៃនិងគាស់ដើមខ្លះពីព្រៃមកដាំក្នុងភូមិវិញ ងាយស្រួលមិនរវល់ចូលព្រៃរកទៀត។ អ្នកស្រី បានបន្តថា ការដាំដើមប្រក្រុងជាលក្ខណៈទ្រើងដូចជាសណ្តែកគួរ និងតាសក់ដែរ ហើយក៏មានសណ្តានដូចជា ស្លឹកបាសទាំងដើមនិងស្លឹកដែរ។

ក្នុងការផលិតបង្អែមប្រក្រុងនេះក្នុង១ថ្ងៃប្រើប្រាស់ស្លឹកប្រក្រុង២គីឡូក្រាម ហើយបានផលមកវិញជាដុំដូចចាហួយចំនួន៤០គីឡូក្រាម។ វិធីធ្វើបង្អែមប្រក្រុងនេះ ដោយលាងទឹកសម្អាតប្រក្រុងជាច្រើនដងហើយចាប់ផ្តើមត្រងឲ្យស្អាតច្រកថង់ទុកឲ្យក្នុងរយៈពេល៤ម៉ោងឲ្យវារឹងទើបអាចលក់បាន ដោយអ្នកទទួលទានអាចដាក់ជាមួយទឹកកកលាយទឹកដោះគោស្ករសមានរសជាតិឆ្ងាញ់ ប្រៀបដូចបង្អែមចាហួយខ្មៅដែរ។ អ្នកស្រី គឹម ឈាន ផលិតទឹកប្រក្រុងនេះ ក្នុង១ថ្ងៃបាន៤០គីឡូក្រាម ដែលមានតម្លៃក្នុង១គីឡូក្រាមថ្លៃ២ពាន់រៀល៕