ព័ត៌មានជាតិ
ផ្លូវល្បឿនលឿនភ្នំពេញ-បាវិត តម្លៃជាង ១៦០០ លានដុល្លារ គ្រោងចំណាយពេលសាងសង់ជាង ៤ ឆ្នាំ
ផ្លូវល្បឿនលឿនភ្នំពេញ-បាវិត ដែលមានតម្លៃជាង ១៦០០ លានដុល្លារអាមេរិក ប្រវែង ១៣៨ គីឡូម៉ែត្រ គ្រោងនឹងចំណាយពេលសាងសង់ឲ្យរួចរាល់រយៈពេលជាង ៤ ឆ្នាំ គឺចាប់ពីពាក់កណ្ដាលឆ្នាំ ២០២៣ រហូតដល់ឆ្នាំ ២០២៧ ខាងមុខ។
ថ្លែងក្នុងកិច្ចប្រជុំពិនិត្យពិភាក្សាលើការជំរុញការងារសិក្សាសមិទ្ធិលទ្ធភាព និងការព្រាងកិច្ចសន្យាភាពជាដៃគូរវាងរដ្ឋ និងឯកជន នៃគម្រោងហេដ្ឋារចនាសម្ព័ន្ធផ្លូវល្បឿនលឿន តភ្ជាប់ពីរាជធានីភ្នំពេញ ទៅក្រុងបាវិត កាលពីថ្ងៃទី ១៧ ខែវិច្ឆិកា លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថា គម្រោងផ្លូវល្បឿនលឿនភ្នំពេញ-បាវិតនេះ គ្រោងនឹងបើកការដ្ឋានសាងសង់នៅពាក់កណ្ដាលឆ្នាំ ២០២៣ ហើយគ្រោងនឹងបញ្ចប់ការសាងសង់ក្នុងឆ្នាំ ២០២៧ ខណៈបច្ចុប្បន្នឈានទៅរកការចុះកិច្ចសន្យាតាមការគ្រោងទុកនាពេលខាងមុខ។
លោកទេសរដ្ឋមន្ត្រី ស៊ុន ចាន់ថុល បានឲ្យដឹងបន្តថា គម្រោងផ្លូវល្បឿនលឿនទី ២ នេះ គ្រោងចុះហត្ថលេខាលើកិច្ចព្រមព្រៀងសម្បទានវិនិយោគមួយទៀត នៅក្នុងដំណើរទស្សនកិច្ចរបស់ប្រមុខរាជរដ្ឋាភិបាលកម្ពុជាទៅកាន់ប្រទេសចិន នាពេលខាងមុខ មុនពេលការបើកការដ្ឋានសាងសង់នៅក្នុងខែមិថុនា ឆ្នាំ ២០២៣ ដើម្បីជំរុញការតភ្ជាប់ការដឹកជញ្ជូនពីព្រំដែនកម្ពុជា-វៀតណាម ទៅកាន់ទីក្រុងហូជីមិញ ប្រទេសវៀតណាម ដែលនាំមកនូវការបង្កើនល្បឿនកំណើនសេដ្ឋកិច្ចកាន់តែខ្លាំង ការធ្វើដំណើរកាន់តែលឿន និងមានសុវត្ថិភាព និងអត្ថប្រយោជន៍សំខាន់ៗជាច្រើនទៀត។
លោកទេសរដ្ឋមន្ត្រីបានបន្ថែមថា បើតាមគម្រោងផ្លូវល្បឿនលឿនភ្នំពេញ-បាវិត នេះ នឹងបញ្ចប់ដំណាលគ្នាជាមួយគម្រោងផ្លូវល្បឿនលឿនហូជីមិញ-ម៉ុកបៃ របស់វៀតណាម ហើយនឹងធ្វើការតភ្ជាប់គ្នាត្រង់ចំណុចដែលទទួលបានការឯកភាពទ្វេភាគីតែម្ដង។
តាមការសិក្សាលើសមិទ្ធិលទ្ធភាព នៃគម្រោងហេដ្ឋារចនាសម្ព័ន្ធផ្លូវល្បឿនលឿនតភ្ជាប់ពីរាជធានីភ្នំពេញ ទៅក្រុងបាវិត ខេត្តស្វាយរៀង គឺមានប្រវែងសរុប ១៣៨ គីឡូម៉ែត្រ ដោយកាត់តាមខេត្តកណ្ដាល ព្រៃវែង និងស្វាយរៀង មុននឹងទៅដល់ច្រកទ្វារព្រំដែនបាវិត ដែលមានព្រំដែនជាមួយប្រទេសវៀតណាម ក្នុងគម្រោងចំណាយសរុប ១.៦៣៨ លានដុល្លារអាមេរិក៕
អត្ថបទ ៖ សំអឿន
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង