ព័ត៌មានជាតិ
អ្នកឧកញ៉ា គួច ម៉េងលី ចង្អុលបង្ហាញពីប្រយោជន៍៥យ៉ាង ក្នុងការប្រើប្រាស់ភាសាជាតិ
អ្នកឧកញ៉ា គួច ម៉េងលី ស្ថាបនិកក្រុមហ៊ុន ម៉េងលី ជេ. គួច អេឌ្យូខេសិន បានបង្ហោះសារនៅលើទមព័រហ្វេសបុករបស់លោក នៅថ្ងៃទី០៣ ខែកុម្ភៈ ឆ្នាំ២០២៣ ពីផលចំណេញ៥ចំណុច ចំពោះការប្រើប្រាស់ភាសាជាតិជាគោល។
កាលលើកឡើងរបស់អ្នកឧកញ៉ា គួច ម៉េងលី បែបនេះ ស្របពេលដែលកូនខ្មែរជំនាន់ក្រោយ ជាពិសេស ក្មេងៗដែលមានអាយុ៥ឆ្នាំឡើងទៅ ភាគច្រើនពួកគេចេះនិយាយ និងប្រើប្រាស់ភាសាទី២ ច្រើនជាងភាសាខ្មែរ ឯមួយចំនួនទៀតមិនចេះនិយាយភាសាខ្មែរតែម្តង។ ទាំងនេះ គឺមកពីអាណាព្យាបាលមួយចំនួនបញ្ជូនពួកគេរៀនភាសាបរទេសមុនភាសាកំណើតរបស់ខ្លួន។
អ្នកឧកញ៉ាបានលើកឡើងផលចំណេញ៥ចំណុចដូចជា ទី១ រៀនភាសាជាតិ នឹងធ្វើឱ្យពួកគេយល់ពីវប្បធម៌ និងប្រពៃណីរបស់ខ្មែរកាន់តែច្បាស់។ ទី២ ប្រសិនជារៀនភាសាខ្មែរមុន ធ្វើឱ្យពួកគេរៀនភាសាអង់គ្លេសឆាប់យល់ ប៉ុន្តែ បើរៀនភាសាអង់គ្លេសមុនខ្មែរ ពួកគេមិនងាយចាប់បានភាសាខ្មែរឡើយ។ ទី៣ ធ្វើឱ្យមានទំនាក់ទំនងល្អក្នុងគ្រួសារ ព្រោះក្មេងៗបច្ចុប្បន្នដូចកូនបរទេសអ៉ីចឹង មិនសូវមានទំនាក់ទំនងជាមួយគ្រួសារឡើយ។ ទី៤ ប្រសិនជារៀនភាសាខ្មែរមុន ធ្វើឱ្យយើងយល់ច្បាស់ពីវេយ្យាករណ៍បានល្អ ហើយរៀនភាសាទី២ឆាប់ចេះចាំ។ ទី៥ គឺត្រូវរៀនភាសាខ្មែរឱ្យច្បាស់ជាងភាសាអង់គ្លេស ព្រោះសិស្សដែលរៀនហើយ គឺបម្រើការនៅកម្ពុជា ដូច្នេះ រាល់ឯកសារនានា គឺត្រូវប្រើប្រាស់ភាសាជាតិច្រើន។
អ្នកឧកញ៉ា គួច ម៉េងលី មានប្រសាសន៍ថា៖ “យើងរស់នៅក្នុងសង្គមខ្មែរ វប្បធម៌ខ្មែរ ប្រពៃណីខ្មែរ គួរតែចេះភាសាខ្មែរឱ្យបានច្រើននិងច្បាស់លាស់ ចៀសវាភាសាខ្មែរក៏មិនច្បាស់ ភាសាគេក៏មិនច្បាស់”។ ស្ថាបនិកក្រុមហ៊ុន ម៉េងលី ជេ. គួច អេឌ្យូខេសិនរូបនេះ បានបន្តថា ប្រសិនជាប្រទេសមួយដែលមិនប្រើប្រាស់ភាសាជាតិជាគោលទេ ប្រៀបបាននឹងប្រទេសនោះគ្មានវប្បធម៌ និងអរិយធម៌ច្បាស់លាស់អ៉ីចឹង។ មួយវិញទៀត លោក ក៏បានសំណូមពរប្រជាពលរដ្ឋឱ្យគិតពីចំណុចនេះឡើងវិញ ព្រោះភាសាជាតិពិតជាសំខាន់ណាស់ ប្រសិនជាជនជាតិខ្មែរមិនជួយលើកស្ទួយ និងអភិរក្សភាសារបស់ខ្លួននោះ គ្មានបរទេសណាជួយលើកស្ទួយជាតិសាសន៍កម្ពុជាក្រៅពីប្រជាជនកម្ពុជាខ្លួនឯងឡើយ៕
ដោយ៖ អុន ស្រីមាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ